ကျွန်တော်အကြိုက်ဆုံး မိုဘိုင်ပး ဟေဠိ ဂိမ်းတွေထဲက တစ်ခု ( Monument Valley )

၁၅ သန်းကျော် ဒေါင်းလုပ်ပြုလုပ် ကစားခဲ့ကြပြီးတော့ မိုဘိုင်း Puzzle Games တွေထဲမှာ တကယ့်ကို ထူးခြားပြောင်မြောက်လှတဲ့ Game Design တည်ဆောက်ပုံတွေဟာ Monument Valley ကို ထိပ်ဆုံးကို ရောက်စေခဲ့ပါတယ်။

နောက်ပိုင်းမှာတော့ Game ထုပ်လုပ်တဲ့ Ustwo Games ကုမ္ပဏီဟာ အပိုင်းဆက်တွေဆက်ထုတ်လုပ်ဖို့ ကြိုးစားခဲ့ပါတယ်။ အခုဆိုရင်တော့ Monument Valley 2 ဆိုပြီးတော့ Apple WWDC 17 မှာ တရားဝင်ထပ်မံကြေငြာခဲ့ပါပြီ။ ဒေါင်းလုပ် ပြုလုပ်ကစားနိုင်သွားတာဖြစ်တဲ့အတွက် ယခင် Monument Valley ထက် ၂ ဆနီးပါး ပိုပြီး အောင်မြင်ခဲ့ပါတယ်။

မဖြစ်နိုင်တဲ့ Architecture ပုံစံ တွေနှင့် အမြင်တွေကို မျိုးစုံလှည့်စားထားပါတယ်။ မျက်စိ ပသာဒလည်းရှိလှတဲ့ အရောင်ဆန်းတွေနှင့်အတူ ဖမ်းစားထားတဲ့ အခါမှာတော့ သင်ဟာ တစ်ခန်းပြီးတစ်ခန်း ဘယ်လို ကျော်ဖြတ်ပြီး Challenge တွေကို ရင်ဆိုင်ရမလည်းဆိုတာဟာလည်း အရမ်းကို စိတ်ဝင်စားဖို့ကောင်းလှပါတယ်။ တစ်ခါတစ်လေမှာ မျက်စိနှင့် မြင်နေရတိုင်း ကိုယ့်စိတ်အထင်နှင့်က တခြားစီဖြစ်နေတာကိုလည်း ဂိမ်းထဲမှာ တွေ့မြင်ရမှာပါ။

Monument Valley : https://itunes.apple.com/us/app/monument-valley/id728293409?mt=8

Monument Valley 2 : https://itunes.apple.com/us/app/monument-valley-2/id1187265767?mt=8

Read More

Google Pixel 2 ပွဲ မှ အဓိက စိတ်ဝင်စားစရာ ပစ္စည်း ၄ ခု

Hardware အသစ်တွေလည်း အများကြီး မိတ်ဆက် ပြသခဲ့သလို Software နှင့်ပတ်သက်တဲ့ အသစ်အဆန်းတွေကိုလည်း အများကြီး တွေ့ခဲ့ရတဲ့ Google Pixel ပွဲလေးဟာဆိုရင် အတော့်ကို စိတ်ဝင်စားစရာကောင်းပြီး အနာဂတ် နည်းပညာ လောက ကို Google က ဘယ်လို လက်ဝါးကြီးအုပ်ထားနိုင်ဦးမလည်း ဆိုတာကို တွေ့ခဲ့ရပါတယ်။ တခြား Ai တွေနှင့် ယှဥ်ရင် အများကြီး ပို ဉာဏ်ရည်ကောင်းလှတဲ့ Google AI ဟာ အခုဆိုရင် ကျနော်တို့လို သာမန်လူတွေအတွက်လည်း အတော့်ကို အသုံးဝင်လာတဲ့ Assistant တစ်ခုလည်း ဖြစ်လာပါတယ်။

ပွဲလေးကို ကြည့်လိုက်ရတဲ့ သူတွေရော မကြည့်လိုက်ရတဲ့သူတွေအတွက်ပါ စိတ်ဝင်စားစရာ ကောင်းတဲ့ ထုတ်ကုန် ၄ ခုကို ကျနော် ပြန်လည်မျှဝေပေးချင်ပါတယ်။

Google Pixel 2 နှင့် Pixel 2 XL

Google Pixel 2 နှင့် Pixel 2 XL ဟာဆိုရင် Snapdragon 835 နှင့် 4 GB RAM ပါဝင်ပြီးတော့ သိုလှောင်သိမ်းဆည်းမှု ပမာဏအနေနှင့် 64GB ရယ် 128GB ရယ်ဆိုပြီးတော့ နှစ်မျိုး ရွေးချယ်ဝယ်ယူနိုင်ပါတယ်။ ဖုန်း နှစ်လုံးစလုံးမှာ အဓိကအားဖြင့် တူညီတဲ့ ကင်မရာပါဝင်ပြီးတော့ Processor နှင့် တူညီတဲ့ အတွင်းပိုင်း တည်ဆောက်ပစ္စည်းတွေနှင့် တည်ဆောက်ထားပါတယ်။ Autofocus ကို Laser နှင့် ချိန်ညှိနိုင်ပြီးတော့ Dual pixel phase detection အပြင် ထူးခြားတဲ့ စွမ်းဆောင်ရည်တစ်ခုကတော့ ကင်မရာကို လှုပ်ရှားမှုရှိနေချိန်မှာ တည်ငြိမ်မှုရှိတဲ့ Videos တွေကို ကောင်းကောင်းကြီး ရိုက်ကူးနိုင်အောင် Hardware Stabilization နှင့် Software Stabilization နှစ်ခုလုံးကို တစ်ပြိုင်တည်း လုပ်ဆောင်နိုင်တာဖြစ်ပါတယ်။ ဖုန်းနှစ်လုံးစလုံးဟာ USB C ကို အသုံးပြုထားပြီးတော့ wireless Charging တော့ အားသွင်းလို့မရပါဘူး။ ဒါ့အပြင် Google ဟာလည်း Apple နည်းတူ Headphone Jack တွေကိုမလိုတော့ဘူးလို့ ဆုံးဖြတ်ထားပုံရပါတယ်။ ဒီတော့ USB C နှင့် အသုံးပြုနိုင်တဲ့ နားကျပ်တွေထွက်လာဦးမှာပေါ့ဗျာ။

XL က ဆိုဒ်ပိုကြီးတဲ့ ဖုန်းဆိုတော့ ဘတ္ထရီ ကြီးကြီးပါတာပေါ့ဗျာ။ နောက်ပြီးတော့ ပိုမိုကြီးမားတဲ့ Display ဟာ 2880 x 1440 smart OLED ကိုအသုံးပြုတည်ဆောက်ထားပါတယ်။ Pixel ဖုန်းအသေးမှာတော့ ၅ လက်မ မျက်နှာပြင်နှင့် 1920 x 1080 FULL HD OLED ကိုအသုံးပြုထားပါတယ်။ ဒီနှစ် XL ဖုန်းဟာ ပြီးခဲ့တဲ့ နှစ်က ထက်ပိုမိုကြီးမှားပြီးတော့ 5.5 လက်မရှိပါတယ်။ Pixel 2 အသေးကတော့ ပိုမိုပေါ့ပါးပြီးတော့ XL ထက် အတော်လေးလည်း ပါးပါတယ်။ ဝယ်ယူရရှိနိုင်တဲ့ အရောင်တွေအနေနှင့်ကတော့ Kind of blue ( မိုးပြာရောင်ပေါ့ ဒါပေမယ့် နည်းနည်းတော့ အရောင်ပိုနုတယ်ဗျ ) နောက်တစ်ခုက Just Black ဆိုတဲ့ အမည်းရောင် ရယ် လုံးဝ အဖြူရယ်ဆိုပြီးတော့ ထုတ်လုပ်ထားပါတယ်။

​Google Clip

ဒီတစ်ခုကတော့ ရိုးရိုးကင်မရာလေးပါပဲ။ ထူးခြားတာကတော့ Google ရဲ့ ဉာဏ်ရည်မြင့်မားလှတဲ့ AI ကို ထည့်သွင်းတည်ဆောက်ထားတာဖြစ်ပါတယ်။ မိမိလိုချင်တဲ့ နေရာမှာ ကလစ်ကလေး ညှစ်ပြီးတော့ တပ်ဆင်ထားနိုင်ပြီး။ တကယ့် အချိန်ကောင်းတွေကို အမှတ်တရဖြစ်အောင် ရိုက်ကူးပေးနိုင်မယ်လို့ဆိုပါတယ်။ လက်ရှိအချိန်ထိတော့ ဘယ်မှာမှ review မတွေ့ရသေးပဲ။ သူ့ရဲ့ လုပ်ဆောင်နိုင်စွမ်းတွေကိုသာ keynotes တွေ အရ သိရှိရသေးတာဖြစ်ပါတယ်။

ပိုမို ဆန်းသစ်လာတဲ့ Google Home

အခုဆိုရင် Google Home မှာ အမျိုးအစား နှစ်ခုရှိနေပါပြီ။ Home Mini (အသေးစား) နှင့် Max ( အကြီးစား ) နှစ်မျိုးဖြစ်ပါတယ်။ ဒီတော့ မိမိနှစ်သက်ရာ Google Home Devices အရွယ်အစားကို ရွေးချယ်ဝယ်ယူနိုင်ပါတယ်။ သေးသေးလေးပဲလား အကြီးကြီး ပေါ့ဗျာ .  . .

Google Pixelbook

ဒေါ်လာ ၉၉၉ နှင့် ဝယ်ယူရရှိနိုင်မယ့် Pixelbook အပြင် အမြင့်ဆုံး ဒေါ်လာ ၁၆၄၉ နှင့် နှစ်ဆ ပါဝင်တဲ့ RAM၊512GB NVMe အပြင် intel core i7 အထိ ဝယ်ယူရရှိနိုင်ပါတယ်။ ၁၂.၃ လက်မ ရှိတဲ့ high-resolution မျက်နှာပြင် နှင့် Google Assistant ပါဝင်တဲ့ ပထမဦးဆုံးသော Laptop တစ်လုံးဖြစ်ပါတယ်။ Backlit Soft touch keys ပါဝင်ပြီး ၁၀ နာရီကြာ အသုံးပြုနိုင်မယ့် Battery ကိုလည်း ထည့်သွင်းတည်ဆောက်ထားပါတယ်။ ပါဝင်တဲ့ Google Assistant ဟာဆိုရင် စာရိုပြီးမေးရင် အသံတိတ်နှင့် ဖြေကြားပေးမှာဖြစ်ပြီး အသံနှင့်ပေးရင်တော့ အသံနှင့်ပါ ပြန်လည် ဖြေကြားပေးနိုင်မယ်လို့လည်း သိရပါတယ်။

ဒါ့အပြင် Wacom လို Drawing Tablets တွေ ထုတ်လုပ်နေတဲ့ ကုမ္ပဏီနှင့် ပူးပေါင်းထုတ်လုပ်ထားတဲ့ Pixelbook Pen ရဲ့ စွမ်းဆောင်ရည်ဟာလည်း စိတ်ဝင်စားဖွယ် စောင့်ကြည့်ရ မှာပါ။

Read More

Xiaomi Mi A1 Pure Google Android (Android One Series) ဖုန်းလေးကို တစ်ချက်ကြည့်အောင်

အားလုံးခြုံပြီးပြောရရင်
Mi A1 ရဲ့ Android ဟာ Original Google Android OS ကိုပဲ နဂိုအတိုင်း အသုံးပြုထားတာဖြစ်ပါတယ်။ နောက်ပြီး အသေအချာ စိစစ်တည်ဆောက်ထားတဲ့ Hardware ပိုင်းဟာလည်း အသုံးပြုထားတဲ့ OS နှင့် လိုက်လျောညီထွေစွာ လျင်လျင်မြန်မြန် အသုံးပြုနိုင်အောင် စွမ်းဆောင်ပေးပါတယ်။ ဒါအပြင် အခုနောက်ပိုင်းခေတ်စားနေတဲ့ Dual Camera ကို အသုံးပြုထားတဲ့အပြင် ကိုယ်ထည်တစ်ခုလုံးဟာလည်း Premium ကျပြီး ဈေးနှုန်းနှင့် ယှဉ်မယ်ဆိုရင် အတော်လေး ကိုင်လို့ကောင်းတဲ့ ဖုန်းတစ်လုံးဖြစ်ပါတယ်။

( အသေးစိတ်ကို အောက်မှာ ရေးပေးထားပါတယ် )

ကောင်းကွက်တွေအနေနှင့်က
Dual Camera ဟာ အတော်လေး စွမ်းဆောင်ရည်ကောင်းမွန်တာကိုတွေ့ရပါတယ်။ နောက်ပြီး Google ရဲ့ Pure Android OS ကြောင့် အခြား Android ဖုန်းတွေနှင့်ယှဉ်မယ်ဆိုရင် ကိုယ်က အမြဲတမ်း Update တွေကို အရင်ဆုံးရနိုင်ပါတယ်။ နောက်ပြီး စွမ်းဆောင်ရည်မြင့်မားတဲ့ Hardware တွေနှင့် တည်ဆောက်ထားတဲ့ ဖုန်းတစ်လုံးဖြစ်ပါတယ်။

နည်းနည်းလေး ပြောစရာရှိတာကတော့
Battery ဟာ အရယ်အစားတူ Redmi Note 4 နှင့်ယှဉ်ရင် အနည်းငယ်သေးတဲ့အတွက်။ တစ်ခု အားသွင်းထားရင် ဘယ်လောက်အထိ အသုံးခံနိုင်မလည်းဆိုတာကတော့ စဉ်စားစရာဖြစ်ပါတယ်။

အသေးစိတ် ပြောချင်တာက -
ဘယ်အချိန် ဘယ်နေရာမှာ ဘယ်သူပဲမေးမေး ဈေးသက်သာပြီး အလည်လတ်တန်းဝင် ဖုန်းကောင်းကောင်းတစ်လုံးကိုင်ချင်တယ်ဆိုရင်တော့ အခုလိုချိန်မှာ အားလုံးဖြေကြမှာက တရုတ်နိုင်ငံရဲ့ ကုမ္ပဏီတစ်ခုဖြစ်တဲ့ Xiaomi ဖုန်းတွေကိုပဲ ညွှန်းကြမှာပါ။

ဆိုတော့ အခုလည်း Xiaomi က Google နှင့်ပူးပေါင်းပြီးတော့ Budgets တန်းဝင်ဖြစ်တဲ့ Android One Series ဝင် Xiaomi Mi A1 ဖုန်းတစ်လုံးကို ထပ်မံမိတ်ဆက်ခဲ့ပြန်ပါပြီ။

PLATFORM	OS	Android 7.1.2 (Nougat), planned upgrade to Android 8.0 (Oreo)
	Chipset	Qualcomm MSM8953 Snapdragon 625
	CPU	Octa-core 2.0 GHz Cortex-A53
	GPU	Adreno 506

MEMORY	Card slot	microSD, up to 128 GB (uses SIM 2 slot)
	Internal	64 GB, 4 GB RAM

CAMERA	Primary	Dual 12 MP (26mm, f/2.2; 50mm, f/2.6), phase detection autofocus, 2x optical zoom, dual-LED (dual tone) flash

လက်ရှိ Android Version 7.1.2 (Nougat) ကို အသုံးပြုထားပြီးတော့ မကြာမီ Android Version 8.0 (Oreo) ကို အဆင့်မြှင့်တင်အသုံးပြုနိုင်မှာဖြစ်ပါတယ်။ Octa-core 2.0 GHz ဆိုတဲ့ CPU ဟာ တကယ့် Premium ဖုန်းတစ်လုံးလို စွမ်းဆောင်ရည်အပြည့်အဝ ပေးမယ့်အပြင် ဂိမ်းကစားဖို့နှင့် ရုပ်ထွက် ကောင်းကောင်းတွေရအောင်လည်း Andreno 506 GPU က ထောက်ပံ့ပေးပါလိမ့်မယ်။ နောက်ပြီးတော့ မိမိဖုန်းထဲက Storage သိမ်းဆည်းရာမှာလည်း SD Card ကို 128 GB အထိ အသုံးပြုနိုင်မှာဖြစ်ပါတယ်။ Dual Camera နှစ်လုံးကြောင့် iPhone 7+ ရဲ့ Protrait Mode လို ပုံကောင်းကောင်းလှလှတွေရိုက်ယူနိုင်မှာဖြစ်ပြီးတော့ အရည်အသွေး 2K (2160p) ရှိ ရုပ်ရှင်ဗွီဒီယိုအထိ 30 FPS နှင့် ရိုက်ကူးနိုင်မှာဖြစ်ပါတယ်။ ဒါပေမယ့် ဖုန်းအတွင်း ပြန်လည်ကြည့်ရှုမယ်ဆိုရင်တော့ 5.5 inch 1080p သာရှိတဲ့ LCD ကြောင့် 2K အပြည်အဝကိုတော့ ခံစားနိုင်မှာမဟုတ်ပါဘူး။

အိမ်မှာရှိတဲ့ တီဗွီတွေ၊ ရေခဲသေတ္တာတွေအပြင် အခြား Remote Control နှင့် ထိန်းချုပ်လို့ရတဲ့ အရာမှန်သမျှကို ဖုန်းနှင့် ထိန်းချုပ်နိုင်ရန်အတွက် IR လည်း ပါရှိပါတယ်။ အားသွင်းဖို့အတွက်နှင့် ဒေတာ အကူးအပြောင်းလျင်မြန်ဖို့အတွက် USB Type C ကို အသုံးပြုထားပါတယ်။

လုံခြုံမှုအတွက်ကတော့ ဖုန်းရဲ့ ကျောဘက်မှာ Fingerprint ပါတယ်။ 4 GB RAM ကြောင့် 25 Apps အထိကို ပုံမှန်အတိုင်း လျင်လျင်မြန်မြန် Multitasking လုပ်နိုင်တာကိုလည်းတွေ့ရပါတယ်။ အထူးသဖြင့် ယခင် Redmi Note 4 တွေမှာ တစ်ခါတစ်လေ ကြုံတွေ့ရလေ့ရှိတဲ့ App Freezing ပြဿနာကို A1 မှာတော့ ဖြေရှင်းထားပုံရပါတယ်။

Battery အနေနှင့်ကတော့ 3080 mAh ပါဝင်ပြီးတော့ အားတစ်ခါသွင်းထားရင် up to 15-18 အထိ ခံပြီးတော့။ သာမန် နေ့စဉ်သုံးဆိုရင်တော့ တစ်ရက်လုံး ခံနိုင်ပါလိမ့်မယ်။ နောက်ပြီးတော့ Quick Charging ကြောင့်လည်း ဖုန်းအားသွင်းတာကို အကြာကြီးစောင့် သွင်းနေစရာမလိုတော့ဘူးပေါ့ဗျာ။

ဒီဖုန်းနှင့်ပတ်သတ်ပြီး အမြင်လေးတွေကိုလည်း အောက်မှာ ပေးသွားလို့ရပါတယ်။ အားလုံးပဲ ကောင်းမွန်သော နေ့ရက်လေးကို ပိုင်ဆိုင်နိုင်ပါစေ။

Read More

Dota 2 ရဲ့ ကစားသူဦးရေကို ကျော်ဖြတ်ခဲ့တဲ့ PlayerUnknown's Battleground ( PUBG )

PlayerUnknown's Battleground ( PUBG ) ဟာဆိုရင် ၂၀၁၇ ခုနှစ် March ကနေ စတင်ပြီးတော့ Steam ပေါ်မှာ ဝယ်ယူကစားနိုင်တဲ့ ဂိမ်းတစ်ခုဖြစ်ပါတယ်။ Online ပေါ်မှာ သူငယ်ချင်း အပေါင်းအသင်း အများနှင့် ကစားရတဲ့ Multiplayer Online Game အမျိုးအစားဖြစ်ပြီးတော့ လက်ရှိမှာဆိုရင် လူကြိုက်အများဆုံး Action Game နှင့် Battle Royale အမျိုးအစားလည်းဖြစ်ပါတယ်။ Developer Bluehole မှ ကိုယ်တိုင် ထုတ်လုပ်ဖြန့်ချိတဲ့ ဂိမ်းတစ်ခုလည်းဖြစ်ပါတယ်။

စထွက်ချိန်မှ အခုချိန်ထိ တစ်ရိတ်ရိတ် တက်နေတဲ့ Gamer တွေကြောင့် အခုဆိုရင် Microsoft ရဲ့ Xbox One မှာပါ ကစားနိုင်နေပြီဖြစ်ပါတယ်။

PUBG ရဲ့ ဂိမ်းကစားပုံဟာ နောက်ဆုံး တစ်ယောက်ပဲ အသက်ရှင် ကျန်တဲ့အထိ တစ်ယောက်နှင့် တစ်ယောက် ပစ်ခတ်ကစားရတာဖြစ်ပါတယ်။ ကစားသူဟာ တစ်ယောက်တည်း (solo) ပဲဖြစ်ဖြစ်၊ (အဖွဲ့တစ်ခုအနေနှင့် လေးယောက်အထိ ) သူငယ်ချင်း အစုအဖွဲနှင့်ပဲဖြစ်ဖြစ် ပွဲတစ်ခုကို ဝင်ရောက် ကစားနိုင်ပါတယ်။

ပွဲတိုင်းရဲ့အစမှာ ကစားသမားတွေဟာ လေယာဥ်ပေါ်ကနေပြီးတော့  ၅ မိုင်ပတ်လည်ရှိတဲ့ ရေလည်ကျွန်းတွေပေါ်မှာ မိမိနှစ်သက်ရာ နေရာကို လေထီး ခုန်ချနိုင်ပါတယ်။ ကစားသမားအားလုံးဟာ အစပိုင်းမှာ ဘာလက်နက်မှ မရှိသလို ဘာအသုံးအဆောင်ပစ္စည်းမှလည်း မပါ ရှိပါဘူး။ လေယာဥ်ရဲ့ ပျံသန်းပုံ လမ်းကြောင်းဟာလည်း တစ်ပွဲနှင့် မတူညီပဲ ကျပန်းဖြစ်ပါတယ်။ မြေပြင်ကို ဆင်းသက်ရောက်ရှိပြီဆိုရင်တော့ လက်နက်တွေနှင့် ကားတွေ၊ ဆိုင်ကယ်တွေကို မိမိစိတ်ကြိုက် ရှာဖွေအသုံးပြုနိုင်ပါတယ်။

လက်နက် ရှာဖွေတဲ့ နေရာမှာ အသုံးအဆောင် ရှာဖွေတဲ့နေရာမှာတော့ အကောင်းဆုံးဆိုတာတွေကိုပဲ ရရှိနိုင်ဖို့ဆိုတာကလည်း ကိုယ့်ရဲ့ ကံနှင့် ကျွမ်းကျင်မှုအပေါ်မှာ မူတည်နေပါတယ်။

အထူးသဖြင့် အချိန်နှင့် အမျှ ကစားသမား အရေအတွက်နှင့် အချိန်အကန့်အသတ်ပေါ်မူတည်ပြီးတော့ တစ်ဖြည်းဖြည်းကျဥ်းမြောင်းလာတဲ့ စစ်မြေပြင် (Battleground ) ဟာ ကစားသမားတွေအတွက်တော့ တကယ့်ကိူ လူသတ်ကွင်းကြီးတစ်ခုလိုပါပဲ။ Third Person Shooter ရော First Person Shooter Mode နှစ်မျိုးကစားနိုင်တဲ့အတွက်လည်း Gamer တွေကြား အကြိုက်တွေ့လှပါတယ်။ အခုဆိုရင် Dota 2 လို အချိန်တိုင်း ဘုရင်ဖြစ်နေတဲ့ ဂိမ်းကိုတောင် ကျော်ဖြတ်ပြီး ကစားသူအများဆုံးအဖြစ် ရပ်တည်နိုင်ခဲ့ပါပြီ။ ကစားချိန်ကြာမြင့်လာလေလေ အရှိန်တက်လာပြီးတော့ မိမိရဲ့ ကျွမ်းကျင် ပိုင်နိုင်မှုတွေကို ကိုယ့်အသက်ရှင်သန်ဖို့အတွက် ဘယ်လိုတွေ အသုံးချရမလည်းဆိုတာကတော့ သင့်အပေါ်မှာ မူတည်နေပါတယ်။

လက်ရှိအချိန် Steam မှာ ဂိမ်းကို ဝယ်ယူကစားမယ်ဆိုရင်တော့ $29 နှင့် ဝယ်ယူ ဆော့ကစားနိုင်မှာဖြစ်ပါတယ်။

Read More

ဖုန်းမှန်ဟာ တော်ရုံ မကွဲတဲ့အပြင်၊ ကွဲခဲ့ရင်တောင် သူ့အလိုလို ပြန်ပြင်မယ်ဆိုတဲ့ Motorola

Motorola ဖုန်းကုမ္ပဏီဟာ ထုတ်လုပ်တဲ့ ဖုန်းတွေရဲ့ မှန်တွေကို တော်ရုံတန်ရုံ မကွဲဘူးဆိုတာလောက်နှင့် မဟုတ်ပဲ ကွဲသွားရင်တောင် သူ့အလိုလို ပြန်လည် ပြုပြင်သွားမည့် နည်းပညာကို အသုံးပြုပြီး ဖုန်းမှန်တွေကို တည်ဆောက်သွားမည်လို့ သိရပါတယ်။ ဒီနည်းပညာဟာဆိုရင် Shape Memory Polymer လို့ ခေါ်ပါတယ်။ ဒီနည်းပညာကို အသုံးပြုဖို့ရာအတွက် မှန် touch screen တွေအစား Polymer တွေကို အစားထိုး အသုံးပြုရမှာဖြစ်ပါတယ်။ နောက်ပြီးလုံလောက်တဲ့ အပူချိန်ရတဲ့အချိန်မှာ အလိုလျောက် ကွဲအက်သွားတဲ့ နေရာကိုအလိုလို ပြန်လည်ပြုပြင်သွားမှာဖြစ်ပါတယ်။

ကွဲသွားတဲ့နေရာကို ပြန်လည်ပြုပြင်နိုင်တယ်ဆိုပေမယ့်လည်း နဂိုအတိုင်း ၁၀၀ ရာခိုင်နှုန်းအပြည့်အဝ ခံနိုင်ရည်ရှိမည့် screen တော့ ပြန်ဖြစ်လာမှာမဟုတ်ပါဘူး။ ဒီအတွက်တော့ အထိအတွေ့လုပ်ဆောင်ရတာတွေဟာတော့ သုံးစွဲနေကျ မှန်အသုံးပြုထားတဲ့ ဖုန်းတွေနှင့်မတူ ပဲ ကွဲပြးခြားနားတဲ့ ထိတွေ့မှုကို ခံစားရမှာဖြစ်ပါတယ်။ နည်းပညာလိုအပ်ချက်အရ polymer touch screen တွေကို အသုံးပြုထားတဲ့ touch screen တွေဟာ သုံးစွဲနေကျ မှန်တွေလိုတော့ သိပ်ကောင်းမှာမဟုတ်ပါဘူး။

ဘာပဲပြောပြော ကိုယ့်ဖုန်းကိုယ် လွတ်ကျပြီး ကွဲတတ်လေ့ရှိတဲ့ သူတွေအတွက်ကတော့ အထူးသတင်းကောင်းတစ်ခုဖြစ်ပါတယ်။

Read More

ဂျပန်နိုင်ငံက အရည်မပျော်တဲ့ ရေခဲမုန့် (Kanazawa ice)

ဂျပန်ဆိုတာနှင့်ကို တစ်ခုခုလုပ်လိုက်ရင် အဆန်းတွေကြည့်ပဲ။ အခုလည်းကြည့် အရည်မပျော်တဲ့ ရေခဲ့မုန့်တဲ့လေ။

ဒါကတော့ ဒီလိုပါ။ အရည်မပျော်ဘူးဆိုပေမယ့် တကယ်ကတော့ ရေကိုခဲထားတဲ့ ရေခဲမုန့်ပဲဗျာ အရည်ကတော့ပျော်မှာပေါ့။ ဒါပေမယ့် အခု ဂျပန် ရေခဲမုန့်က နေပူပူထဲမှာတောင် အနည်းဆုံး ၅ မိနစ်ကနေ ၁၀ မိနစ် ထား အရည်မပျော်နိုင်ပါဘူး။

ဒီရေခဲမုန့်ကိုတော့ ဂျပန်နိုင်ငံက ခါနာဇာဝါ မှာရှိတဲ့ Kanazawa Ice ဆိုတဲ့ဆိုင်မှာ ဝယ်ယူစားနိုင်ပါတယ်။ ရေခဲမုန့်ပြုလုပ်ထားတဲ့ ဒီဇိုင်းတွေကလည်း ချစ်စရာကောင်းတဲ့အပြင် အတော်လေးကို လက်ရာလည်း ကောင်းလှတဲ့ ရေခဲမုန့်လေးတွေဖြစ်ပါတယ်။ လှပပြီး ချစ်စရာလည်းကောင်းတဲ့ အရည်မပျော်နိုင်တဲ့ ရေခဲမုန့်ပုံစံလေးတွေကို ကြည့်ချင်ရင်တော့ Kanazawaice ဆိုတဲ့ instagram page မှာ ဝင်ရောက်ကြည့်ရှုနိုင်ပါတယ်။

စတော်ဘယ်ရီသီးတွေကနေ ရရှိတဲ့ Polyphenol Liquid ဆိုတဲ့ အရည်ကိုအသုံးပြုပြီးတော့ ပြုလုပ်ထားတဲ့ ဒီရေခဲမုန့်လေးတွေဟာ သူ့ရဲ့ နဂိုလှပတဲ့ ပုံစံကို ရေရှည် တည်မြဲနေတာဖြစ်ပါတယ်။

Read More

Microsoft ရဲ့ Modern Keyboard နှင့် Mouse

Microsoft ကလည်း အားကျမခံ ကိုပိုင် တံဆိပ်နှင့် ကီးဘုတ် ၊ မောက်စ် ကို ထုတ်လိုက်ပါပြီ။ အခုဟာဆိုရင် Apple ရဲ့  ဒုတိယမျိုးဆက်သစ် Magic Mouse 2 ထုတ်လုပ်ခဲ့တာဟာဆိုရင် လပေါင်း ၂၀ ရှိခဲ့ပြီ ဖြစ်ပါတယ်။ အခုမှ Microsoft ကလည်း နောက်က နေ အမှီလိုက်တာ ဆိုပေမယ့်လည်း သူ့ရဲ့ ထုတ်ကုန် နှစ်မျိုးစလုံးဟာ Apple လို ဈေးမကြီးတဲ့အပြင် Modern Keyboard မှာဆိုရင်တော့ မိမိရဲ့ ကွန်ပျူတာ လုံခြုံစိတ်ချမှုရှိရေးအတွက် Finger Print ID ကိုပါ ထည့်သွင်းတည်ဆောက်ထားပါသေးတယ်။

Keyboard တည်ဆောက်ပုံ တစ်ခုလုံးဟာ Apple ရဲ့ Chiclet Key တွေ တည်ဆောက်ပုံနှင့် တူညီပြီးတော့ Finger print Sensor ကိုတော့ Alt နှင့် Ctrl ကြီးထဲမှာ Windows Hello Biometric Security ဆိုပြီးတော့ ခလုတ်တစ်ခု ကို ထည့်သွင်းတည်ဆောက်ထားပါတယ်။ဒါ့အပြင် Windows 10 Hello ကို အသုံးပြုပြီးတော့ PC မှာ Face နှင့် Log In လုပ်ဖို့ရာကတော့ အသုံးပြုနိုင်မယ့် Web Camera လိုအပ်မှာဖြစ်ပါတယ်။

Microsoft ရဲ့  Modern Keyboard ဟာဆိုရင် ကြိုးတပ်ထားပြီးလည်း အသုံးပြုနိုင်သလို ကြိုးဖြုတ်ပြီးတော့လည်း Bluetooth နှင့် ချိတ်ဆက် အသုံးပြုနိုင်ပါတယ်။ အလားတူပဲ Modern Mouse ဟာလည်း Keyboard နှင့် ဒီဇိုင်းအသွင်ပြင် ဆင်တူပြီးတော့ ပါဝါစားသက်သာတဲ့အတွက် တစ်ခါအားသွင်းထားယုံဖြင့် အချိန်အကြာပြီး အသုံးပြုနိုင်မှာဖြစ်ပါတယ်။ လက်ရှိအချိန်မှာတော့ Microsoft ရဲ့ ပြောကြားချက်အရပဲ သိရှိရသေးတာက Keyboard ဟာဆိုရင် တစ်ခါအားအပြည့်သွင်းထားရုံနှင့် ၄ လဆက်တိုက် အသုံးပြုနိုင်မှာဖြစ်ပြီး၊ Modern Mouse ကတော့ တစ်ခါအားအပြည့်သွင်းထားရင် ၁ နှစ်/ ၁၂ လအထိ အသုံးပြုနိုင်လိမ့်မယ်လို့ သိရပါတယ် ခင်ဗျာ။

Keyboard ဈေးနှုန်းကတော့ $130 နှင့် Mouse ကိုတော့ $50 ဆိုပြီ:တော့လည်း ဝယ်ယူရရှိနိုင်ပြီဖြစ်ပါတယ်။သေချာတာတစ်ခုကတော့ Gamers တွေကြိုက်မယ်မထင် ...............

Read More

PC Gamer တိုင်း သိချင်ကြတဲ့ ဘယ် Graphic Card ဝယ်ရမလည်း ? (Nvidia GTX 10 Series)

ခေါင်းစဥ်က မေးခွန်းကို ဖြေရမယ်ဆိုရင် .....

ပထမဦးဆုံး စဥ်းစားရမယ့် အချက်တွေကို ပြောပြချင်ပါတယ် -

1. ပိုက်ဆံ ဘယ်လောက်သုံးမလည်း
2. Resolution ဘယ်လောက်မှာ ကိုယ်က ဂိမ်းကစားမှာလည်း
3. FPS နှင့် Graphic Setting ကို ဘယ်လောက် အနေအထားလိုချင်သလည်း

အခုခေတ်အနေအထားမှာတော့ Full HD Monitor တွေရဲ့ ဈေးနှုန်းဟာလူတိုင်း တက်နိုင်တဲ့ အနေအထားဖြစ်လာပါပြီ။ နောက်ပြီး Nvidia ရဲ့ နောက်ဆုံးထွက် Graphic Card Series တွေဖြစ်တဲ့ 10 series တွေဟာလည်း ဈေးနှုန်း ကိုသင့်တင့်တဲ့ အပြင် ၊ စွမ်းဆောင်ရည်လည်း မြင့်မားအတွက် လူကြိုက်များလှပါတယ်။ ဒီတော့ ကျွန်တော့်ရဲ့ ဒီ post မှာတော့ Nvidia GPU 10 Series တွေနှင့် Full HD 1080P Gaming ကို ပဲ အဓိကထားပြောပြပေးသွားမှာဖြစ်ပါတယ်။

Budget Gaming ဆင်ပြီးတော့ ဂိမ်းလည်း ကောင်းကောင်းကစားချင်တဲ့သူတွေအတွက်ကတော့ GTX 1050 2GB/ GTX 1050ti 4GB ကို ရွေးချယ်ပါ။ အခုလက်ရှိအချိန်ထိ ထွက်သမျှဂိမ်းတွေအားလုံးနီးပါးကို High Setting နှင့် ကစားနိုင်ပါတယ်။ GTX 1050 နှင့် GTX 1050 Ti နှစ်မျိုးဟာ ဈေးလည်း အများကြီး မကွာလှပါဘူး အလွန်ဆုံးကွာလှ သုံး လေး သောင်းပါပဲ။ 1050 ဝယ်ရင်တော့ ၂၀၁၅ က ထွက်ခဲ့သမျှ အားလုံး နီးပါးကို High Setting အပြင် တချို့ဆိုရင် Max Setting နှင့် ကစားနိုင်ပါတယ်။

 GTX 1050 Ti 4GB ဆိုရင်တော့ AAA ဂိမ်းအတော်များများကို Max Setting မှာ FPA 40 ကျော် 50 ဝန်းကျင်မှာ ကစားနိုင်မှာဖြစ်ပါတယ်။ ဈေးနှုန်း တွေအနေနှင့်ကတော့ GTX 1050 2GB ဆိုရင် 200,000 ဝန်းကျင်နှင့် GTX 1050 4GB ကတော့ 250,000 ၀န်းကျင် နှင့် ဝယ်ယူရရှိနိုင်ပါတယ်။

အကယ်၍ Budget က အဓိကမဟုတ်ဖူး ဆိုရင်တော့ ကျွန်တော် အကြံပေးချင်တာက GTX 1060 ဒါမှမဟုတ်  GTX 1060 Ti ကို ဝယ်ပါ။ GTX 1060 နှင့် 1050 ti မှာ Video RAM ကတော့ 1050ti က ပိုများပေမယ့် စွမ်းဆောင်ရည်ပိုင်းမှာတော့ 1060 3GB က ထက်ဝက်ကျော် သာပါတယ်။ ဈေးနှုန်းအနေနှင့်ကတော့ GTX 1060 3GB က ၈ သောင်း တစ်သိန်း ဝန်းကျင် ပိုများပါတယ်။ GTX 1060 6GB ဆိုရင်တော့ လက်ရှိ ပေါက်ဈေးအနေနှင့် ၄ သိန်း ကျော် ၅ သိန်း ဝန်းကျင်မှာ ရှိပါတယ်။

GTX 1060 ကစလို့ VR Gaming တွေကိုလည်းဆော့ကစားနိုင်မှာဖြစ်ပါတယ်။ ဒါပေမယ့် CPU အနေနှင့်ကတော့ အနည်းဆုံး Core i5 ရှိရမှာဖြစ်ပါတယ်။ GTX 1080 နှင့် GTX 1080 Ti ကိုတော့ သိပ်မပြောလိုတော့တာကတော့ ဒီစာရှည်သွားမှာရယ် နောက်ပြီးတော့ လက်ရှိ အချိန်မှာက 4K ဆိုတာကလည်း ကျွန်တော်တို့ ဆီက အပျော်တမ်း Gamer တွေအတွက်က အနည်းငယ် အလှမ်းဝေးနေသလို ဖြစ်နေသေးတဲ့ Hi-End ဆင်ချင်တဲ့သူတွေအတွက် 4K Gaming အကြောင်းကိုတော့ ကျွန်တော် နောက်ထပ် ပိုစ်တစ်ခုအနေနှင့် သတ်သတ် တင်ပေးပါ့မယ်ခင်ဗျာ။

အချိန်ပေးဖတ်ရှုတဲ့အတွက် ကျေးဇူးတင်ပါတယ်။ Like and Share လေးလုပ်ဖို့လည်း မမေ့နှင့်ဦးနော်

Read More

ကြာရှည်အသုံးပြုနိုင်တဲ့ ဘတ္ထရီနှင့် လက်တော့ ၂၅ မျိုး (၂၀၁၇)

လက်ရှိအချိန်ထိ ရေပန်းစား၊ လူကြိုက်များတဲ့ လက်တော့တွေလည်း ပါဝင်သလို Tablets တွေနှင့် two-in-one hybrids တွေဖြစ်တဲ့ laptop လိုရော tablet လိုပါ အသုံးပြုနိုင်တဲ့ အမျိုးအစားတွေပါဝင်ပါတယ်။

အရေးကြီးတဲ့ စည်းဝေးတွေပြုလုပ်နေချိန်မှာ လက်တော့ ဘတ္ထရီကုန်သွားတာလောက် ဆိုးဝါးလှတာမရှိပါဘူး။ ဒါမှမဟုတ် ခရီးသွားရင်း အရေးကြီးတဲ့ အီးမေးလ်တစ်ခုကို ရေးနေချိန်ပဲဖြစ်ဖြစ်၊ လမ်းမှာ အပျင်းပြေ Netflix လေး ဒါမှမဟုတ် Channel Myanmar က မြန်မာစာတန်းထိုးရုပ်ရှင်လေးတွေကြည့်ဖို့ ကွန်ပျူတာဖွင့်လိုက်ချိန်မှာ ဘတ္ထရီကုန်နေတယ်ဆိုတာမျိုးက အတော်လေးခံစားရခက်တဲ့ အရာပါ။

ခုခေတ်အနေထားနှင့် အချိန်အခါအရတော့ Talbets တွေနှင့် ဖုန်းတွေ လက်တော့ တွေအားလုံးရဲ့ ဘတ္ထရီတွေ ဟာ တဖြည်းဖြည်းနှင့် ပိုပိုပြီး ကောင်းလာကြပါတယ်။ နောက်ပြီးအခုဆိုရင် လက်တော့တွေနှင့် Tablets တွေအတော်များများ ၁၀ နာရီဝန်းကျင်နှင့်အထက် အသုံးပြုလာနိုင်တာကို တွေ့လာရပါတယ်။

အထူးသဖြင့် intel ရဲ့ Core i-series CPUs တွေဟာ ပါဝါစာသုံးမှု အတော်လေး နည်းလာပြီးတော့ စွမ်းဆောင်ရည်တွေလည်း ပိုမိုကောင်းမွန်လာကြတာက အဓိက တိုးတက်မှုကြီးတစ်ခုပါ။

လက်ရှိကျွန်တော် တွေ့ရှိထားတဲ့ Laptop ဘတ္ထရီစမ်းသပ်ချက်တွေအရ အကောင်းဆုံးနှင့် ကြာရှည်အသုံးပြုနိုင်တဲ့ ဘတ္ထရီတွေပိုင်ဆိုင်ထားတဲ့ လက်တော့ ၂၅ မျိုးကို အောက်မှာ ကြည့်လိုက်ပါဦး . . .

အဆင့်	System name	အသုံးခံနိုင်မှု နာရီ၊ မိနစ်
1	Acer Chromebook R 13	13:02
2	Samsung Notebook 9	12:16
3	Lenovo ThinkPad X1	11:50
4	Microsoft Surface Book (2016)	11:49
5	Apple MacBook Pro (13-inch, 2016)	11:36
6	HP EliteBook x360 (13-inch, 2017)	11:34
7	LG Gram 13	11:30
8	Apple MacBook Pro 15-inch, 2017	10:43
9	Dell XPS 13 (late 2016, non-touch)	10:36
10	Apple MacBook (12-inch, 2016)	10:33
11	Apple MacBook (Retina 12-inch, 2017)	10:26
12	Microsoft Surface Laptop	10:21
13	Toshiba Portege X20W-D	10:10
14	Apple MacBook Pro with Touch Bar (15-inch, 2016)	10:08
15	Apple MacBook Pro with Touch Bar (13-inch, 2016 )	10:07
16	Asus C302C	9:55
17	HP Spectre x360 (15-inch, 2017)	9:54
18	LG gram 15	9:42
19	Dell Inspiron 15 7000 Gaming	9:38
20	HP Spectre x360 (13-inch, 2016)	9:21
21	Lenovo ThinkPad X270	9:15
22	Samsung Chomebook Pro	8:57
23	Dell XPS 13 2-in-1	8:56
24	Dell Latitude 12 5000 Series 2-in-1 (5285)	8:50
25	LenovoLenovo IdeaPad Yoga 720	8:46

Read More

Nokia ရဲ့ မော်ဒယ်မြင့်ဖုန်း အသစ်အဖြစ်ထွက်ရှိလာတော့မည့် Nokia 8 Android Smartphone

Smartphone လောကထဲကို ပြန်လည် ခြေချလာခဲ့တဲ့ Nokia ဟာဆိုရင် သူ့ရဲ့ နောက်လာမယ့် Android Smartphone တစ်လုံးကို ထပ်မံ မိတ်ဆက်တော့မယ်လို့ သိရပါတယ်။ ဈေးသက်သာတဲ့ Nokia 6 ဖုန်းပြီး နောက် ထပ်ထွက်မယ့် စွမ်းဆောင်ရည်မြင့် Hi-End Smartphone Nokia 8 ကိုဆိုရင် ဒီနှစ် နှောင်းပိုင်းမှာ မြင်တွေ့ရမယ်လို့လည်း အားလုံးက စောင့်မျှော်နေကြပါတယ်။

အခု နောက်ထွက်ရှိလာမယ့် Nokia 8 ရဲ့ အချက်အလက်တွေကိုတော့ လက်ရှိ Websites တွေမှာတွေ့နေရတဲ့ အချက်အလက်တွေကိုမှီကိုးပြီး ရေးသားတင်ဆက်လိုက်ပါတယ်။

Flagship Device အနေနှင့် ထွက်ရှိလာမယ့် Nokia 8 မှာဆိုရင် Samsung ရဲ့ ဖုန်းအမြင့်တွေနှင့် HTC ဖုန်းတွေမှာပါ တွေ့ရလေ့ရှိတဲ့ အမြင့်ဆုံးစွမ်းဆောင်ရည်နှင့် ပြည့်ဝတဲ့ Snapdragon 835 Chipset ကို အသုံးပြုထားမှာဖြစ်ပါတယ်။ Nokia 8 ဟာ RAM 4GB နှင့် သိုလှောင်သိမ်းဆည်းမှုပမာဏ 64 GB ရှိမှာဖြစ်ပြီး SIM Card ကိုလည်း ၂ ကဒ်ထည့်သွင်းအသုံးပြုနိုင်မှာဖြစ်ပါတယ်။

Nokia 8 ကိုဆိုရင် လှပပြီး ဆွဲဆောင်မှုရှိလှတဲ့ အရောင်များနှင့် တွေ့မြင်ရဖွယ်ရှိပါတယ်။ အထူးသဖြင့် အပြာဖြော့၊ Steel ပုံစံ အပြင် ရွှေရောင် နှင့် ကြေးနီရောင်ဆိုပြီး ထုတ်လုပ်နိုင်ပါတယ်။ အခုလို အသွင်ပြင် ကိုယ်ထည်တည်ဆောက်ပုံတွေနှင့် အထက်တန်းကျကျ ဒီဇိုင်းနှင့် မြင့်မားတဲ့ စွမ်းဆောင်ရည်တွေ့ကြောင့် Nokia 8 ဟာ အရင် 6 လို ဈေးသက်သက်သာသာနှင့်တော့ ဝယ်ယူရရှိနိုင်မယ်မထင်ပါဘူး။ ဈေးနှုန်း ခန့်မှန်းခြေအနည်းဆုံး $675 ဝန်းကျင် ဖြစ်နိုင်ပါတယ်။

လက်တလော Nokia 8 နှင့် ပတ်သက်ပြီး Twitters မှ တစ်ဆင့် တင်ထားတဲ့ သတင်းတွေအရတော့ Dual Camera ပါဝင်လာနိုင်ဖွယ်ရှိပါတယ်။ ဒါ့အပြင် ကင်မရာပိုင်းဆိုင်ရာနှင့် ပတ်သက်ပြီး Nokia 8 ဟာ Zeiss နှင့် ပူးပေါင်းလုပ်ဆောင်ဖို့ သဘောတူညီချက်ရရှိထားခဲ့ပြီးဖြစ်တဲ့အတွက် တကယ့်ကို ထူးခြားကောင်းမွန်တဲ့ ရုပ်သံတွေ ရိုက်ကူးနိုင်မယ့် ဖုန်းတစ်လုံးလည်း ဖြစ်လာနိုင်ခြေရှိပါတယ်။

Read More

Louis Vuitton ရဲ့ ပထမဦးဆုံး Android Smart Watch

ဖက်ရှင်နှင့် နည်းပညာဆိုတာ အတော်လေး မသက်ဆိုင်သလိုပါ။ ဘာလို့လည်းဆိုတော့ နည်းပညာ ပစ္စည်းအတော်များများဟာ နည်းပညာလိုအပ်ချက်အရ အတွင်းပိုင်းစက်ပစ္စည်းတွေ ထည့်သွင်းပုံကိုမူတည်ပြီး ဒီဇိုင်းပိုင်းဆိုတာကို စဥ်းစားကာ ပုံစံဆွဲတည်ဆောက်ထားကြတာများပါတယ်။ အခုနောက်ပိုင်းတော့လည်း ဖက်ရှင်ကျကျ ဒီဇိုင်း အသွင်အပြင်နှင့်  ထူထူထဲထဲ Laptop တွေအစား တကယ့်ကို ပါးလွှာပြီး စိတ်တိုင်းကျ ဒီဇိုင်းလန်းလန်းလေးတွေလည်း ထွက်လာကြတာ တွေ့ရမှာပါ။ ဒါပေမယ့်လည်း နည်းပညာ ပစ္စည်းဆိုတာမျိုးက ဖက်ရှင် ကုမ္ပဏီတွေက ထုပ်တာမဟုတ်လေတော့လည်း ဒီဇိုင်းပိုင်း လိုအပ်ချက်တွေက အများသားပါ။

နာမည်ကြီး ဖက်ရှင် ကုမ္ပဏီတစ်ခုဖြစ်တဲ့ Louis Vuitton က ဆိုရင် အခုလို လိုအပ်ချက်မျိုးကို ဖြည့်ဆည်းဖို့ရာအတွက် ဖက်ရှင် အသားပေး Android Wear(Smart Watch) တစ်ခုကို ထုတ်လုပ်လိုက်ပါတယ်။ ဒီ Smart Watch ဟာဆိုရင် Louis Vuitton ရဲ့ ဖက်ရှင် အနုပညာ လက်ရာကို နည်းပညာကုမ္ပဏီကြီးတွေဖြစ်ကြတဲ့ Qualcomm နှင့် Google တို့ရဲ့ ပံ့ပိုးမှုနှင့်တည်ဆောက်ထားတာဖြစ်ပါတယ်။ Smart Watch ရဲ့ နာမည်ကိုကတော့ Tambour Horizon ဖြစ်ပြီး တကယ့်ကို လှပသေသပ်လှပြီးဖက်ရှင် ကျလှတဲ့ Android Smart Watch တစ်လုံးဖြစ်ပါတယ်။ ဈေးနှုန်းအနေနှင့်ကတော့ ဒေါ်လာ ၃,၀၀၀ ကျသင့်မှာဖြစ်ပါတယ်။42mm case standing 12.5mm အထူ နှင့် 1.2-inch AMOLED Glass, 390 x 390 Pixel touchscreen Display တို့နှင့် တည်ဆောက်ထားပါတယ်။

အတွင်းပိုင်း တည်ဆောက်ပုံတွေဟာလည်း အခြား Android Wear တွေနှင့်ယှဥ်ရင် မနိမ့်တဲ့ အနေအထားမှာရှိပါတယ်။ အခုဆိုရင် Android Wear ကို ဖက်ရှင်ကျကျ ဝတ်ချင်သူတွေအတွက်ကတော့ LG, Gameband, Armani, Guess, Montblanc and GUCCI စတဲ့ ဖက်ရှင် ကုမ္ပဏီတွေကထုတ်လုပ်ထားတဲ့ ရွေးချယ်စရာတွေ များစွာရှိလို့ လာပြီဖြစ်ပါတယ်။

Read More

နာရီပေါင်း ၁၇ နာရီ အသုံးပြုနိုင်တဲ့ Windows Laptop ရှိတယ်ဆိုတာ ခင်ဗျားယုံမှာမဟုတ်ဘူး

အားလုံးသိကြတဲ့အတိုင်း လက်တော့ တစ်လုံး ဝယ်တော့မယ်ဆိုရင် စွမ်းဆောင်ရည်ဘယ်လောက်ရှိသလဲ။ ဘာတွေသုံးလို့ရလဲ။ နောက်ပြီး ခရီးသွားရင် လမ်းမှာ သုံးဖို့ ဘတ္ထရီ ဘယ်လောက်ကြာကြာခံသလဲ စတာတွေကို အများစု မေးတတ်ကြတာ သဘာဝပါ။

ဒီလိုမျိုး မေးလာကြပြီဆိုရင်လည်း အချို့ ပိုက်ဆံတတ်နိုင်တဲ့သူကျတော့လည်း အသင့်တင့် သုံးမယ်ဆို Mac Air ပေါ့။ နောက်ပြီး အဲ့ထက်လည်းပါး ဈေးလည်း ပိုမြင့်တဲ့ Macbook 12 inch retina ပေါ့။ ကဲဒါဖြင့် Windows သုံးချင်ရင်ကော့ဆိုတော့ ------ Surface ကိုတော့ ပြေးမြင်ကြမှာပါ။ ဒါပေမယ့် ဈေးနှုန်းကရော ?

အဲ့ဒီလို ရွေးချယ်မှုတွေကြားမှာ လွန်ဆွဲနေရတဲ့ ပြဿနာကို LG Gram က အများကြီး ဖြေရှင်းပေးနိုင်ပါလိမ့်မယ်။ ဈေးနှုန်းချင်း ယှဥ်မလား။ အရွယ်အစား Display ကြီးတာကို ကြိုက်လား။ နောက်ပြီး Keyboard တွေနှင့် Mouse တွေသုံးရတာ ငြီးငွေ့နေမလား။ ဒီလိုဆိုလည်း Touch Screen ကို သုံးလို့ရပါသေးတယ်။​ ဒါတွေအားလုံးကို အနိမ့်ဆုံး ဈေး ဒေါ်လာ 899 ကနေ စပြီး စိတ်တိုင်းကျ ဝယ်ယူရရှိနိုင်တာဟာ LG Gram Laptop ပဲဖြစ်ပါတယ်။

အထူးသဖြင့် Battery ဟာ ၁၇ နာရီ နီးပါး စိတ်တိုင်းကျ အသုံးပြုနိုင်မယ့်အပြင်။ ပေါ့ပါးလွန်းလှတဲ့ တည်ဆောက်ပုံ ကိုယ်ထည်နှင့် ဒီဇိုင်း သွင်ပြင်ဟာ ကြုံတဲ့ နေရာမှာ အလုပ်လုပ်တတ်ကြတဲ့ သူတွေအဖို့တော့ အတော့်ကို သဘောကျ နှစ်ချိုက်ဖွယ်ကောင်းလှပါတယ်။

အသေးဆုံး ၁၃ လက်မ ကနေ အကြီးဆုံး ၁၅ လက်မ အထိ ဝယ်ယူရရှိနိုင်တဲ့အပြင်။ ပေါ့ပါးလွန်းတဲ့ Laptop တစ်လုံးနှင့် မလိုက်ဖက်လောက်အောင်ကို စွမ်းဆောင်ရည်လည်း မြင့်မားလှပါတယ်။

Ultra Light Weigh နှင့် Ultra Slim ဆိုပြီး Version  နှစ်မျိုးရှိပြီးတော့ ၁၃ လက်မ မှာတော့ i5 ၊ ၁၄ လက်မမှာဆို၇င် i5, i7 ထိ ရနိုင်ပြီး ၁၅ လက်မ မှာတော့ i7 အထိ မိမိ လုပ်ငန်းအရ လိုအပ်သလို ဝယ်ယူရရှိနိုင်မှာဖြစ်ပါတယ်။

အားနည်းချက်တွေအနေနှင့်ကတော့ USB-C Port ဟာ Thunderbolt 3 ကို Support မလုပ်နိုင်ပါဘူး။ ဒါ့အပြင် Alimunum Body တွေနှင့်ယှဥ်ရင်တော့ သိပ်ပြီး ကြည့်ကောင်းလှတဲ့ ပုံမပေါ်ဘူးလို့ ထင်ရပါတယ်။ ဥပမာအားဖြင့် သိပ်ပြီး Premium ကျတယ်လို့ မခံစားရတာပါ။ နောက်ပြီး Webcam ကလည်း တည်ဆောက်ထားပုံနေရာအရ သိပ်မဆင်မပြေသလို ခံစားရပါတယ်။

ကဲ့ ဒီနေ့မှာတော့ Apples လက်တော့တွေအစား Windows တွေကိုပဲ အသုံးပြုချင်တဲ့ သူတွေအတွက်ကို ကျွန်တော်ရွေးချယ်စရာတစ်ခုကို တင်ပြလိုက်ရင်း။ ကျွန်တော့်ကို အားပေးတယ်။ ထပ်ပြီး တင်ဆက်မှာတွေကိုလည်း ဖတ်ချင်သေးတယ်ဆိုရင်တော့ Like and Share လေးလုပ်ပေးကြပါဦးလို့ . . . အားလုံးကို ကျေးဇူးတင်ပါတယ် . . . .

Read More

ဈေးနှုန်းသက်သာပြီး အရည်အသွေးလည်းကောင်း အသုံးပြုရ လျင်မြန်တဲ့ OnePlus 5

OnePlus 5 ဟာဆိုရင် အရည်အသွေးကောင်း အသုံးပြုရလည်းလျင်မြန်မှုရှိလှတဲ့ အပြင် ၁၈ နာရီကြာ အသုံးပြုနိုင်တဲ့ ဘတ္ထရီဟာလည်း ဆွဲဆောင်မှုရှိလှပါတယ်။ ဖုန်းရဲ့ ကင်မရာဟာဆိုရင်လည်း သိပ်ကောင်းတဲ့ Portraits ဓါတ်ပုံတွေအပြင် အလင်းရောင်နည်းချိန်မှာလည်း ပုံကောင်းကောင်းရိုက်နိုင်တာကိုတွေ့ရပါတယ်။

အရင်ထွက်ရှိထားခဲ့တဲ့ Phone မော်ဒယ်တွေထက်တော့ ဈေးနည်းနည်းပိုများသွားပြီးတော့ Storage ကိုလည်း ထပ်မံထည့်သုံးလို့မရတော့တာ တော့ နည်းနည်းစိတ်ပျက်စရာပါပဲ။

ဒါပေမယ့်လည်း One Plus 5 ဟာ နာမည်ကြီး flagship ဖုန်းတွေမှာ သာ ရရှိနိုင်တဲ့ Specifications တွေကို သက်သာတဲ့ ဈေးနှုန်းတဲ့ ဝယ်ယူအသုံးပြုနိုင်တဲ့ ဖုန်းတစ်လုံးဖြစ်ပါတယ်။ OnePlus ဆိုတဲ့ နာမည်ဟာ Samsung , Apple နှင့် Huawei တို့လို တကယ့် Brand ကြီးတွေကို မဟုတ်ပေမယ့်လည်း တစ်ယောက်နှင့် တစ်ယောက်ကြား ပါးစပ်ဖျားမှာတော့ ပြောမိကြတဲ့ Brand တစ်ခုဖြစ်ပါတယ်။

OnePlus5 ဖြင့် ရိုက်ထားသော ဓါတ်ပုံ

အခုဆိုရင် OnePlus 5 ဟာ အခြား FlagShip ဖုန်းတွေလိုပဲ Dual Lens ကင်မရာ ပါဝင်လာတာကိုတွေ့ရပြီးတော့ နောက်ဆုံးထွက် Snapdragon chipsets တွေအပြင် high-performance စွမ်းဆောင်ရည်မြင့် ဖုန်းတစ်လုံး လည်းဖြစ်ပါတယ်။

OnePlus 5 ဟာ သူ့ရဲ့ ဈေးနှုန်းဝန်းကျင်မှာဆိုရင် ထူးခြားပြီး ကောင်းမွန်တဲ့ ဖုန်းတစ်လုံးလည်းဖြစ်တဲ့အပြင်၊ လက်ရှိမှာဆိုရင် သူ့ဈေးနှုန်းဝန်းကျင်မှာ အခြား ယှဥ်ပြိုင်နိုင်တဲ့ ဖုန်းကို မရှိသေးဘူးလို့ ဆိုနိုင်ပါတယ်။

Gray (64GB/6GB RAM)	$ 479
Black (128GB/8GB RAM )	$ 539

Read More

Nvidia ရဲ့ စွမ်းဆောင်ရည်မြင့် GTX-1080 Graphic Card ကို အသုံးပြုထားတဲ့ Razer Blade Pro

Razer Blade Pro Gaming လက်တော့ဟာဆိုရင် Nvidia ရဲ့ ထိပ်ဆုံး တန်းဖြစ်တဲ့ GTX-1080 8 GB ကို အသုံးပြုထားပြီး ပါးလွှာမှုလည်း ရှိတဲ့ Gaming Laptop တစ်လုံးဖြစ်ပါတယ်။ တည်ဆောက်ထားတဲ့ Body ကိုယ်ထည်ဟာလည်း Premium ကျကျ စတိုင်ရှိလှပြီးတော့ Gamer တွေအကြိုက် Machinical Keyboard ကိုလည်း တစ်ပါတည်း ထည့်သွင်းတည်ဆောက်ထားတာဟာ အတော့်ကို စိတ်ကျေနပ်စရာကောင်းလှပါတယ်။ ဒါ့အပြင် 17.3 လက်မရှိပြီး 4K Resolution အပြည့် ရှိတဲ့ Display ဟာလည်း ကိုယ်တိုင် ဂိမ်းထဲကို နစ်မြောသွားအောင် ဖမ်းစားထားပါလိမ့်မယ်။
အမြင့်မားဆုံး စွမ်းဆောင်ရည်နှင့် နောက်ဆုံးပေါ်နည်းပညာတွေအသုံးပြုထားတဲ့ Razer Blade ကို ခန်းမှန်းခြေဈေးနှုန်း ဒေါ်လာ ၃၇၀၀ ဝန်းကျင် မှာ ရောင်းချမယ်လို့ သိရပါတယ်။ ဒီဈေးနှုန်းဝန်းကျင် အခြား Gaming Laptops တွေနှင့် ယှဥ်မယ်ဆိုရင် အခု Razer Blade Pro လို ပါးလွှာပြီး စွမ်းဆောင်ရည်မြင့်တဲ့ Laptop တစ်လုံးဟာ ဈေးနှုန်းနှင့် ထိုက်တန်တဲ့ Laptop တစ်လုံးဖြစ်ပါတယ်။ ဒါ့အပြင် Razer Blade Pro ကို Configuration တွေကို လျော့ချမယ်ဆိုရင်လည်း Storage ကလွဲလျင် အခြား ပြောင်းလဲခွင့်မရှိတဲ့အတွက် Low Budgets ဆိုရင်တော့ ရွေးချယ်စရာတစ်ခုမဟုတ်ပါဘူး။

နောက်ဆုံးပြောရင်တော့ Razer Blade Pro ဟာ High-End Graphic Card ကိုအသုံးပြုထားတဲ့ ပါးလွှာပြီး စွမ်းဆောင်ရည်မြင့် Gaming Laptop တစ်လုံးဖြစ်ပါတယ်။ နောက်ပြီး Professional သမားတွေစိတ်တိုင်းကျ အလုပ်လုပ်ပေးနိုင်မယ့် Laptop တစ်လုံးလည်းဖြစ်ပါတယ်။ တစ်ခုပဲ ပြောစရာရှိတာက Touch Pad နေရာ အထားအသိုဟာ ပုံမဟုတ်တော့ အလေ့အကျင့် ဖြစ်အောင် အချိန်ယူရပါလိမ့်မယ်။

Hardware	Specifications
Display size/resolution	17.3-inch 3,840x2,160 touchscreen
PC CPU	2.6GHz Intel Core i7-6700HQ
PC Memory	32GB DDR4 SDRAM 2,133MHz
Graphic	8GB Nvidia GeForce GTX 1080
Storage	512GB SSD
Optical drive	None
Networking	802.11ac wireless, Bluetooth 4.1, Gigabit Ethernet
Operating system	Windows 10 (64-bit)

Read More

Qualcomm ဖုန်းမှန်တွေအောက်မှာ Fingerprint တွေပါလာတော့မယ်

အခု ပြုလုပ်နေတဲ့ ရှန်ဟိုင်း နည်းပညာပြပွဲ ( Mobile World Congress 2017 ) မှာဆိုရင်တော့ Qualcomm က သူ့ရဲ့ ကိုယ်ပိုင် mobile display-screen အောက်က fingerprint-sensing technology ကို တရုတ် မိုဘိုင်းဖုန်းကုမ္ပဏီတစ်ခုဖြစ်တဲ့ Vivo နှင့်အတူ မိတ်ဆက်လိုက်ပါပြီ။

Vivo ဟာ အဆိုပါ Qualcomm ရဲ့ fingerprint-sensing technology ကို အသုံးပြုထားတဲ့ ဖုန်းတစ်မျိုးကို Concept Video အနေနှင့် စတင်မိတ်ဆက်ခဲ့တာဖြစ်ပါတယ်။

ဒီနည်းပညာဟာဆိုရင် piezoelectrics ကိုအသုံးပြုထားကာ ultrasonic waves တွေကို အပေါ်မှာရှိတဲ့ ဖုန်း display မှန်ကို ဖြတ်ပြီး ဖုန်းကိုထိလိုက်တဲ့ မိမိရဲ့ လက်ကိုဖတ်ပြီး အလုပ်လုပ်ပေးတာဖြစ်ပါတယ်။

Qualcomm ရဲ့ Press release အရ - ယခု fingerprint နည်းပညာဟာ နောက်လာမယ့် Qualcomm Snapdragon တွေအတွက် ပါဝင်ပြီးသား နည်းပညာတစ်ခုဖြစ်လာမယ်လို့ဆိုပါတယ်။ နောက်ပြီး Snapdragon Hardware မဟုတ်တဲ့ Chipsets တွေအတွက်လည်း Solution တစ်ခု ရှိပြီလို့လည်းဆိုပါတယ်။ fingerprint-sensing under glass နည်းပညာဟာဆိုရင် OLED Displays, ရိုးရိုးသာမန် မှန်တွေ နှင့် အလူမီနီယံ တွေကိုပါ ဖြတ်သန်းပြီး အလုပ်လုပ်ဆောင်နိုင်တယ်လို့လည်းသိရပါတယ်။ fingerprint-sensing under screen နည်းပညာကို ယခုလကနေ စပြီး မိုဘိုင်းထုတ်လုပ်တဲ့ ကုမ္ပဏီတွေအနေနှင့် စတင် အသုံးပြုနိုင်မယ့်လည်း သိရပါတယ်။ ဒါပေမယ့်လည်း ထုပ်လုပ်ရမယ့် နည်းပညာအဆင့်ဆင့်အရ sensor ပါဝင်တဲ့ display တွေကိုတော့ ယခုနှစ်ရဲ့ လေးလပတ် တွင်းမှာသာ ရရှိနိုင်မှာဖြစ်ပါတယ်။

ဒါဆိုရင်တော့ နောက်လာမယ့် ၂၀၁၈ မှာ fingerprint တွေအားလုံး မှန်အောက်ရောက်သွားတော့မယ်ဆိုတော့ ခလုတ်တွေအားလုံး ပျောက်သွားတော့မှာလား ???

Read More

Galaxy Note 7 FE ဆိုပြီး ပြန်လည်ရောင်းချတော့မယ့် Samsung

လာမယ့် သတင်းပတ်ထဲမှာ Samsung ဟာ သူ့ရဲ့ Note 7 တွေကို ပြန်လည်ရောင်ချတော့မှာဖြစ်ပါတယ်။ ဒီ့မတိုင်ခင်ကတော့ အမျိုးမျိုးသော ကောလဟာလ တွေ ကြားနေရတာ အားလုံးလည်း သိကြမှာပါ။

မကြာပြီ လာမယ့် အပတ်မှာ ဆိုရင်တော့ Galaxy Note 7 FE (Fandom Edition) ဆိုပြီးတော့ Note 7 ဖုန်းတွေကို ပြန်လည်ပြင်ဆင်ထားတဲ့ ဖုန်းတွေကို ရောင်းချတော့မယ်လို့ သိရပါတယ်။ ရက် အတိအကျ ပြောရရင်တော့ ဂျူလိုင် ၇ ရက်နေ့ မှာစတင်ရောင်းချတော့မှာဖြစ်ပါတယ်။ ဈေးနှုန်းအနေနှင့်ကတော့ 616$ အောက်နှင့်  ရောင်းချမယ်လို့ သိရပါတယ်။

ထူးခြားချက် တစ်ခုကတော့ ဘတ်ထရီ လျော့ချထားပြီး အနည်းငယ်ပြောင်းလဲထားတဲ့ အတွင်းပိုင်းထည့်သွင်းတည်ဆောက်မှုတွေရှိတယ်လို့ ကိုရီးယား သတင်း ဆိုဒ် Yonhap ရဲ့ သတင်းအရ သိရပါတယ်။ နောက်တစ်ခုကတော့ Galaxy Note 8 ကိုလည်း လာမယ့် သြဂုတ်လမှာ မြင်တွေ့ရဖွယ်ရှိတယ်လို့လည်း သိရပါတယ်။

Read More

တစ်ကိုယ်ရေသုံး Drone ဝယ်ဖို့စဥ်းစားနေရင် ( DJI Spark )

2017 ခုနှစ်အတွင်းမှာ DJI က သူ့ရဲ့ Drone မိသားစုထဲကို ထပ်မံရောက်ရှိလာတဲ့ မိသားစုအသစ် DJI Spark

DJI Spark ဟာဆိုရင် Mini  Drone အမျိုးအစား တစ်ခုဖြစ်ပြီးတော့ ဇွန်လ ၂၀၁၇ ကနေ စပြီး ဝယ်ယူရရှိနိုင်တဲ့ တစ်ကိုယ်ရေသုံး Drone အသေးတစ်မျိုးဖြစ်ပါတယ်။ အဓိကအားဖြင့် မြန်မြန်ဆန်ဆန် လေထဲကို ပျံတက်နိုင်ပြီးတော့ Selfies အလန်းစား တွေရိုက်နိုင်အောင် ဖန်တီးထားတဲ့ Drone တစ်ခု။ နောက်ပြီး သူ့ရဲ့ ကိုယ်ထည် ဘယ်လောက်တောင်သေးလည်းဆိုရင် Galaxy S8 တစ်လုံးစာ သာရှိပါတယ်။ ပြောရရင် သင့်လက်ထဲမှာ အသာလေး ကိုင်ထားလို့ရတဲ့ ပေါ့ပေါ့ပါးပါး Drone တစ်စီးပါ။

အားသာချက်
- လေထဲကို လျင်လျင်မြန်မြန် ပျံတက်နိုင်တယ်။
- အလွယ်တစ်ကူ ထိန်းချုပ်နိုင်တယ်။
- လက်ပြပြီး ထိန်းချုပ်နိုင်တဲ့ နည်းပညာပါဝင်တယ်။
- ၄၉၉ ဒေါ်လာ သာရှိတဲ့ ဈေးနှုန်းကလည်း သင့်တင့်တယ်လို့ ဆိုနိုင်ပါတယ်။

အားနည်းချက်
- Drone ဟာ သိပ်ကို သေးငယ်ပြီးတော့ အလေးချိန် သိပ်မရှိတော့ လေနည်းနည်းလေး ပြင်းရင်တော့ တည်ငြိမ်စွာ ပျံသန်းနိုင်မှုကို ထိခိုက်နိုင်တယ်။
- 1/2.3-inch သာရှိတဲ့ ကင်မရာ Sensor ဟာ အလင်းရောင်နည်းချိန်မှာ တော့ သိပ်ပြီး Performace ကောင်းနိုင်မှာမဟုတ်ပါဘူး။
- Video Resolution ကလည်း 1080P သာရှိပါတယ်။ တချို့ကလည်း ဒါဟာ ဈေးနှုန်းအရ သင့်တင့်တယ်လို့ ဆိုပါတယ်။
- ၁၆ အောင်စ ရှိ CocaCola ဗူးထက်ကို အနည်းလေး ကြီးပေမယ့်လည်း။ လေအနည်းငယ် ပြင်းနေချိန်မှာတော့ Drone ကို မပျံသန်းဖို့ အကြံပြုချင်ပါတယ်။

သင်ရော DJI Spark အပေါ် ကိုယ်ပိုင် အမြင်လေးတွေကိုလည်း Comments မှာ မျှဝေသွားကြပါဦး . . .

Read More

2018 မှာထွက်ရှိလာမယ်လို့ မျှော်လင့်ရတဲ့ Darksiders 3

Darksiders 1 ရဲ့ဗားရှင်းအသစ်ဖြစ်တဲ့ Darksiders: Warmastered Edition ကို လတ်တလောကမှ PC, PS4 နဲ့ Xbox One အစရှိတဲ့ platform အသီးသီးမှာ ဖြန့်ချိပေးခဲ့ပါတယ်။ Darksiders 1 အတွက် Warmastered Edition နဲ့ 2 အတွက်တော့ Deathinitive Edition ဆိုပြီး Edition နှစ်ခုထွက်ရှိထားပြီး နောက်ဆက်တွဲအခွေမထွက်လာပဲ အချိန် 5 နှစ်ကြာယူလာခဲ့တဲ့ THQ Nordic ဟာ လွန်ခဲ့တဲ့ရက်အနည်းငယ်ကမှ Darksiders 3 ထွေလာကို ပရိသတ်ရှေ့မှောက်ချပြခဲ့ပါတယ်။ ထွေလာစစချင်းမှာ Darksiders 1 ရဲ့အဓိကဇာတ်ကောင်၊ မြင်းစီးစစ်သည်တော် တစ်ယောက်လည်းဖြစ်တဲ့ War ကို Charred Council မှာချူပ်နှောင်ထားပါတယ်။ ထွေလာအရဆိုရင်တော့ တစ်ချိန်တည်းမှာပဲ Seven deadly sins ခုနှစ်ခုဟာ လွတ်မြောက်သွားတဲ့အတွက် အဲတာတွေအားလုံးကို မြင်းစီးစစ်သည်တော်လေးယောက်ထဲက နောက်ထပ်တစ်ယောက်ဖြစ်တဲ့ Fury ကတစ်ခုချင်းစီလိုက်ပြီး သုတ်သင်နှိမ်နင်းရမယ့် ဇာတ်အိမ်လို့သုံးသပ်နိုင်ပါတယ်။ ၂ မိနစ်စာထွေလာဖြစ်တာမို့ ဘယ်လောက်မှ များများစားစား မသိနိုင်ပေမယ့်သိရှိရတာတွေနဲ့ သေချာတဲ့ခန့်မှန်းချက်တစ်ချို့ကို ဒီမှာဖော်ပြပေးလိုက်ပါတယ်။

Darksiders 3 ရဲ့အဓိကဇာတ်ကောင် Fury

Darksiders 3 ရဲ့အဓိကဇာတ်ကောင်ကတော့ မြင်းစီးစစ်သည်တော်လေးဦးထဲက တစ်ဦးဖြစ်တဲ့ Fury (အမျက်ဒေါသ) ပဲဖြစ်ပါတယ်။ အဲဒီလေးဦးထဲက War (စစ်ပွဲ) နဲ့ Death (သေခြင်းတရား) တို့ဟာ ညီအစ်ကိုတွေဖြစ်ပြီး ပထမခွေနဲ့ ဒုတိယခွေရဲ့ အသီးသီး အဓိကဇာတ်ကောင်တွေလည်းဖြစ်ပါတယ်။ Darksiders 3 ရဲ့ထူးခြားချက်က အဓိကဇာတ်ကောင်ဟာ မြင်းစီးစစ်သည်လေးယောက်ထဲက တစ်ဦးထဲသော အမျိုးသမီးဖြစ်နေတာပါပဲ။ IGN ရဲ့ gameplay ဗီဒီယိုအရဆိုရင်တော့ Fury ဟာမှော်ကြာပွတ်ကို ကိုင်ဆောင်ပြီး အခြားထူးခြားတဲ့လက်နက်တွေနဲ့တိုက်ခိုက်လိမ့်မယ်လို့ ယူဆရပါတယ်။

ဂိမ်းရဲ့လျှို့ဝှက်တဲ့ နောက်ခံဇာတ်ကြောင်း

ထွေလာမှာကြားသိခဲ့ရတဲ့စကားတွေကနေဆိုရင်တော့ Darksiders 3 ဂိမ်းမှာ Fury နဲ့အဓိကရင်ဆိုင်ရမယ့်ရန်သူတွေဟာ Seven Deadly Sins နဲ့သူတို့ရဲ့လက်ပါးစေရန်သူတော်တွေဖြစ်တယ်လို့ သိနို်င်ပါတယ်။ မတူညီတဲ့ပြစ်ချက်ကြီးခုနှစ်မျိုးနဲ့ ရင်ဆိုင်ရမှာဖြစ်တဲ့အတွက် ပြစ်ချက်တစ်မျိုးချင်းစီမှာ ကွဲပြားခြားနားတဲ့သွင်ပြင်၊ လက္ခဏာနဲ့ စွမ်းရည်တွေရှိလိမ့်မယ်လို့ ကောက်ချက်ချနိုင်ပါတယ်။ ပြစ်ချက်တစ်မျိုးဆီမှာ သူတို့ရဲ့ပိုင်နက်ကိုယ်စီ အသီးသီးရှိကြပြီး အဲဒါတွေကိုလိုက်လို့ ကိုယ်သွားရတဲ့ပတ်ဝန်းကျင်၊ သဘာဝဟာလည်း ပြောင်းလဲသွားမှာပါ။

ဇာတ်ကောင်စွမ်းရည်နဲ့ ဆော့ရမယ့်ဂိမ်းပုံစံ

Darsiders 3 ရဲ့ဇာတ်ကောင် Fury အသုံးပြုမယ့် လက်ရွေးစင်လက်နက်တွေထဲမှာ အနီရောင်ရှိတဲ့မှော်ကြာပွတ်လက်နက်နဲ့ ဂိမ်းတစ်လျှောက်ရရှိမယ့်ထူးခြားတဲ့စွမ်းရည်တွေအပြင် စကြာနဲ့ ဓါးကိုပါ ကိုင်ဆောင်တိုက်ခိုက်လိမ့်မယ်လို့ ခန့်မှန်းရပါတယ်။ တွေ့ရှိတဲ့ concept art အရဆိုရင် Fury ရဲ့လက်နက်တွေထဲမှာ သူ့အရပ်တစ်မျှကြီးမားတဲ့ တူလက်နက်ပါ ပါဝင်နိုင်ပါတယ်။ Darksiders 3 ဟာ သူ့ရဲ့ရှိရင်းစွဲဂိမ်းပုံစံကို ကျောရိုးခံပြီးပြင်ဆင်ပြောင်းလဲမှု အနည်းငယ်လုပ်ထားပါတယ်။ Open World ဂိမ်းပုံစံနဲ့ ရင်ခုန်စရာကောင်းတဲ့ဇာတ်ကြောင်းအပေါ်မှာ မတူကွဲပြားတဲ့ကမ္ဘာအသီးသီးနဲ့ လျှို့ဝှက်နယ်မြေတွေ၊ မြေအောက်ခန်းတွေထဲကခေါင်းစားစေမယ့် ပဟေဠိပေါင်းစုံနဲ့ ရှားပါးသေတ္တာပုံးတွေ၊ တိုက်ကွက်ပေါင်းစုံနဲ့စိတ်ဝင်စားဖို့ကောင်းတဲ့ရန်သူတွေကို တစ်စုတစည်းတည်း ပေါင်းစည်းထားတဲ့ Darksiders 3 ကိုဂိမ်မာတွေက နဂိုအရသာမပျက် အားပါးတရဆော့ကြရမှာပါ။ ဒီတော့ မျှော်မှန်းချက်ပေါင်းများစွာနဲ့ နောက်နှစ်မှာထွက်မယ်လို့ သတင်းရထားတဲ့ Darsikders 3 ရဲ့ထွေလာနဲ့ gameplay ဗီဒီယိုကိုကြည့်ပြီး အပီဆော့ဖို့ စိုင်းပြင်းနေလိုက်ကြပါဦးလို့ ဒီကနေ တိုက်တွန်းလိုက်ချင်ပါတယ်။

Darksiders 3

Yan (11.5.2017) Ref: trustedreviews

Read More