စောင့်မျှော်ခဲ့ရတာကြာပြီဖြစ်တဲ့ macOS Sierra ဟာဆိုရင်လည်း အခုဆို mac ချစ်သူတွေရှေ့ကို ဆိုက်ရောက်လို့လာပါပြီ။ ဒီတော့ Upgrade မလုပ်ခင်မှာ ပြင်ဆင်ရမှာလေးတွေ နှင့် သိသင့်တာလေးတွေကို ကျနော် မျှဝေချင်ပါတယ်။
၁။ Storage ကို အရင်ဆုံးစစ်ရပါမယ်
MacOS Sierra ဟာ Storage နည်းလမ်းအသစ်ကို မိတ်ဆက်ထားပါတယ်။ ပိုပြီး လျင်မြန်စွာနှင့် လုပ်ဆောင်နိုင်စေပါတယ်။ Upgrade မလုပ်ခင် ကိုယ့်ရဲ့ HDD ထဲမှာတော့ ဘယ်လောက် နေရာလွတ်သေးလဲဆိုတာကို အရင်ဆုံး စစ်ဆေးရပါမယ်။
၂။ မလိုအပ်တာများကို ရှင်းလင်းပါ
Upgrade မလုပ်ခင်မှာ အရေးကြီးပါတယ်။ ကိုယ်သုံးထားသမျှတွေဟာ System junk တွေ၊ Browser caches တွေနှင့် ယခင် Updates အဟောင်းတွေအပြင် အသုံးမလိုတော့တဲ့ ဖိုင်တွေနှင့် Downloads တွေကို ရှင်းလင်းပစ်သင့်ပါတယ်။
၃။ Backup လုပ်ပါ
Upgrade လုပ်နေချိန်မှာ ဘာဖြစ်နိုင်တယ်ဆိုတာ ကြိုတင်မမြင်နိုင်ပါဘူး။ အခန့်မသင့်ရင် error တစ်ခုခု က ဒုက္ခပေးတတ်တာဖြစ်တဲ့အတွက်။ Upgrade မပြုလုပ်ခင်မှာ external HDD (recommended) တစ်ခုခုထဲကို backup လုပ်ထားဖို့ပြောချင်ပါတယ်။ Backup ပြုလုပ်တယ်ဆိုတာဟာ အတော်လေးအသုံးဝင်ပါတယ်။ အကြောင်းမျိုးမျိုးကြောင့်လည်း တစ်ခုခုဖြစ်လာခဲ့ရင် restore လုပ်လို့ရအောင် မကြာမကြာလေး backup ပြုလုပ်ပေးတာအကောင်းဆုံးပါ။ ကျနော်ကတော့ time mechine backup ကို manual ပဲလုပ်လေ့ရှိပြီး auto backup ပေးထားရင် တခါတလေတော့လည်း အနှောင့်အယှက်ဖြစ်လို့ပါ။ အကယ်၍ ကိုယ်က မေ့တတ်တယ်ဆိုရင်တော့ autobackup ပေးထားတာအကောင်းဆုံးပါ။
0 comments:
Post a Comment