GoPro ရဲ့ မြေပြင်မှ ဝေဟင်သို့

GoPro ကင်မရာတွေကို Drones တွေမှာ တပ်ဆင်ပြီး Video Footages တွေကောင်းကောင်းရိုက်ယူဖို့အသုံးပြုခဲ့ကြပါတယ်။ အခုတော့ GoPro က ကိုယ်ပိုင် Drone နှင့် ပျံတော့မှာပေါ့ဗျာ။

လာမယ်လာမယ်နှင့် စောင့်လိုက်ရတဲ့ ဒီ Drone ဟာ သူ့ရဲ့ နာမည်ကြီး GoPro ကင်မရာတွေနှင့် အတူပျံသန်းနိုင်ဖို့ရာ ကောင်းကောင်းကြီး တည်ဆောက်ထားမယ်ဆိုတာ ပြောဖို့လိုမယ်မထင်ပါဘူး။

Karma လို့ နာမည်ပေးထားတဲ့ GoPro Drone ဟာဆိုရင် အခြား Drone တွေလိုပဲ Controller ပါရှိပါတယ်။ တချို့ Controller  တွေဟာ အသုံးပြုထိန်းချုပ်ရ လွယ်ကူစေပြီး တချို့တွေကလည်း Game Controller တွေလိုပဲ ပြုလုပ်ထားပါတယ်။ Karma's Controller ရဲ့ ထူးခြားချက်က Drone မှတစ်ဆင့် မြင်ရမယ့် တိုက်ရိုက်မြင်ကွင်းကို ကြည့်ရှုဖို့ရာ Smartphone တွေကို ချိတ်ဆက်အသုံးပြုစရာမလိုအပ်ပဲ Controller မှာတင်ပဲ Display တပ်ဆင်ပေးထားပါတယ်။

Karma Drone ဟာ သေးငယ်ပါတယ်။ ဒါကြောင့် သင်ရဲ့ ကျောပိုးအိတ်ထဲကို ခေါက်ထည့်ပြီး လိုအပ်ရာကို သယ်ဆောင်သွားနိုင်ပါတယ်။ Drone ကိုဝယ်တဲ့အခါ ထည့်ဖို့ ကျောပိုးအိတ်တစ်လုံး ပါရှိမှာဖြစ်ပါတယ်။ အခုမိတ်ဆက်မယ့် Karma Drone ဟာ hero5 Black နှင့် Hero5 session cameras တွေနှင့် တွဲဖက်အသုံးပြုဖို့ရာအထူးပြုလုပ်ထားတာဖြစ်ပါတယ်။​ဒါပေမယ့်လည်း သင်၏ လိုအပ်ချက်အရ Hero4 Camera တွေကိုသုံးချင်တယ်ဆိုရင်လည်း ချိတ်ဆက်အသုံးပြုနိုင်ပါတယ်။

နောက်ပြီး အကောင်းဆုံးနှင့် ထူးခြားချက်ကတော့ Three-Axis Camera Stabilizer ပါရှိတာဖြစ်ပါတယ်။ လေထဲမှာ တည်ငြိမ်ပြီး ကောင်းမွန်တဲ့ ရိုက်ချက်တွေရအောင် တည်တည်ငြိမ်ငြိမ်နှင့် ထိန်းချုပ်မောင်းနှင်နိုင်မှာဖြစ်ပါတယ်။

GoPro Camera တွေဟာဆိုရင် ထိပ်ဆုံးတန်း နေရာယူထားတာဖြစ်ပါတယ်။ အခုတစ်ခါလည်း Karma Drone နှင့်အတူ DJI ကို ယှဥ်ဖို့ရာ Drone လောကထဲဝင်ရောက်လာပါပြီ။ GoPro Brand ဟာဆိုရင် အတော်များများသိနှင့်ကြပြီးဖြစ်ပြီး DJI ဟာလည်း Drone အသုံးပြုသူတွေကြားမှာတော့ နာမည်ရပြီးသား Brand တစ်ခုဖြစ်ပါတယ်။

Combine that brand recognition with the flexibility of using the Karma in the air and on the ground and its potential ease of use, and the Karma might be a spoiler this holiday season.​ဒီတော့ GoPro ဟာ Brand ကိုကြားခံပြီး မြေပြင်ကနေ ဝင်ဟင်ကို တက်ဖို့ကြိုးစားလာတာလို့ပြောရမှာပေါ့။
အောက်တိုဘာလ ၂၃ ရက်နေ့မှာ စတင်ရောင်းချမှာဖြစ်ပြီး Camera မပါပဲ $799 နှင့် Hero5 Session အပါ $999 နှင့် Hero5 Black edition Camera အပါ $1099 နှင့်ဝယ်ယူရရှိနိုင်မှာဖြစ်ပါတယ်။

Review ကိုတော့ ထွက်ပြီး နောက်မှပဲ ကျနော်ထပ်ပြီး တင်ဆက်ပေးပါ့မယ်။

Read More

၂၂ နာရီကြာ အသုံးခံမယ့် Dell XPS 13

ကျနော့်အကြိုက် Laptops တွေထဲက တစ်ခုဖြစ်တဲ့ Dell XPS 13။ အရင် ဗားရှင်းတွေတည်းက နှစ်သက်ခဲ့တာဖြစ်ပါတယ်။ အခုလို ဗားရှင်းအသစ်နှင့် အတွင်းပိုင်းကလီစာတွေကို Upgrade လုပ်ထားပြီး အထူးသဖြင့် Battery က အားတစ်ခါသွင်းထားရင် နာရီ ၂၀ ကျော်နှင့် အတိအတိပြောရရင် ၂၂ နာရီကျော်အထိ အသုံးခံတယ်ဆိုတော့ဗျာ ပိုပြီးတော့ ကြွေတာပေါ့။

၂၀၁၆ မှာ XPS 13 ကို upgrade လုပ်ထားတာတွေထဲက ကြီးကြီးမားမားပြောင်းလဲတာနောက်တစ်ခုက တော့ Kaby Lake Processor ကိုသုံးထားတာပဲဖြစ်ပါတယ်။ အမျိုးအစား သုံးမျိုးရှိပြီး i7-7500U ၊ i5-7200U နှင့် i3-7100U ဆိုပြီး ဈေးနှုန်းပေါ်မူတည်ပြီး ကွာခြားပါတယ်။ အခု upgrade လုပ်လိုက်တဲ့ Kaby Lake ဟာဆိုရင် 15W အနိမ့်ဆုံး ပါဝါကိုသာအသုံးပြုထားပြီး skylake processors တွေထက် ပိုမိုလျင်မြန်တဲ့ လုပ်ဆောင်ချက်တွေနှင့် လုံလောက်တဲ့ စွမ်းဆောင်ရည်လည်းရှိပါတယ်။

Upgrade လုပ်ထားတဲ့ processor နှင့် အနည်းငယ် ပိုမိုကြီးမားတဲ့ 60 Wh Battery ကိုသုံးထားတဲ့အတွက်ကြောင့် 2016 XPS 13 ဟာ ၂၂ နာရီကြာ 1080P ရှိတဲ့ထူးထူးခြားခြား Laptop တစ်လုံးဖြစ်လာပါတယ်။ အရင် Models တွေမှာလိုပဲ QHD+ ဆိုတဲ့ အမျိုးအစားတစ်ခုပါ ထွက်ရှိပြီး Battery မှာတော့ သိသိသာသာ ကျဆင်းသွားပြီး 13 နာရီ အထိ သာ အသုံးခံမယ်လို့လဲ Dell က ဆိုပါတယ်။

ယခင် XPS 13 တွေမှာ ကြုံတွေ့ရလေ့ရှိတဲ့ WiFi ပြဿနာကိုဖြေရှင်းတဲ့အနေနှင့် Wi-Fi ac 2x2 MIMO ကိုပြောင်းလဲခဲ့ပြီး Blutooth 4.1 ကိုတော့ မပြောင်းလဲခဲ့ပါဘူး။

Thunderbolt 2 USB Type C နှင့် 1 TB PCIe solid state drives နောက်တစ်ခါ 16GB Ram တွေက ပြောင်းလဲမှုမရှိပါဘူး။ Laptop အသစ်ဖြစ်တဲ့ 2016 XPS 13 ဟာဆိုရင် အောက်တိုဘာလ လေးရက်နေ့မှာ $799 နှင့် စတင်ရောင်းချမှာဖြစ်ပြီး ငွေရာင်၊ ရွှေရောင် နှင့် အရောင်သစ်ဖြစ်တဲ့ rose Gold ဆိုပြီး ဝယ်ယူရရှိနိုင်မှာဖြစ်ပါတယ်။

Read More

macOS Sierra Upgrade မလုပ်ခင်

စောင့်မျှော်ခဲ့ရတာကြာပြီဖြစ်တဲ့ macOS Sierra ဟာဆိုရင်လည်း အခုဆို mac ချစ်သူတွေရှေ့ကို ဆိုက်ရောက်လို့လာပါပြီ။ ဒီတော့ Upgrade မလုပ်ခင်မှာ ပြင်ဆင်ရမှာလေးတွေ နှင့် သိသင့်တာလေးတွေကို ကျနော် မျှဝေချင်ပါတယ်။

၁။ Storage ကို အရင်ဆုံးစစ်ရပါမယ်

MacOS Sierra ဟာ Storage နည်းလမ်းအသစ်ကို မိတ်ဆက်ထားပါတယ်။ ပိုပြီး လျင်မြန်စွာနှင့် လုပ်ဆောင်နိုင်စေပါတယ်။ Upgrade မလုပ်ခင် ကိုယ့်ရဲ့ HDD ထဲမှာတော့ ဘယ်လောက် နေရာလွတ်သေးလဲဆိုတာကို အရင်ဆုံး စစ်ဆေးရပါမယ်။

၂။ မလိုအပ်တာများကို ရှင်းလင်းပါ

Upgrade မလုပ်ခင်မှာ အရေးကြီးပါတယ်။ ကိုယ်သုံးထားသမျှတွေဟာ System junk တွေ၊ Browser caches တွေနှင့် ယခင် Updates အဟောင်းတွေအပြင် အသုံးမလိုတော့တဲ့ ဖိုင်တွေနှင့် Downloads တွေကို ရှင်းလင်းပစ်သင့်ပါတယ်။

၃။ Backup လုပ်ပါ

Upgrade လုပ်နေချိန်မှာ ဘာဖြစ်နိုင်တယ်ဆိုတာ ကြိုတင်မမြင်နိုင်ပါဘူး။ အခန့်မသင့်ရင် error တစ်ခုခု က ဒုက္ခပေးတတ်တာဖြစ်တဲ့အတွက်။ Upgrade မပြုလုပ်ခင်မှာ external HDD (recommended) တစ်ခုခုထဲကို backup လုပ်ထားဖို့ပြောချင်ပါတယ်။ Backup ပြုလုပ်တယ်ဆိုတာဟာ အတော်လေးအသုံးဝင်ပါတယ်။ အကြောင်းမျိုးမျိုးကြောင့်လည်း တစ်ခုခုဖြစ်လာခဲ့ရင် restore လုပ်လို့ရအောင် မကြာမကြာလေး backup ပြုလုပ်ပေးတာအကောင်းဆုံးပါ။ ကျနော်ကတော့ time mechine backup ကို manual ပဲလုပ်လေ့ရှိပြီး auto backup ပေးထားရင် တခါတလေတော့လည်း အနှောင့်အယှက်ဖြစ်လို့ပါ။ အကယ်၍ ကိုယ်က မေ့တတ်တယ်ဆိုရင်တော့ autobackup ပေးထားတာအကောင်းဆုံးပါ။

Read More

Mac ဆရာသမားတွေအတွက် အကောင်းဆုံး macOS Sierra လာပါပြီ

အားလုံးက iPhone 7 နှင့် 7 Plus လေးဆီကိုပဲ စိတ်တွေရောက်နေကြလေတော့ MacBook လေးတွေနှင့် macOS Sierra လေးက အမေ့ခံ ဖြစ်နေလေရဲ့။ အဲ့ဒီတော့ ကျနော်လည်း အမေ့ပျောက်ခံလေးကို အစပြန်ဆွဲထုတ်ရတာပေါ့။ အဓိက ကတော့ လာမယ့် ၂၀ ရက်နေ့မှာ တရားဝင် Update ထွက်လာမယ့် macOS အသစ်လေး Sierra ဟာဆိုရင် Apple ရဲ့ နောက်ဆုံး OS တစ်ခုဖြစ်ပါတယ်။ WWDC 2016 ဇွန်လမှာ စတင်မိတ်ဆက်ခဲ့ပြီး အားလုံးလည်း Beta Programme ကို ပါဝင်ပြီး အစမ်းသပ်ခံ ဖြစ်လာခဲ့ပါတယ်။ အခုတော့ လာမယ့် ၂၀ ရက်နေ့မှာ အားလုံးပဲ Update လုပ်ပြီး အသုံးပြုနိုင်တော့မှာပါ။

Free Update တစ်ခုဖြစ်ပြီး Mac App Store တဆင့် သတ်မှတ်ထားတဲ့ ၂၀ ရက်နေ့ ရောက်ရင် အားလုံး Update လုပ်အသုံးပြုနိုင်မှာဖြစ်ပါတယ်။ သို့ပေမယ့် အချို့သော Macs တွေကတော့ OS အသစ်ကို ရယူသုံးစွဲနိုင်မှာမဟုတ်ပါဘူး။ Update ပြုလုပ်လို့ရမည့် MacBooks တွေကတော့ MacBook (late 2009 or newer), the MacBook Pro (mid-2010 or newer), the MacBook Air (late 2010 or newer), the Mac mini (mid-2010 or newer), the iMac (late 2009 or newer), and the Mac Pro (mid-2010 or newer) တွေပဲဖြစ်ပါတယ်။

ထပ်ဖြည့်ပြီးပြောရရင် macOS Sierra ကို upgrade လုပ်ဖို့ရာအတွက် လက်ရှိသင့် mac မှာ OS X 10.7.5 ဒါမှမဟုတ် ဒီထက် မြင့်တဲ့ OS တစ်ခုကို installed လုပ်ထားရမှာဖြစ်ပြီး RAM 2 GB နှင့် Storage က 8.8 GB အနည်းဆုံးရှိမှ ရမှာပါ။ အဓိက လုပ်ဆောင်ချက်တစ်ခုအနေနှင့် macOS Sierra မှာဆိုရင် Apple ရဲ့ Assistant ဖြစ်တဲ့ Siri ကို Mac OS ဆီကို ရောက်ရှိလာတာဖြစ်ပါတယ်။ ပထမဦးဆုံးအကြီမ် Siri ကို Mac တွေပေါ်မှာ အသုံးပြုလို့ရတော့မှာပါ။ Siri intelligent personal assistant ဟာဆိုရင် သင့်ရဲ့ လုပ်ဆောင်ချက်တွေကို အဆင်ပြေလွယ်ကူစွာ လုပ်ဆောင်နိုင်စေရန် နည်းမျိုးစုံနှင့် ကူညီပေးမှာဖြစ်ပါတယ်။ ဥပမာ - ပုံတွေ၊ ဖိုင်တွေ ရှာတာပဲဖြစ်ဖြစ်၊ စာတိုပေးပို့တာတွေအပြင် သီချင်းဖွင့်တာတွေက အစ ကူညီဖို့ အသင့်ရှိနေမှာပါ။ Siri ကို သင်က ရိုးရှင်းတဲ့ အမိန့်ပေးစေခိုင်းမှုတွေနှင့် ဒါတွေအားလုံးကို လုပ်ဆောင်နိုင်စေမှာဖြစ်ပါတယ်။

macOS Sierra မှာ iCloud Drive အသုံးပြုမှုကိုလည်း ပိုမိုအဆင်မြှင့်ထားပြီး အခုဆိုသင်ဟာ ဖိုင်တွေပုံတွေကို ပိုမိုလွယ်ကူတဲ့ နည်းလမ်းတွေနှင့် Device တွေတစ်ခုနှင့် တစ်ခုကြား ကူပြောင်း လုပ်ဆောင်နိုင်တော့မှာဖြစ်ပါတယ်။ ဒါ့အပြင် ဖိုင်တစ်ခုတည်းကို တစ်ချိန်တည်းတစ်ပြိုင်တည်းမှာ တည်းဖြတ်လုပ်ဆောင်နိုင်လာတဲ့ Keynotes၊ Numbers နှင့် Pages တွေဟာဆိုရင်လည်း ပိုလို့အသုံးဝင်လာပါတယ်။

Universal Clipboard ဆိုတဲ့ လုပ်ဆောင်ချက်အသစ်ဟာဆိုရင် ကိုယ့်ရဲ့ Apple Devices တွေ တစ်ခုနှင့် တစ်ခုကြား ပေါင်းကူးတစ်ခုဖြစ်လာပါတယ်။ မည်သည့် Apple Device ကမဆို သင်ကူးယူလိုက်တဲ့ အရာကို အခြား Device မှာ ပြည်လည် အသုံးပြု(Paste) နိုင်မှာဖြစ်ပါတယ်။ နောက်ပြီး Device တစ်ခုမှ အခြားတစ်ခုကို ပုံတွေ ၊ ဗွီဒီယိုတွေနှင့် စာသားတွေကိုလည်း Drag and Drop ပြုလုပ်အသုံးပြုနိုင်မှာဖြစ်ပါတယ်။ သိပ်တော့ မစိမ်းလှတဲ့ နည်းပညာဖြစ်ပြီး Avatar ရုပ်ရှင်ကားထဲကလို အနားကပ်ပြီး Drag and Drop လုပ်နိုင်တော့မှာဆိုတော့ ထူးခြားတဲ့ Copy Paste ပဲပေါ့ဗျာ။

နောက်တစ်ခုကတော့ macOS Sierra မထွက်ခင်တည်းက လူအများကြားထဲ ရေပန်းစားနေတဲ့ Apple Watch မှ တစ်ဆင့် Mac တွေကို unlock ပြုလုပ်နိုင်ခြင်းပဲဖြစ်ပါတယ်။ သင်ဟာ Apple Watch ဝတ်ဆင်ထားသူဖြစ်ပြီး နောက်ဆုံးထွက် Watch OS ကို upgrade လုပ်ထားပြီးဖြစ်ရင်တော့ လာမယ့် ၂၀ ရက်နေ့ကစပြီး သင့် Mac ကို Password တစ်လုံးမှ ရိုက်စရာမလိုပဲ ဖွင့်ပြီး တန်းသုံးနိုင်မှာဖြစ်ပါတယ်။

အခြားလုပ်ဆောင်ချက်တွေအနေနှင့်ကတော့ Apple Pay၊ Picture in Picture Mode၊ Memories၊ messages နှင့် ပိုမိုကောင်းမွန်လာမယ့် iTunes လုပ်ဆောင်ချက်တွေဖြစ်ပါတယ်။ Picture-in-Picture အနေနှင့်ကတော့ လုပ်လက်စ အလုပ်လေးတွေ မပျက်ရအောင် နှင့် Webpage တွေနှင့် iTunes ကနေ ကိုယ်ကြည့်ချင်နေတဲ့ ဘောပွဲလေးတွေ၊ ရုပ်ရှင်လေးတွေကို တစ်ချိန်တည်းတစ်ပြိုင်တည်းမှာ အလုပ်မပျက်စေပဲ ကြည့်နိုင်မှာဖြစ်ပါတယ်။

လတ်တလောကတော့ iOS 10 လေးကို သုံးနေရင်းနှင့် လာမယ့် ၂၀ ရက်နေ့မှာရမယ့် macOS လေးကိုလည်း မမေ့ကြပါနှင့်လို့ . . .

Read More

iOS 10 Upgrade မလုပ်ခင်

iOS 10 တော့ ကို Upgrade လုပ်လို့ရပြီဖြစ်ပါတယ်။ သင့်ဖုန်းဟာ iOS 10 ကို Upgrade လုပ် ဖို့သင့်တော်ရဲ့လား ? နောက်ပြီး iOS Upgrade မလုပ်ခင် ဘာတွေ ပြင်ဆင်ဖို့ လိုအပ်သလဲ ? အောက်မှာ ဆက်ပြီးကြည့်ရအောင်။

ပထမဦးဆုံး သိရမှာက Upgrade လုပ်လို့ရတဲ့ Devices တွေပါ။ အောက်မှာရှိတဲ့ List ကတော့ iOS 10 ကို Upgrade လုပ်လို့ရမယ့် Devices တွေပဲဖြစ်ပါတယ်။

List ထဲမှာ မပါတဲ့ Devices တွေကတော့ iOS 9 မှာပဲ နောက်ကျ ကျန်ခဲ့တော့မှာပါ။ Devices တွေကတော့ iPhone 4s, iPad Air, iPad 3rd Generation, iPad 2, iPad Mini 1st Generation နှင့် iPod Touch 5th Generation တွေပဲဖြစ်ပါတယ်။ Apple ကတော့ ကိုယ့်ရဲ့ Device တွေကို ကိုယ်ကိုတိုင် Date Out အောင်လုပ်တဲ့အထဲမှာ ဆရာကြီးပဲဆိုရမလား ?

နေရာလွတ်ကျန်သေးရဲ့လား ?

Upgrade ဒုတိယ အရေးကြီးဆုံးအချက်ဖြစ်ပါတယ်။ ကျနော်ဆိုရင် Applications တွေ အတော်များများဖျက်ပြစ်လိုက်ရပါတယ်။ ပုံတွေကတော့ များသောအားဖြင့် ကျနော်က တစ်လ တစ်ခါလောက် ကွန်ပျူတာထဲ Backup လုပ်လေတော့ ပုံတွေကိုတော့ စိတ်ပူစရာမရှိပါဘူး။ ဒါပေမယ့် သင့်ရဲ့ ပုံတွေကိုတော့ ပျက်မသွားရလေအောင် ဂရုစိုက်သင့်ပါတယ်။ ပုံတွေ၊ Notes တွေ နှင့် ဖုန်းနံပါတ်တွေ နောက်ပြီး Video တွေ ကတော့ အရေးကြီးဆုံးဖြစ်ပါတယ်။ iCloud Sync ကလည်း တစ်ခါတစ်လေ စိတ်မချရလေပါဘူး။ ဘာလို့ဆို အင်တာနက်လိုင်းက ကျနော်တို့ဆီမှာ သိပ်မကောင်းပါဘူး။

Applications များကို Update လုပ်ပါ

နောက်တစ်ခုက လက်ရှိ iOS 9 မှာသုံးနေတဲ့ Applications တွေကို Update လုပ်ထားဖို့ပါ။ ဒါမှလည်း iOS 10 ကို upgrade လုပ်ပြီးသွားတဲ့အခါမှာ အသင့် အသုံးပြုနိုင်မှာဖြစ်ပါတယ်။

Back Up လုပ်ပါ

နောက်ဆုံး အသိပေးချင်တာကတော့ ဖုန်းတစ်ခုလုံးကို ကွန်ပျူတာနှင့် ချိတ်ပြီး Backup လုပ်ဖို့ မမေ့ပါနှင့်။

အားလုံးလုပ်ပြီးလို့ စိတ်ချရပြီဆိုရင်တော့ Setting > General > Software Update ကို သွားပြီးတော့ Download And Install ဆိုပြီး Upgrade လုပ်လို့ရပြီဖြစ်ပါတယ်။

အခုထွက်လာတဲ့ iOS 10 Upgrade နှင့်ပတ်သတ်ပြီး အချို့သော Devices တွေမှာ ဘာမှအလုပ်ဆက်မလုပ်တော့ပဲ ရပ်သွားတာမျိုးတွေ ကြုံရပါတယ်။ နောက်ပြီး Computer ကနေ Update လုပ်မယ်ဆိုရင်တော့ iTune ကို အရင်ဦးဆုံး Update ပြုလုပ်ဖို့ လိုအပ်ပါတယ်။ နောက်ပြီး iTune ကနေ Update လုပ်မယ်ဆိုရင် ဖုန်းတစ်ခုလုံးကို Wipe (ဖျက်) ပစ်မှာဖြစ်တဲ့အတွက် ကိုယ့်ရဲ့ ဒေတာ လေးတွေမပျက်သွားရလေအောင် သတိရှိရှိနှင့် Backup ပြုလုပ်ဖို့ မမေ့ပါနှင့်လို့။

Read More

360 Photo Sphere ရိုက်ပြီး Facebook မှာ Share ရအောင်

360 Photo Sphere ဆိုတာဟာ Google ရဲ့ မြေပုံတွေ၊ ဖုန်းတွေနှင့် အခြားသော ဝန်ဆောင်မှုနေရာ တော်တော်များများမှာ သုံးနေခဲ့တာကြာပါပြီ။ အခုဆို Facebook ကလည်း 360 Degree ပုံတွေနှင့် Panorama တွေကိုလည်း ကြည့်ရှုနိုင်လာပြီဖြစ်ပါတယ်။ အခုချိန်ထိ Facebook မှာ ကျနော် တွေ့မြင်ရတဲ့ တော်တော်များများ 360 Panorama တွေပဲဖြစ်နေပြီး Photo Sphere ရိုက်ပြီးတင်တဲ့သူတွေ သိပ်မတွေ့ရဘူး။ ဒါကြောင့်ကျနော် Photo Sphere ရိုက်ပြီးတင်လို့ရတဲ့ နည်းလမ်းလေးကို Video လေးလုပ်ပြီး တင်ပေးရတာဖြစ်ပါတယ်။

အများအားဖြင့် အခုလို 360 Photo Sphere တွေကို Google Street View မှာ မြင်တွေ့နိုင်ပါတယ်။ အခုလည်း ကျနော်ပြသထားတဲ့ နည်းလမ်းလေးဟာ Street View Application ထဲက Camera ကို အသုံးပြုပြီး ရိုက်ထားတာဖြစ်ပါတယ်။

Facebook ဟာ Social Network ကြီးဖြစ်တဲ့အပြင် စာရေးတာ စာဖတ်တာနှင့် သတင်းအချက်အလက်တွေကိုပါ ရယူနိုင်တဲ့ တစ်တည်းသော ကြီးမားတဲ့ Network ကြီးဖြစ်နေလေတော့ Blog ကို လာဖတ်တဲ့သူက အတော်လေးကို နည်းပါတယ်။ ဒါပေမယ့်လည်း ကျနော်လို စာရေးတဲ့သူတွေအတွက်က အချက်အလက်တွေကို လွယ်လွယ်ကူကူနှင့် ပြန်လည်ရယူနိုင်ဖို့က အရေးကြီးတဲ့အတွက် အခုလို Blog တွေရေးတယ်။ Website တွေလုပ်တယ်ဆိုတာ ဖြစ်လာတာပါ။ ဒါကြောင့်လည်း ကျနော် အခုလို လူအများစိတ်ဝင်စားမယ့် Video လေးလုပ်ပြီး နည်းလမ်းအသစ်အဆန်း လေးတွေကိုမျှဝေရခြင်းပဲဖြစ်ပါတယ်။ နောက်လည်း အခုလို Video လေးတွေများများလုပ်နိုင်ဖို့ ကြိုးစားနေပါတယ်။

Read More

Apple က သက်သေပြနေတဲ့ Mobile နည်းပညာ

iPhone 7 ကိုမိတ်ဆက်ခဲ့တဲ့ ပြီးအပြီးမှာတော့ တချို့က တော့ ဒါပဲလားဆိုပြီး ပြောတဲ့သူတွေရှိသလို တချို့ကျတော့လည်း သိပ်ကောင်းတယ်သိပ်မိုက်တဲ့ ဖုန်းပဲဆိုပြီး ပြောနေကြပါတယ်။ အားလုံးလဲသိပြီးသွားတဲ့အတိုင်းပဲ iPhone6s ရဲ့ ဒီဇိုင်းအသွင်အပြင်နှင့် အတွင်းပိုင်းကလီစာတွေကိုပဲ မြှင့်တင်ထားပြီး၊ ပိုကောင်းတဲ့ ကင်မရာနှင့်အတူ Headphone jack ပေါက်ကိုပါ ဖျောက်ပစ်လိုက်တာပါ။

iPhone 7 ကြည့်ရင် Smart Phones တွေရဲ့ ပြီးပြည့်စုံမှု တိုးတက်လာတယ်ဆိုတဲ့ ဥပမာကို တွေ့ရမှာပါ။ Telsa ဟာဆိုရင် သူ့ကားတွေကို မကြာ မကြာ ထုတ်လေ့မရှိပါဘူး။ ဒါပေမယ့် နှစ်စဥ် ပိုမိုကောင်းမွန်မယ့် ပြုပြင် ပြင်ဆင်မှုတွေကို UPgrade ပြုလုပ်လေ့ရှိပါတယ်။

ဒီနှစ်ရဲ့ iPhone ဟာလည်း အတွင်းပိုင်းပြုပြင်ပြောင်းလဲမှုတွေနှင့် ပေါ်ထွက်လာခဲ့တဲ့ လှပတဲ့ဖုန်းတစ်လုံးလို့ဆိုရမှာပါ။ အများကြီးလည်း ရှေ့ကို ခုန်ပျံ တိုးတက်သွားတာမျိုးမဟုတ်ပါဘူး။ ဒါပေမယ့် ကျနော်တို့ နှင့် Apple ကြားမှာ တွေ့နေရတဲ့ အချိန်အတိုင်းအတာရ Apple ဟာ နောက် နှစ်ကျရင် ရော ကြီးမားတဲ့ တိုးတက်ပြောင်းလဲမှုတွေ မလုပ်နိုင်ခဲ့ရင် ဘာဖြစ်မှာလဲ ?

Smartphone တွေရဲ့ တီထွင်စမ်းသစ်မှုတွေဟာ တစ်ဖြည်းဖြည်းနှင့် နှေးကွေးလို့လာနေပြီဖြစ်ပါတယ်။ လွန်ခဲ့တဲ့ ၉ နှစ်ကနေ အခုချိန်ထိ ကြည့်မယ်ဆိုရင်ပဲ အများကြီး တိုးတက်ပြောင်းလဲလာနေတာကို တွေ့ရမှာပါ။

ဒါပေမယ့်လည်း အခုဆိုလူတွေဟာ Mobile ခေတ်ကြီးထဲ ကို တဟုန်ထိုး ဝင်တိုးနေတဲ့ ခေတ်ကိုရောက်လာခဲ့ပြီး။ Mobile Smartphones တွေရဲ့နည်းပညာဟာလည်း ချက်ချင်းကို တိုးတက်ပြောင်းလဲလာခဲ့ပါတယ်။ အခု ဆိုရင် သတိထားမိကြမှာကတော့ ကွန်ပျူတာနှင့် ပတ်သတ်တဲ့ နည်းပညာပြောင်းလဲတိုးတက်မှုတွေဟာ အခုဆို နှေးကွေးလာပါပြီ။အကြီးစားတိုးတက်ပြောင်းလဲမှုတွေကိုလည်း မြင်တွေ့ရတာ နည်းပါးလာပါတယ်။

Mobile နည်းပညာရဲ့ တိုးတက်မှုကရော နှေးကွေးလာပြီလား?
Apple ကလည်း ဒီထက်လည်း ထူးခြားတိုးတက် ပြောင်းလဲမှုတွေကို ချက်ချင်းဆိုသလို မချပြနိုင်တော့တဲ့အခြေအနေကိုရောက်လာပြီလို့ထင်ပါတယ်။ iPhone 6s တွေ 5s တွေနှင့် SE စတာတွေကို နည်းပညာအသစ်တစ်ခု ကိုချပြဖို့အချိန် ယူတဲ့နေရာမှာ အသုံးချနေသလိုပါပဲ။ အခုတခါလည်း ကြည့်မယ်ဆိုရင် iPhone 7 မှာ ကင်မရာတွေပိုကောင်းလာတယ် Home Button ကိုအဆင့်မြှင့်ထားတယ်(ရှေ့နှစ် ၂၀၁၅ ထဲက MacBooks တွေမှာသုံးထားတဲ့နည်းပညာကိုပဲပြန်သုံးထားတာပါ။)၊ Display က အလင်းရောင်ပိုကောင်းလာတယ်၊ နောက်ပြီး အပေါ်ယံ ဒီဇိုင်းအနည်းငယ် ပြောင်းလဲထားတယ်။ ဆိုတော့ နည်းပညာအသစ်က ဘာလည်းလို့ မေးခွန်းထုတ်စရာပဲ။

Apple အနေနှင့် လက်ရှိ သိနေ ကြားနေရတဲ့ နည်းပညာ သတင်းတွေအရတော့ လာမယ့် ၂၀၁၇ မှသာလျှင် နည်းပညာအသစ်အဆန်းတွေနှင့်အတူ ကြီးကြီးမားမား ပြောင်းလဲမှုတွေကို မြင်တွေ့ရမယ်လို့ သိရပါတယ်။

Read More

MPT CO-Branded Device M50 နှင့် ခဏတာ Review

Good - ဖုန်းရဲ့တည်ဆောက်ပုံနှင့် ဒီဇိုင်းအသွင်အပြင်ဟာဆိုရင် လေးထောင့်ကျကျနှင့် Smart ဖြစ်ပါတယ်။ လက်ထဲမှာကိုင်ရတာလည်း အဆင်ပြေပြီး သုံးရလွယ်ကူပါတယ်။ ကင်မရာမှာဆိုရင်လည်း အသင့်အတင့်ကောင်းမွန်ပြီး Selfie ဆွဲမယ့်သူတွေအတွက် စျေးနှုန်းသက်သာပြီး ကောင်းမွန်တဲ့ ဖုန်းတစ်လုံးဖြစ်ပါတယ်။

Bad - သိုလှောင်သိမ်းဆည်းမှု ပမာဏ 8 Gb Storage သာရှိပါတယ်။ ဂိမ်းကစားမယ်၊ သီချင်းနားထောင်မယ်၊ ရုပ်ရှင်ကြည့်မယ်ဆိုတဲ့ သူတွေအတွက်ကတော့ Micro SD လေးဝယ်ပြီး ထပ်ထည့်ဖို့တော့လိုပါလိမ့်မယ်။ လက်ရှိ Android OS 5.1 ကိုအသုံးပြုထားပါတယ်။ Update အတွက်က မသေချာပါဘူး။ Battery ဟာဆိုရင်လည်း ဖြုတ်တတ်လုပ်လို့မရတဲ့အတွက် ဖုန်းအသုံးများပြီး ခဏခဏ Battery ကုန်တတ်တဲ့သူတွေအတွက်ကျတော့ အပို Battery ဆောင်ထားလို့ မဖြစ်ပါဘူး။ Battery ကလည်း 2000 mAh သာရှိပါတယ်။ Navigation Keys များကိုလည်း Softkeys တွေကိုသာ အသုံးပြုထားတဲ့အတွက် အလေ့အကျင့်ဖြစ်ဖို့တော့ အချိန်ယူရပါမယ်။SIM Card နှစ်ကဒ် ဆိုပေမယ့် MicroSD ကဒ်ကို သုံးတဲ့အချိန်မှာ Second SIM ကို ထည့်သုံးလို့မရပါဘူး။

အားလုံးအကြမ်းဖျင်း ခြုံပြီးပြောရရင် ဒီဇိုင်းလန်းလန်းနှင့် စျေးနှုန်းသင့်ပြီး ၊ကင်မရာကောင်းတဲ့ ဖုန်းတစ်လုံးဖြစ်ပါတယ်။

Design

Metal Frame နှင့် ဘေးပတ်လည် ဘောင်ကွပ်ထားပြီး အောက်ခြေပိုင်းကိုကြည့်မယ်ဆိုရင်တော့ USB ပေါက်ဘေး တစ်ဖက်တစ်ချက်ဆီမှာ Speaker ၂ လုံးကို မြင်တွေ့ရမှာဖြစ်ပါတယ်။အနောက်ဘက်ကိုတော့ ပလပ်စတစ်ကိုပဲသုံးပြီး အပြောင်သားနှင့်ပြုလုပ်ထားပါတယ်။ ဘယ်ဘက်အပိုင်းမှာပဲ ဖုန်းရဲ့ ခလုတ် သုံးခုဖြစ်တဲ့ Power Button နှင့် အသံအတိုးအကျယ် ခလုတ် ၂ ခုကို မြင်တွေ့ရမှာဖြစ်ပါတယ်။ ဘယ်သန်နှင့် ဖုန်းအသုံးများသူတွေအတွက်တော့ ပိုပြီးအဆင်ပြေနိုင်ပေမယ့် ညာဘက်နှင့်ကိုင်တဲ့သူတွေအတွက်တော့ လက်မနှင့် ပါဝါခလုတ်ကို နှိပ်လို့မရဘူးဆိုတော့ ကသိကအောက်တော့ ဖြစ်နိုင်လိမ့်မယ်။ တကယ်တန်းပြောရရင် အတော်များများက ညာဘက်လက်နှင့်ကိုင်ပြီး လက်မနှင့်သာ Power ခလုတ်ကို နှိပ်လေ့ရှိကြတာပါ။ 

မျက်နှာပြင် အကျယ်ကတော့ ၅ လက်မနှင့် မှန်သားဖုန်းအုပ်ထားရာမှာတော့ ဘေးနားပတ်လည်မှာ အနည်းငယ်လေးခုံးထားတဲ့အတွက် ဖုန်းကို အသုံးပြုရာမှာ အတော်လေးအဆင်ပြေတာကိုတွေ့ရပါတယ်။ ဖုန်းနှင့် မျက်နှာပြင်အပေါ်ဘက်မှာဆိုရင်တော့ Sensor နှင့် Selfie ဆွဲဖို့ရာ ရှေ့ဘက် ကင်မရာတစ်လုံးပါရှိပါတယ်။

နားကြပ်ပေါက်ကတော့ ဖုန်း၏ အပေါ်ဘက်မှာတဲ့အတွက် နားကြပ်နှင့်သီချင်းနားထောင်လေ့ရှိတဲ့သူတွေအတွက် အဆင်ပြေလွယ်ကူစေပါတယ်။ အဓိက ကတော့ နားကြပ်ကို တပ်ထားလျက်နှင့် ဘောင်းဘီအိပ်ကပ်ထဲကို ထည့်တဲ့အခါမှာပဲဖြစ်ဖြစ် အိပ်ကပ်ထဲထည့်တာပဲဖြစ်ဖြစ် ပိုပြီးအဆင်ပြေလွယ်ကူစေလို့ဖြစ်ပါတယ်။ ဖုန်းကဒ်ကို SIM CARD ၂ ကဒ် ထည့်သွင်းအသုံးပြုနိုင်ပါတယ်။

Software & Features

Android OS 5.1 Lolipop ကိုအသုံးပြုထားပြီး လုပ်ဆောင်ချက်တိုင်းကို လျင်လျင်မြန်မြန်နှင့် လုပ်ဆောင်နိုင်စေပါတယ်။ဖုန်းကို စဖွင့်လိုက်တာနှင့်စနစ်တစ်ခုလုံးကို မြန်မာလိုမြင်ရမှာဖြစ်ပြီး၊ အသုံးများတဲ့ Application တွေဖြစ်တဲ့ Facebook၊ Viber ၊ Wechat နှင့် ကူးမယ်ရွေ့မယ်ဆိုတဲ့သူတွေအတွက်လည်း Zapya ကိုပါ တစ်ခါတည်းထည့်သွင်းပေးထားပါတယ်။ ဒါ့အပြင် MPT ၏ ဝန်ဆောင်မှုတွေကို အဆင်ပြေလွယ်ကူစွာ အသုံးပြုနိုင်မယ့် MPT 4U အပြင် သတင်းအချက်အလက်တွေကိုပါ တစ်နေရာထဲမှာ ခဏလေးအတွင်းသိရှိနိုင်မယ့် MPT ၏ LOTAYA (လိုတရ) Web Portal ကိုပါ တစ်ပါတည်းထည့်သွင်းပေးထားပါတယ်။ အတွင်းပိုင်းမှာတော့ CPU Quad Core 1.3 ၊ RAM 1 GB  ကိုသုံးထားပါတယ်။ Battery ကတော့ 2000 mAh ပါဝင်ပါတယ်။ GPU မှာတော့ Mali-400 MP ကိုပဲသုံးစွဲထားတာဖြစ်ပါတယ်။။ COC ကိုတော့ နိုင်နိုင်နင်းနင်းဆော့နိုင်ပေမယ့် Clash Royal ကစားမယ်ဆိုရင်တော့ Frame Rate ကသိပ်ကောင်းမှာမဟုတ်ပါဘူး။ နောက်ပြီး အပိုဆောင်း လုပ်ဆောင်ချက်တွေအနေနှင့် မျက်နှာပြင်ကို နှစ်ချက်ထိတာနှင့် ဖုန်းက Screen လင်းလာမယ့် Gestures လုပ်ဆောင်ချက်များလည်း ပါဝင်ပါတယ်။ ဒီ Gestures လုပ်ဆောင်ချက်မှာဆိုရင်တော့ ၁၀ မျိုးအထိ ရွေးချယ်အသုံးပြုနိုင်ပါတယ်။ နောက်ပြီး ဖုန်းလာတဲ့အခါမှာ ကိုယ်က ဖုန်းကိုလည်း မချလိုက်ချင်ဘူး ကိုင်လည်း မကိုင်ချင်ဖူးဆိုရင်တော့မျက်နှာပြင်ကို အောက်ကို မှောက်လိုက်တာနှင့် အလိုလျောက် Silence(အသံတိတ်) ဖြစ်သွားမည့် လုပ်ဆောင်ချက်လည်းထည့်သွင်းပေးထားပါတယ်။ ဘာသာစကားဆိုင်ရာ မှာဆိုရင်လည်း English (အင်္ဂလိပ်)၊ Chinese (တရုတ်) နှင့် Burmse(ဗမာ) ဆိုပြီး သုံးမျိုးရွေးချယ်အသုံးပြုနိုင်ပါတယ်။ ဒီနေရာမှာ စိတ်ဝင်စားစရာကတော့ ဗမာ ဘာသာစကားဖြစ်ပြီး လက်ရှိအချိန် မြန်မာနိုင်ငံနည်းပညာလောကမှာလည်း အတိုက်အခံဖြစ်နေတဲ့ ဇော်ဂျီ နှင့် ယူနီကုတ် ဘာကို ထည့်ပေးထားမလည်းလို့ သိချင်ကြမှာပါ။ ကျနော်အနေနှင့်ကတော့ နောက်ပိုင်း နည်းပညာပစ္စည်းတွေကိုဆိုရင် ဘာသာစကားတိုင်းမှာ Unicode ကိုပဲ မြင်ချင်ပါတော့တယ်။ ဒါမှလည်း ကိုယ့်ဘာသာစကား မပျောက်ပျက်သွားမှာပါ။ အခုဖုန်းဘက်ကို ပြန်လှည့်ရဦးမယ်ဆိုရင်တော့ ဗမာဘာသာစကားကို ဇော်ဂျီပဲ သုံးထားပါတယ်။ ဖုန်းစနစ်တစ်ခုလုံးကို ဇော်ဂျီနှင့် မြန်မာလို ပြောင်းလဲအသုံးပြုနိုင်ပါတယ်။ မြန်မာစာ ကီးဘုတ်ကိုလည်း တစ်ခါတည်း ထည့်သွင်းပေးထားပြီးဖြစ်ပါတယ်။။ ဖုန်းရဲ့ Home Launcher မှာ App Drawer ကို မသုံးထားတဲ့အတွက်တော့ Software တွေများလာတာနှင့်အမျှ အနည်းငယ်တော့ Screen ပေါ်မှာ မျက်စိနောက်မှာပါ။

Camera

Camera ပိုင်းအနေနှင့်ကတော့ ၁ သိန်း ဝန်းကျင် ဈေးနှုန်းအရ အတော်လေးကောင်းတဲ့ ဖုန်းတစ်လုံးလို့ ပြောနိုင်ပါတယ်။ နောက်ကင်မရာကိုသုံးပြီးပဲ ဓါတ်ပုံရိုက်မလား၊ ရှေ့ ကင်မရာနှင့် Selfie ပဲဆွဲမလား စိတ်ကြိုက် ဖြစ်မယ့် ပုံတွေကို ရနိုင်ပါတယ်။ ရှေ့ကင်မရာ (အများသုံးတော့ Selfie ကင်မရာလို့ခေါ်မလား) ကတော့ 5.1 Megapixels ဖြစ်ပြီး SD (Standard Definition 480 pixels) ရုပ်ထွက်ရှိတဲ့ ဗွီဒီယိုတွေကို ရိုက်ကူးနိုင်ပါတယ်။ နောက်ကင်မရာ(Main Camera) ကတော့ 8.0 Megapixels ပါဝင်ပြီးတော့ HD (High Difinition 1080 pixels) ရုပ်ထွက်ရှိတဲ့ ဗွီဒီယိုတွေကို ရိုက်ကူးနိုင်ပါတယ်။ ဒါ့အပြင် Smile Detection နှင့် မျက်နှာကို သိရှိနိုင်တဲ့ Face Detection နည်းပညာတွေကိုပါ သုံးပြုပြီး ဓါတ်ပုံများ ဗွီဒီယိုများကို ရိုက်ကူးနိုင်ပါသေးတယ်။ Burst Mode (တစ်ချက်နှိပ်လိုက်ရုံနှင့်ဓါတ်ပုံအများကြီးရိုက်နိုင်သောနည်းပညာ) ကတော့ အများဆုံး ၁၀ ပုံအထိ ရိုက်ယူနိုင်ပါတယ်။ Autofocus နှင့် Continuous Focus ဆိုပြီး ၂ မျိုးရွေးချယ်နိုင်ပါတယ်။ ကင်မရာရဲ့ လျင်မြန်မှုနှုန်းဟာ Point And Shoot တော့ မရပေမယ့် အတော်လေး သုံးလို့အဆင်ပြေပါတယ်။

ဒီနေ့ MPT ကနေ မိတ်ဆက်ခဲ့တာကတော့ မော်ဒယ်အမျိုးအစား ၂ မျိုးဖြစ်ပြီး တစ်မျိုးက M40 နှင့် ယခု လက်ရှိ ကျနော် Review ရေးထားတဲ့ M50 ဖြစ်ပါတယ်။ ကျနော်စမ်းသပ်သုံးစွဲခဲ့ရတဲ့ အချိန်ကလည်း ၂ ရက်တာအတွင်းဖြစ်တာရယ်နှင့် မအားလပ်တဲ့ကြားကနေ ပြီး ဒီ Review လေးကိုရေးထားတာဖြစ်တဲ့အတွက် လိုအပ်ချက်တွေရှိနေရင်လည်း ဖြည့်စွက်ပြီး တွေးပေးကြပါလို့ . . . 

ဖုန်းများကို စက်တင်ဘာလ ၁၂ ရက်နေ့မှ စပြီး MPT အရောင်းဆိုင်ခွဲများနှင့် နီးစပ်ရာ ဖုန်းဆိုင်များမှာ မေးမြန်းဝယ်ယူနိုင်မှာဖြစ်ပါတယ်။

M50 ကို ဝယ်ယူမယ်ဆိုရင်တော့ နံပါတ်လှ SIM Card တစ်ကဒ်အပြင် တစ်လကို ၃၀၀၀ ကျပ်ငွေဖြည့်သွင်းရုံနှင့် တစ်လကို FREE INTERNET DATA ၂.၅ GB  ၆ လဆက်တိုက် စုစုပေါင်း ၁၅ GB ရရှိမှာဖြစ်ပါတယ်။

M40 ကို ဝယ်ယူသူများအတွက်ဆိုရင် MPT SIM CARD တစ်ကဒ်ကိုလက်ဆောင်ရရှိမှာဖြစ်ပြီး တစ်လကို ၁၀၀၀ ကျပ် ငွေဖြည့်သွင်းရုံနှင့် တစ်လလျှင် FREE INTERNET DATA 777 MB ကို ၆ လဆက်တိုက် စုစုပေါင်း 4.5 GB ရရှိမှာဖြစ်ပါတယ်။

ဈေးနှုန်းတွေကတော့ M40 ဆိုရင် ၃၂၀၀၀ ကျပ်ကျ သင့်မှာဖြစ်ပြီး M50 ကတော့ ၉၉၀၀၀ ကျပ် ကျသင့်မှာဖြစ်ပါတယ်။

Read More

IP67 နှင့် IP68: Waterproof IP Rating ဆိုတာဘာလဲ

နှစ်တွေတောင်ချီပြီး ကြာနေပြီဖြစ်တဲ့ ရေစိုဒဏ်ခံနိုင်ဖို့ရာ အပြိုင် ကြိုးစားနေတာဟာ Sony နှင့် Samsung အတွက်ကတော့ အတွေ့အကြုံတွေတောင် ပိုလို့ များနေလောက်ပါပြီ။ နောက်ဆုံးတော့ Apple လည်း ဒီဘူတာကိုပဲ ဆိုဒ်လာပြီ ဖြစ်ပါတယ်။

ဒီနေ့လို နေ့မျိုးမှာ ကျနော် Facebook မှာ တင်ဖြစ်တဲ့ စာသားလေးကိုလည်း ပြန်လို့မျှချင်ပါသေးတယ်။ သက်သက်တော့ ကျနော် အတွေးခေါင်ကြည့်တာပါ မြန်မာနိုင်ငံမှာတော့ အခုဆို ရေကြီးဒဏ်ကို ခံနေရတာလည်း အလူးလဲ ဖြစ်နေတာလေးကိုလည်း စိတ်မကောင်းဖြစ်မိလို့ပါ။

မနေ့က မိတ်ဆက်ခဲ့တဲ့ iPhone 7 ဟာဆိုရင်လည်း Water Resistance နှင့်အတူ ရေစိုခံပြိုင်ကြမယ့် ဖုန်းတစ်လုံးထပ်တိုးလာခဲ့ပြီဖြစ်ပါတယ်။ iPhone 7 ဟာ IP67 certified ဖြစ်ပြီး အလျင် ရှိပြီးသား Apple Watch နှင့် rating တူပါတယ်။ Samsung Galaxy S7 က IP68 ရှိနေတာဖြစ်ပါတယ်။ ဒီတော့ ဒီ IP Rating တွေက ဘာတွေလည်း ဘာကိုညွှန်းဆိုချင်တာလည်းဆိုတာနှင့် ဘယ်ဟာက ပိုကောင်းတာလည်းဆိုတာကို ကြည့်ရအောင်ပါ။

Bar?iPhone 7 နှင့် စပြီး ပြောရအောင်။ iPhone 7 ပိုင်ရှင်တွေအသုံးပြုသူတွေဟာ တကယ်ပဲ ရေကူးချိန်မှာ ဖုန်းလေးကိုင်ပြီး ရအောက်ဓါတ်ပုံတွေအပြိုင်အဆိုင်ရိုက်ပြီး ရေအောက်ထဲမှာတောင် ဘယ်သူလှလည်း ပြိုင်နေကြမှာတော့ မြင်ယောင်မိပါသေးတယ်။

IP67 ရှိတဲ့ Apple Watch အတွက်ကိုပြောရမှန်ဆိုရင်လည်း Apple Watch ဟာ ရေစက် ရေပေါက်ကလေးတွေကိုပဲ ကာကွယ်ပေးနိုင်တာပါ လို့ Cupertino ကပြောပါတယ်။ ဉပမာအားဖြင့် လေ့ကျင်းခန်းလုပ်နေတဲ့ အချိန်မှာ မိုးရွာလာခဲ့ရင်ပဲဖြစ်ဖြစ် လက်ကို ရေဆေးတဲ့အချိန်ပဲဖြစ်ဖြစ် ခံနိုင်ပေမယ့်လို့ ရေထဲကို နှစ်မယ်ဆိုတဲ့ အနေအထားကိုတော့ မပြုလုပ်ဖို့ လည်း ပြောပါတယ်။

Certification အရပြောရရင်တော့ ဒါဟာ မှန်းယွင်းတဲ့ ညွှန်းဆိုချက်လို့ ပြောနိုင်ပြီး တချို့အသုံးပြုသူတွေဆိုရင် ရေ ချိုးတဲ့ အချိန်တွေမှာတောင် ပတ်ပြီး အသုံးပြုလို့ရပါတယ်လို့ ဆိုပါတယ်။ IP68 နှင့် IP67 ဆိုတာကို ဆက်ပြီလေ့လာကြည့်ရအောင် . . .

IP 67 နှင့် IP 68 ဆိုတာဘာလည်း ? ဘာကွာလည်း ?

အခုခေတ်ဖုန်းတွေမှာ အခုလို IP Rating မျိုးတွေရှိပြီး ဒီ Rating တွေဟာဆိုရင် ဖုန်းတစ်လုံးဟာ ပြင်ပမှ မလိုအပ်တဲ့ အရာတွေဖြစ်တဲ့ ဖုန်မှုန့်နှင့်အခြားသော elements တွေ ဝင်ရောက်မှုကို ကာကွယ်နိုင်စွမ်းနှင့် ရေဝင်ရောက်မှုကိုကာကွယ်နိုင်စွမ်းစတာတွေပေါ်မှာ မှီပြီး ပေးထားတာဖြစ်ပါတယ်။ ဒီ Rating တွေဟာဘာကို ရည်ညွှန်းသလဲ ?

IP – ဆိုတာ International Protection အမှတ်အသားကို ကိုဆိုလိုတာဖြစ်ပြီး သတ်မှတ်ချက် စည်းမျဥ်းစည်းကမ်းချက်တွေကိုတော့ International Electrotechnical Commission (IEC) မှ ရေးစွဲသတ်မှတ်ထားတာဖြစ်ပါတယ်။

6 – IP နောက်မှာကပ်လျက် ပါရှိတဲ့ နံပါတ်ကတော့ dust Resistance ပြင်ပအမှုန်အမွားများကို ကာကွယ်နိုင်စွမ်းကို ကိုယ်စားပြုတာဖြစ်ပါတယ်။ ဥပမာအားဖြင့် Samsung Galaxy S7 ဟာဆိုရင် "6" အဆင့်ရှိပြီး ဘာအမှုန်အမွှားမှ ဖုန်းထဲကို ဝင်ရောက်မှုမရှိအောင် အပြည့်အဝ ကာကွယ်ပေးနိုင်တယ်ဆိုတာကို ၈ နာရီကြာ အမှုန်အမွှားတွေထူထပ်တဲ့အခြေအနေအောက်မှာ စမ်းသပ်ပြီးသားလည်း ဖြစ်တယ်လို့ ဆိုလိုပါတယ်။

iPhone 7 မှာလည်း အခုလို တူညီတဲ့ ကာကွယ်နိုင်စွမ်းရှိပါတယ်။

7 – နောက် နံပါတ်တစ်လုံးကတော့ ရေ/အရည် စတာတွေဝင်ရောက်မှုကို ကာကွယ်နိုင်စွမ်းကို ကိုယ်စားပြုတာဖြစ်ပြီး အတော်အရေးကြီးတဲ့ နံပါတ်တစ်လုံးဖြစ်ပါတယ်။ ဒီနံပါတ်လေးကို နားလည်မှုလွဲလိုက်တာနှင့် ကိုယ့်ရဲ့ ပစ္စည်းလေး ပျက်စီးသွားမှာဖြစ်ပါတယ်။

7 ဆိုတဲ့ rating ဟာ ဆိုရင် ရေအောက် အနက် ၁ မီတာ နှင့် ဖိအားဒဏ်ကို IEC ရဲ့ သတ်မှတ်ချက်များနှင့်အညီ ခုခံနိုင်စွမ်းရှိတယ်ဆိုတာကို ကိုယ်စားပြုတာဖြစ်ပါယ်။

7 ဆိုတဲ့ Rating ဟာ အချိန် ၃၀ ကြာအတွင်းသာ အာမခံနိုင်တာဖြစ်ပြီး Samsung S7 ဟာဆိုရင် 8 အထိ ရရှိထားတာဖြစ်ပြီး ရေအောက် အနက် ၁.၅ မီတာမှာ နာရီဝက် ၃၀ မိနစ် ခံနိုင်ရည်ရှိတယ်လို့ဆိုလိုတာဖြစ်ပါတယ်။

တကယ့်လက်တွေ့ဘဝမှာရော ဘယ်လိုအသုံးဝင်မှာလဲ ?

သီအိုရီအရတော့ iPhone 7 ဟာ ရေအောက်အနက် ၁ မီတာမှာ နာရီဝက် အထိခံနိုင်ရည်ရှိပြီး ထိခိုက်မှုတစ်စုံတစ်ရာကိုတော့ တာဝန်ယူမှာမဟုတ်ပါဘူး။

ဒီတော့ အနှစ်ချုပ်ရရင် သင်ဟာ ဖုန်းကို အိမ်သာအိုးထဲကျတာပဲဖြစ်ဖြစ် ရေချိုးရင်း ကလိနေတာပဲဖြစ်ဖြစ် စိတ်ချလက်ချ သုံးနိုင်ပါတယ်။ နောက်ပြီး ဘီယာမှောက်ကျတာပဲဖြစ်ဖြစ် ဘီယာခွက်ထဲကို ပဲကျသွားတာဖြစ်ဖြစ် အနံ့တော့နည်းနည်းထွက်မယ် နောက်ပြီး စည်းကပ်ကပ်တော့ နိုင်ပေမယ့် နဂိုအတိုင်းအလုပ်လုပ်နေဦးမှာပါ။ နောက်တစ်ခု သင့်အိပ်ထဲ ဖုန်းထည့်ထားပြီး ရေထဲကိုခုန်ချမယ်ဆိုရင်တော့ကာ ထိခိုက်မှုတစ်စုံတစ်ရာ မဖြစ်ပဲ အကောင်းအတိုင်းရှိနေဖို့ရာ အခွင့်အရေးပိုများလာတာပေါ့ဗျာ။

ဖုန်းနှင့် ရေကူးလို့ရမလား ?

ဟုတ်ပြီ နောက်ဆုံး အနေနှင့်က အားလုံးဓိက ကျတဲ့ နေရာရောက်လာပါပြီ IP 67 ရှိတဲ့အတွက် ရေအောက်မှာ Selfie ဆွဲမယ်ဆိုသူတွေအတွက်ဆိုရင်တော့ ပြဿနာသိပ်မရှိပါဘူး။

IP စမ်းသပ်ချက်တွေဟာ LAB ခန်းထဲမှာ အကြိမ်ပေါင်းများစွာ စမ်းသပ်မှုပြုလုပ်ပြီးသားဖြစ်တဲ့အတွက် တော်ရုံ အနက်မှာ ဓါတ်ပုံရိုက်တယ်ဆိုတဲ့ ကိစ္စဟာ ပြောစရာလိုမယ်မထင်ပါဘူး။

နောက်တစ်ခါ ၂၀၁၅ မှာ Sony က IP68 ရှိတဲ့ ဖုန်းအသစ်တစ်လုံးကို မိတ်ဆက်ခဲ့ရာမှာတော့ ရေအောက်မှာပါ ဓါတ်ပုံရိုက်လို့ရတယ်ဆိုတာနှင့် အရောင်းမြှင့်တင်ရေးလုပ်ခဲ့ပါတယ်။ နောက်ပြီး ဝယ်ယူသူတွေကို ရေအောက်မှာ အသုံးပြုခြင်းနှင့် စတန့်ထွင်တာတွေမပြုလုပ်ဖို့ လည်း ပြောခဲ့ပြန်ပါတယ်။တနည်းအားဖြင့်ဆိုရရင် ဒီ IP rating တွေအားလုံးဟာ စမ်းသပ်ခန်းထဲမှာ စနစ်တကျနှင့် စမ်းသပ်ထားတာဖြစ်တဲ့အတွက်ကြောင့် ပြင်ပ တကယ့် Real World မှာဆိုရင်တော့ တချို့ချို့သော အကြောင်းတွေကြောင့် ထိခိုက်မှုတွေရှိနိုင်ပါတယ်။ ဥပမာ ဖုန်းက လွတ်ကျထားတာမျိုး ဖြစ်ခဲ့ရင်ပဲ ဖြစ်ဖြစ် လုံခြုံအောင်လုပ်ထားတာတွေကို ထိခိုက်ပျက်စီးစေတဲ့အတွက်၊ သင်ဟာ ရေထဲမှာ သုံးခဲမယ်ဆိုရင်တော့ ပျက်စီးသွားမှာ ပါပဲ။ ဒီတော့ စိတ်ထဲမှာတော့ သိထားရမှာက ရမ်းသမ်းတော့ ဆော်လို့မရဘူးဆိုတာပါ။ နောက်ပြီး သေချာသလောက်ကတော့ တော်ရုံ ရေစိုတာလောက်ကတော့ မှုစရာမလိုတော့ဘူးပေါ့ဗျာ။ ဘာပဲ ပြောပြော မိမိရဲ့ တန်ဖိုးကြီးပေးဝယ်ထားရတဲ့ အရာတွေဆိုတော့ သတိကြီးကြီးထားတာ အကောင်းဆုံးပါပဲခင်ဗျာ။ ဒါနှင့် ကျနော့်ရဲ့ ပျောက်သွားခဲ့တဲ့ SONY Z လေးကတော့ သင်္ကြန်ကို ၂ နှစ်လောက် ပိပိရိရိကိုခံနိုင်သွားတယ် နောက်ဆုံး ကျနော့်လက်ထဲကနေ ကားပေါ်မှာ ပါပြီး ပြန်မရတော့တဲ့အထိတော့ အကုန်အကောင်းပဲ။

ဆက်ပြီး IP Rating တွေအကြောင်းကို ဆက်လက် ဖတ်ရှုချင်တယ်ဆိုရင်တော့ https://en.wikipedia.org/wiki/IP_Code

Read More

ကျနော်သိတဲ့ iOS 10 နှင့် WatchOS 3

ဒီနေ့ည ၁၁ ခွဲမှာ လုပ်မယ့် ပွဲမှာ iPhone 7 နှင့် Apple Watch 2 ကို မြင်တွေ့ရမယ်လို့ အားလုံး မျှော်လင့်နေကြတာပါ။ လတ်တလောအထိတော့ လာမယ့် ဖုန်းမှာ ဘာတွေပါလာလိမ့်မယ် ဆိုတာကိုလည်း အတော်များများ ခန့်မှန်းထားကြပါတယ်။ ဒါ့ထက်ကို ကျနော်ပြောချင်တာက ဒီဖုန်းတွေ နာရီတွေမှာသုံးမယ့် OS အကြောင်းကိုဖြစ်ပါတယ်။

ကျနော်အကြိုက်ဆုံး လုပ်ဆောင်ချက်ကလေးတွေ ကို အသားပေးပြီးပြောချင်ပါတယ်။ အားလုံးလည်း iOS 10 နှင့် Watch OS 3 တို့ကို စမ်းဖူးသူတွေလည်း စမ်းဖူးပြီးသွားကြလောက်ပြီလို့ထင်ပါတယ်။

iOS 10

Interactive Messages : Messages ဆိုတဲ့ Application အသစ်မှာဆိုရင် ပုံတွေနှင့် ဗွီဒီယိုတွေရဲ့ URL ကို တင်လိုက်တာနှင့် အလိုလျောက် ပေါ်လာမှာဖြစ်ပါတယ်။ ဒါ့အပြင် ကိုယ်စာရိုက်သမျှကိုလည်း emoji လေးတွေအဖြင့်နှင့် ပြောင်းလဲပေးမှာဖြစ်ပြီး အခြားသော စိတ်ဝင်စားစရာတွေဖြစ်တဲ့ Hidden Message နှင့် Animated message တွေလည်းပါဝင်လာပါတယ်။

Sort your photos : iOS 10 ဟာ မျက်နှာကို မှတ်မိနိုင်နှင့် Facial Recognition ကိုအသုံးပြုပြီး ကိုယ့်ရဲ့ ဓါတ်ပုံတွေကို အလိုလျောက် နေရာတကျဖြစ်အောင် လုပ်ပေးပါတယ်။ ဥပမာ - ဒီပုံတွေကတော့ ဘယ်ပွဲမှာရိုက်ခဲ့တာ ဖြစ်ပြီး ဘယ်လိုပုံတွေကတော့ ဘယ်ကိုခရီသွားတုံးက ရိုက်ထားတာ စသဖြင့်ဖြစ်ပါတယ်။

Siri Open up : အခုဆိုရင် Application ဖတ်တီးသူတွေအတွက် Siri ကို စိတ်ကြိုက် မိမိ Applic ation ထဲမှာ ထဲ့သွင်း ရေးဆွဲနိုင်ပြီဖြစ်ပါတယ်။

New Keyboard Tricks : ဒါ့အပြင် Siri ဟာဆိုရင် သင်က အခြားတစ်ယောက်နှင့် အပြန်ပြန်အလှန်လှန် စကားပြောတဲ့အခါမှာဆိုရင်လည်း သင်ပြောတဲ့ Conversation အလျောက် လိုအပ်တာတွေကို လုပ်ဆောင်ပေးဦးမှာဖြစ်ပါတယ်။ ဥပမာ - ညစာ စားမယ်ဆိုရင်လည်း အနီးပတ်ဝန်းကျင်က ကောင်းတဲ့ဆိုင်တွေကို ရှာပေးပြီး Reserve လုပ်မလားမေးတာမျိုးတွေဖြစ်ပါတယ်။

Lock Screen as hub : Lock Screen မှာဆိုရင်လည်း သင်ဟာ Camera ဖွင့်မလား၊ widgets တွေကိုပဲ သုံးမလား၊ ဒါမှမဟုတ် Notification တွေကိုပဲ ကြည့်မလား စုံလင်အောင် ဖော်ပြပေးလာပါတယ်။

Delete Unwanted default Apple Apps: ကိုယ် အသုံးမလိုတဲ့ နဂိုပါလာတဲ့ App တွေကို လည်း iOS 10 မှာ ဖြတ်လို့ ရလာပါတယ်။

Better Maps : Apple ဟာ Maps ကိုလည်း Update လုပ်ခဲ့ပြီး အရင်ထက်ပိုမိုစုံလင်တဲ့ လုပ်ဆောင်ချက်တွေပါဝင်လာတဲ့ Maps ကိုလည်း ထည့်သွင်းပေးထားပါတယ်။

Watch OS

အရင်ထက် ၇ ဆနီးပါး ပိုမိုမြန်ဆန်လာတဲ့ လုပ်ဆောင်ချက်များ App တွေကို သင့်ရဲ့ လက်ကောက်ဝတ်လေး ပေါ်မှာတင်ပဲ အရင်ထက် ပိုမိုလျင်မြန်တဲ့ နှုန်းနှင့် လုပ်ဆောင်နိုင်လာပါတယ်။ အရင်လို App ကိုဖွင့်တဲ့အခါမှာ ဖြစ်တတ်တဲ့ မပွင့်တာမျိုးတွေမဖြစ်ရအောင်လည်း ပိုမို ပြင်ဆင်ထားပါတယ်။

A face fit for fitness : နာရီပေါ်မှာ ပါလာတဲ့ နဂို fitness-tracking ဟာလည်း ပိုမို ကောင်းမွန်လာပြီး သင့်ရဲ့ တစ်နေ့တာ လှုပ်ရှားမှုတွေကို မှတ်တမ်းတင်ထားပြီး သင့်ရဲ့ သူငယ်ချင်း မိတ်ဆွေတွေနှင့် မိသားစုအချင်းချင်း မျှဝေနိုင်ပါတယ်။

Control Center : iOS မှာလိုပဲ Watch OS 3 မှာဆိုရင် သင့်ရဲ့ နာရီ Battery ကို အလျင်အမြန် စစ်ဆေးနိုင်ပြီး လိုအပ်ရင်လည်း Airplane Mode ကို ပါ ပြောင်းနိုင်ပြီဖြစ်ပါတယ်။ ဒါ့အပြင် Do Not Disturb အပြင် အခြားသော လုပ်ဆောင်ချက်တွေလည်း ပါဝင်လာပါတယ်။

New interface : ပြောင်းလဲထားတဲ့ လုပ်ဆောင်ချက်အချို့ကတော့ သင့်ရဲ့ နာရီ ဘေးမှာရှိတဲ့ ခလုတ်ဟာဆိုရင် အခုဆို App Dock ကို ဖွင့်ပြပေးမှာဖြစ်ပါတယ်။ အောက်မှ အပေါ်သို့ ဆွဲလိုက်လျင် သင့်ရဲ့ Settings တွေကို မြင်ရမှာဖြစ်ပါတယ်။ ပြောင်းလဲလိုက်တဲ့ လုပ်ဆောင်ချက်တွေနှင့်အတူ Apple Watch ဟာလည်း အသုံးပြုရ ပိုမို အဆင်ပြေလွယ်ကူလာစေပါတယ်။

June လမှာပြုလုပ်ခဲ့တဲ့ ပွဲမှာဆိုရင် Apple ဟာ Software mobile Devices တွေအတွက်ကိုပဲ update တွေကို ပေးသွားတာမဟုတ်ပဲ အခြားသော Devices တွေဖြစ်တဲ့ Apple TV အတွက် TV OS နှင့် Mac OS Sierra ဆိုတဲ့ Update တွေကိုလည်း ပေးခဲ့ပါတယ်။ ဒီနေ့ပွဲမှာတော့ TYV နှင့် MacBook တွေ Mac တွေ အတွက် ဘာမှ အသစ်မြင်ရမှာမဟုတ်ပဲ Apple ဟာ iPhone 7 အတွက်ကိုပဲ အပြည့်အဝ Focus ထားပြီး မိတ်ဆက်သွားပါလိမ့်မယ်။ နောက်ပြီး Watch OS 3 နှင့် iOS 10 ကိုလည်း တရားဝင် ပေးသွားပါလိမ့်မယ်။

Read More

ဂိမ်မာတွေ သွေးတက်သွားမယ့် Acer Predator 21X Gaming Laptop

IFA မှာ Acer လုပ်သွားတဲ့ အကွက်က ငါ ဘာလုပ်နိုင်တယ်ဆိုတာကို ပြသွားသလိုမျိုး။ တကယ့်ကို ရူးသွပ်တဲ့အကွက်ကို နင်းသွားတာပါပဲ။ ဂိမ်မာတွေရဲ့ အိမ်မက်ကို ပိုပြီး ရူးသွပ်သွားစေတယ်ဆို ပိုပြီး မှန်လိမ့်မယ်။ တချိန်က ဂိမ်မာတွေဆိုတာ Desktop ကိုပိုက်ပြီး အိမ်မက် မက်နေကြတဲ့သူတွေ။ အခုတော့ LAPTOP ဖတ်ပြီး ငြိမ့်နေလို့ ရတဲ့ ခေတ်ကို ရောက်လာပါပြီ။ ဒီလို အဖြစ်မျိုးကိုလည် ဖန်တီးပေးခဲ့တာကလည်း 2015 ခုနှစ်ကမှ ၆ ခုမြောက် ကမ္ဘာ့အကြီးဆုံး Computer ထုတ်လုပ်တဲ့ Internationa Corporation တစ်ခုဖြစ်တဲ့ ထိုင်ဝမ်အခြေဆိုက် Acer က ပဲဖြစ်ပါတယ်။

၁၇ ပေါင် ဒါမှမဟုတ် ၈ ကီလိုဂရမ် အလေးချိန်ရှိတဲ့ Acer Predator 21X ဂိမ်း လက်တော့ ဟာ တကယ့်ကို မှော်ဆန်ဆန် ရူးသွပ်မှုတွေကို ပိုမိုလို့ တောင် တောက်လောင်စေပါလိမ့်မယ်။ ဒါ့အပြင် ပြောစမှတ် တွင်လောက်မယ့် Geforce GTX 1080 Graphic Card ၂ ကဒ်ကိုထည့်သွင်းတည်ဆောက်ထားပြီး ကမ္ဘာ့ ပထမဦးဆုံး မျက်နှာပြင်ကွေး လက်တော့ (Laptop) ကွန်ပျူတာတစ်လုံးပဲဖြစ်ပါတယ်။

Predator 21X Gaming Laptop အလုပ်လုပ်နိုင်ဖို့ရာ Power Supply ၂ လုံးနှင့် အစွမ်းကုန် မောင်းနှင်ထားပြီး အတွင်းပိုင်း အပူရှိန်ထမ်းညှိဖို့ရာတော့ system fans ၅ လုံးနှင့် heatpipes ၈ ချောင်းက သင့်၏ Game ထဲမှာ စိတ်ချလက်ချ စီးမြောဖို့ စွမ်းဆောင်ပေးပါလိမ့်မယ်။ ဒါ့အပြင် အမြင့်ဆုံးဆိုတဲ့ ဂိမ်းတွေကို စိတ်တိုင်းကျ အမြင့်ဆုံးဆိုတဲ့ Setting တွေနှင့် ဆော့ကစားနိုင်ဖို့ရာ 64 GB ထိ တိုးမြင့်သုံးစွဲနိုင်မယ့် RAM နည်းပညာကိုလည်းထည့်သွင်းတည်ဆောက်ထားပါတယ်။ အခုခေတ် ဂိမ်းတွေရဲ့ အဓိက လိုအပ်ချက်တစ်ခုလည်းဖြစ်တဲ့ သိုလှောင်သိမ်းဆည်းမှု ပမာဏ (Sotrage) ကိုဆိုရင်လည်း တစ်ပြိုင်တည်းမှာတင် ၅ ခုထိ အသုံးပြုနိုင်ပါတယ်။ ဒါဆိုရင် HDD/SSD 5 လုံးကို တစ်ပြိုင်တည်း အသုံးပြုနိုင်မှာပေါ့။

နောက်ပြီး Tobii eye-tracking camera လိုခေါ်တဲ့ နည်းပညာကတော့ Gamer အတွက် ဂိမ်းထဲက ရန်သူတွေကို မျက်လုံးနှင့်တင် ကြည့်ပြီး ချိန်ရွယ်နိုင်စေမယ်လို့ ဆိုပါတယ်။ မိုက်တယ်နော် ဒါပေမယ့် လောလောဆယ်တော့ သိရသလောက်က သုံးလို့ရမယ့် ဂိမ်းက တစ်ခုတည်းပဲရှိသေးတယ်လို့ဆိုပါတယ်။

အသံထွက်ပိုင်းမှာဆိုရင်လည်း Speaker ၄ လုံးနှင့် Subwoofers ၂ လုံးပါပြီး စိတ်ကြိုက်ကို ဝုန်းလို့ရမယ့် အနေအထားမှာရှိပါတယ်။ ကွေးနေတဲ့ မျက်နှာပြင်ဟာ ကန့်လန့်ဖြတ်တိုင်းမယ်ဆိုရင် ၂၁ လက်မ ရှိပါတယ်။ပုံမှန် Gaming လက်တော့တွေကတော့ ၁၇ မှ ၁၈ လက်မ ဝန်းကျင်ပဲရှိတာပါ။ ဒါ့အပြင် ဒီမျက်နှာပြင်ဟာ Nvidia G-Sync နည်းပညာကိုလည်း အသုံးပြုထားပါသေးတယ်။

Gamer တွေအကြိုက် Mechanical Keyboard အပြင် RGB LED လေးတွေကိုပါ အောက်မှာမြှပ်ထားလိုက်တော့ မိမိရဲ့လှုပ်ရှားမှုတိုင်းမှာက သက်တန့်ရောင်စဥ်လေးတွေ ထလို့နေပြီပေါ့ဗျာ။ နောက်ပြီးတော့ ထူးခြားသေးတာ တစ်ခုက numpad ကို touchpad အသွင် အပြန်ပြန် အလှန်လှန် ပြောင်းလဲ အသုံးပြုနိုင်ပါသေးယ်။ ဟိုဘက် ဒီဘက် ကိုလှန်လိုက်ရုံပါပဲ။ နည်းပညာတွေ ဖတ်ပြီး မိုက်တယ်လို့တွေးနေရင်တော့ တစ်ခါပြန်ပြီး remind လုပ်ချင်တာက ဒီ laptop ဟာ ၁၇ ပေါင် လေးတယ်ဆိုတာပါပဲ။ ဈေးကွက်ထဲမှာ ဝယ်ယူရရှိနိုင်ဖို့အတွက် နောက် နှစ် ၂၀၁၇ ထိ စောင့်မျှော်ရဦးမှာဖြစ်ပါတယ်။

Read More

USB-C မှ HDMI သို့ တိုက်ရိုက်ချိတ်ဆက်နိုင်တော့မည်

HDMI ကို ထုတ်လုပ်နေတဲ့ အဖွဲကနေ HDMI Cable တစ်မျိုး ကိုမိတ်ဆက်လိုက်ပါပြီ။ လက်ရှိ USB-C ပါဝင်တဲ့ 12-inch MacBook လို computer မျိုးတွေအပြင် အခြား Smartphones များနှင့် tablets များအတွက်လည်း အသုံးပြုနိုင်မှာဖြစ်တဲ့ ယခု HDMI Cable ဟာဆိုရင် ကြိုးမှ တိုက်ရိုက် ချိတ်ဆက်အသုံးပြုနိုင်မှာဖြစ်ပြီး အခြား ဘာကြားခံပစ္စည်းမှ မလိုဘူးလို့ သိရပါတယ်။

ယခု အသစ်ထွက်လာတဲ့ HDMI USB-C ဟာဆိုရင် HDMI 1.4b ကိုအသုံးပြုထားပြီး 3D နှင့် ချိတ်ဆက်ဆိုင်ရွက်နိုင်သည့် နည်းပညာများအပြင် လျင်မြန်စွာ ဒေတာသွားလာနိုင်တယ်လို့ဆိုပါတယ်။ 4K Display ဒါမှမဟုတ် 12-inch MacBook တို့နှင့် ချိတ်ဆက်နိုင်မယ့် ဒီ HDMI Cable ဟာဆိုရင် $79 ကျပ် ကျပါလိမ့်မယ်။

လက်ရှိအချိန်ထိတော့ Thunderbolt ဟာ 4K Displays များနှင့် တီဗွီများ ကို ချိတ်ဆက်ရာမှာ အသုံးများဆုံး I/O အဖြစ်ရပ်တည်နေဆဲပဲဖြစ်ပါတယ်။ ဘာလို့လည်းဆိုရင် လက်ရှိ Device Models အများစုဟာ HDMI ကိုသုံးပြီး 60Hz ထိရှိမယ့် ဒါမှမဟုတ် 4K Display ရှိမယ့် TV မျက်နှာပြင်တွေကို ချိတ်ဆက်အသုံးပြုနိုင်စွမ်းမရှိလို့ပါ။ သင်ဟာ လက်ရှိ HDMI သုံးပြီး 4K ကို ချိတ်ဆက်အသုံးပြုထားတယ်

ဆိုရင်တောင်မှပဲ 30 Hz refresh rate နှင့်သာအသုံးပြုနိုင်နေတာဖြစ်ပါတယ်။

12-inch MacBook အပြင် အသစ်ထွက်လာမယ်လို့ ထင်ကြေးပေးနေကြတဲ့ MacBook Pro နှင့် MacBook Air Models သစ်တွေမှာလည်း USB-C ပါဝင်လာနိုင်ပြီး Thunderbolt 3 ကိုလည်းသုံးစွဲနိုင်လိမ့်မယ်လို့ ဆိုပါတယ်။ အောက်တိုဘာလ မတိုင်ခင် ဖြစ်လိမ့်မယ်လို့လည်း တချို့က ပြောနေကြပါတယ်။ အသစ်ထွက်လာမယ့် notebooks တွေမှာတော့ HDMI to USB-C တွေကို ထောက်ပံ့လာနိုင်ပြီး Mac သုံးသူတွေအတွက်ကတော့ 4K တွေနှင့်ချိတ်ဆက်ဖို့ရာ အခြားရွေးချယ်စရာ နည်းလမ်းတစ်ခုပေါ်ပေါက်လာတယ်လို့ ပြောနိုင်ပါတယ်ခင်ဗျာ။

Read More

Apple iMac ၂၁.၅ လက်မ Basic Model

၂၇ လက်မ iMac ??? မကြီးလွန်းဘူးလား ? MacBook ကျပြန်တော့လည်း မလိုချင်ဘူး နောက်ပြီး Mac Mini ကျပြန်တော့လည်း ကိုယ့်အကြိုက်မဟုတ်ပြန်ဘူးဆိုရင်တော့ 21.5 လက်မ iMac ကိုပဲ ကြည့်ရတော့မှာပေါ့ဗျာ။ နောက်ပြီး သိပ်မကြာခင်ကပဲ Update ဖြစ်ထားတဲ့ Processors နှင့်အတူ Retina 4k မျက်နှာပြင်ကိုပါ ဝယ်ယူရရှိနိုင်ပြီဖြစ်ပါတယ်။

၂၁ လက်မ iMac မှာ ဘာတွေထူးခြားလာလည်းဆိုတာ ကြည့်ရအောင်ဗျာ။ ကျနော်လက်ရှိ Unboxing လုပ်လိုက်တဲ့ iMac လေးကတော့ အနိမ့်ဆုံး Base Model လေးပဲဖြစ်ပါတယ်။
အားလုံးဆင်ပြီး ဖွင့်မပြနိုင်တာကိုတော့ နားလည်ပေးပါ။ ကျနော့်အိမ်က ကိုယ့်အတွက်တောင် ကွန်ပျူတာစားပွဲလေးတစ်လုံးနှင့် အလုပ်လုပ်ဖို့နေရာလေးတစ်ခုတောင် ဖန်တီးဖို့မလွယ်ကူနိုင်လောက်အောင်ကို ကျဥ်းလို့ပါ။

ဒါနှင့်ပဲ အခွင့်ရေးရတုံး ဒီ အခြေခံ သာမန်ညောင်ည iMac လေးတစ်လုံးကို Unboxing လုပ်ဖြစ်သွားပါလေရာ။ ၀ယ်မယ်ဆိုတဲ့အချိန်တွင်း ကျနော် ခေါင်းကို မူးနောက်သွားအောင် စျေးနှုန်းအသက်သာဆုံးကို သွားရှာလိုက်တော့ ကျွန်တော်ဝယ်တဲ့အချိန်မှာ 1350,000 အနိမ့်ဆုံး ကျပါတယ်။

Specifications လေးတွေကို ပြောရအောင်

4K Display နှင့် တော့ ရုပ်ထွက်က တခြားစီဆိုတာ မပြောလည်းသိမှာပါ။ သာမန် retina နှင့် ယှဥ်ရင်တောင်မှ ဝါးတားတားဖြစ်နေတာကို Retina သုံးဖူးသူတိုင်း ခံစားရမှာပါ။ CD/DVD Drive တွေမပါဘူး။နောက်ပြီး တစ်သိန်းကျော်လောက် ထပ်ကုန်နိုင်မယ့် Magic Trackpad 2 လည်းမပါဘူး (ကျေးဇူးတင်ရမှာပေါ့လေ မဟုတ်ရင် ဈေးပိုကြီးသွားမှာ)။ Full HD နှင့် iMac တစ်လုံး 1.6 GHz Core i5 processor ၊ 8 GB RAM နှင့် အတော့်ကို ခေတ်ညောင်းလှပြီဖြစ်တဲ့ Speed က 5400 RPM နှင် 1TB HDD တစ်လုံးပါ ပါတယ်။ ကောင်းကွက်က Magic Keyboard ပါးပါးလေးနှင့် Magic Mouse လှလှလေးတော့ ပါ ပါတယ်။ $ 1099.00 နှင့်ရတဲ့ iMac တစ်လုံးအတွက်တော့ ပြည့်စုံတယ်လို့ ပြောနိုင်ပါတယ်။ အကယ့်၍ သင်က ဒီထက်ပိုကောင်းတဲ့ စွမ်းဆောင်ရည်မျိုးလိုချင်တယ်ဆိုရင်တော့ အနည်းဆုံး $1499 ကျပ် ဖြစ်တဲ့ Retina 4k Display ကို စဥ်းစားဖို့လိုပါတယ်။

"5400 RPM HDD

ဟုတ်လား?"

5400 RPM ရှိတဲ့ 1TB HDD ဟာ နည်းပညာပိုင်းအရ အခုလိုအချိန်အခါမျိုးမှာတော့ သိပ်ကို နှေးတယ်လို့ ထင်ကြမှာပါပဲ   ။ Brand-New iMac ကိုပထမဦးဆုံးအကြိမ်ကိုင်ဖူးသူအတွက် Flash Storage နှင့် Macbook Pro ပေါ်မှာ အသားကျနေတဲ့အခါအတော့်ကို သိသာနေသလို ခံစားနေရတာမျိုး ဖြစ်ပါလိမ့်မယ်။

HDD မကြိုက်ရင်တော့ ရွေးချယ်စရာတွေရှိနေသေးတဲ့ £160 နှင့် 256 GB SSD ကို ရရှိနိုင်ပါသေးတယ်။

နောက်ဆုံးအနေနှင့် သတိပေးချင်တာက 21.5 လက်မ iMac ရဲ့ RAM ဟာ Motherboard ပေါ်မှာ အသေခဲတို့ထားတာဖြစ်တဲ့အတွက် နောက်ပိုင်း Upgrade လုပ်မယ်ဆိုတာမဖြစ်နိုင်ပါဘူး။ ဒီတော့မဝယ်ခင် သေချာစဥ်းစားပါ ကိုယ့်အတွက်က 16GB မှဖြစ်မှာလား 8 GB နှင့်လည်း ဖြစ်သလားဆိုတာကို မဟုတ်ရင်တော့ ဒီအတိုင်းပဲ ရှိတဲ့ 8GB လေးကိုပဲ အမြဲတမ်းမှေးသုံးနေရပါလိမ့်မယ်။ (ဒါနှင့် RAM 16GB အတွက်ကိုက နောက်ထပ် £ 160 ထပ်ကုန်ပါမယ်)။ အိမ်သုံးပဲ သိပ်အများကြီး အလုပ်မလုပ်ဖူးဆိုရင်တော့ ရွေးချယ်သင့်တယ်လို့ကျနော်မြင်ပါတယ်။ နောက်ပြီး ဟိတ်ဟန်ကောင်းကောင်းနှင့် ဆကာကြီး လုပ်ပြီး အိမ်မှာသုံးလို့ရတာပေါ့ဗျာ။

Read More