၇ ရက်နေ့မှာ ဆုံမယ်ဆိုတဲ့ Apple

တနေ့က အခုလို Apple က ကြေငြာလိုက်တယ်ဆိုရင်ပဲ ချက်ချင်းဆိုသလို ဘလော့မှာတင်ပြီး ရေးလိုက်ချင်တာ ခက်တာက အလုပ်ကလည်း မပြီးမပျက်ဆိုတော့ အတော်လေး စိတ်ရှုပ်နေတဲ့အချိန်မို့ပါ။ အခုတော့ ကျနော်ရေးချင်တာပြောချင်တာတွေရေးလိုက်ဦးမယ်ဗျာ။

အခုဆိုရင် အားလုံးသိပြီးသွားတဲ့အတိုင်း လာမယ့် စက်တင်ဘာ ၇ ရက်နေ့မှာ Apple ရဲ့ ပုံမှန် Flow အတိုင်း လုပ်နေကျ ပွဲလေးတစ်ခုကို ရှုမြင်ခံစားရတော့မှာဖြစ်ပါတယ်။ ဒီကြားထဲ ထွက်ထားတဲ့ ကောလ ဟာလတွေအတိုင်း iPhone 7 နှင့် Apple Watch ရဲ့မျိုးဆက်သစ် တစ်ခုကို မိတ်ဆက်လိမ့်မယ်လို့ အတော်များများကတော့ သေချာသလောက် ထင်ကြေးပေးနေကြပြီး။ သိပ်မကြာခင်ကထွက်ရှိခဲ့တဲ့ Macbook Pro ကို မျိုးဆက်သစ်ထပ်ပြီးထွက်လိမ့်မယ်ဆိုတဲ့ ကောလ ဟာလ ကိုလည်း ကျနော်အနေနဲ့တော့ မျှော်လင့်နေတုံးပါပဲ။

လက်ရှိအချိန်ထိတော့ အားလုံးက အခုပွဲလေးမှာ iPhone 7 နှင့် Apple Watch ကို မြင်တွေ့ရဖို့ကို စိတ်အားထက်သန်နေကြတာကိုတွေ့ရပါတယ်။ iPhone 7 မှာ အားလုံးသုံးနေတဲ့ Head Phone Jack ကို ဖြုတ်ပစ်ပြီး Lightning တစ်ပေါက်တည်းကိုပဲ သုံးမယ်ဆိုတဲ့ သတင်းကလည်း အားလုံးစိတ်ဝင်စားမယ့် အပိုင်ဖြစ်လိမ့်မယ်လို့ထင်ပါတယ်။ ကျွန်တော်စိတ်ဝင်စားတာကတော့ တကယ်ပဲ Headphone Jack ကို ဖြုတ်ပစ်မယ်ဆိုခဲ့ရင် Apple က သူ့ရဲ့ သုံးစွဲသူတွေကို ဘာကြောင့်ဖြုတ်ရတယ်ဆိုတဲ့ အကြောင်းကို ဘယ်လိုပြောပြီး ဆက်လက် ဆွဲဆောင်ထားနိုင်မလည်းဆိုတာပါ။ နောက်ပြီး ကင်မရာက နှစ်လုံးပါလာမယ်ဆိုတာရယ်နှင့် ရေစိုလည်း ခံလိမ့်မယ်ဆိုတဲ့ အချက်တွေကတော့ သိပ်ပြီး ထူးခြားတယ်လို့ အခုချိန်မှာ ပြောလို့မရတော့ပါဘူး။ အားလုံးသိတဲ့အတိုင်း ကင်မရာ ၂ လုံးသုံးတယ်ဆိုတဲ့ ဖုန်းတွေကလည်း လတ်တလောလေးတင်မှ ပူပူနွေးနွေး အပြိုင်အဆိုင်လည်း ထုတ်ထားကြတာဆိုတော့ . . . တကယ်ဖြစ်နိုင်လို့ ထင်ပါတယ်။

Apple Watch ဘက်ကို လှည့်ပြန်ရင်လည်း မိတ်ဆက်ခဲ့တဲ့အချိန်ကနေ အခုထိဆိုရင် တစ်နှစ်နှင့် တစ်ဝက် ကျိုးနေ ခဲ့ပြီဖြစ်ပါတယ်။ အခုချိန်ကတော့ Apple အတွက် Watch ကို မျိုးဆက်သစ်မိတ်ဆက်ဖို့ရာ အဆင်သင့်ဖြစ်နေပြီလို့ ထင်ပါတယ်။ ပိုမိုမြန်ဆန်မယ့် အတွင်းပိုင်း ပစ္စည်းတွေနှင့် GPS ကိုပါ ထောက်ပံ့လာပြီး ဒီဇိုင်းပိုင်းအရတော့ ပိုပြီး ပါးလာမယ်လို့ သတင်းတွေရပြီး အစောပိုင်း သတင်းရင်းမြစ်တွေအရတော့ ကင်မရာပါလာလိမ့်မယ်လို့ ဆိုပါတယ်။ Apple ကတော့ Messaging အတွက် Watch ကို အဓိကထားပြင်ဆင်ဖြစ်လိမ့်မယ်လို့ ထင်တယ်ဗျ။

ကျနော်ထင်ကြေးတွေ ဒီလောက်နှင့်ပဲ ရပ်ပြီးတော့ လာမယ့် ၇ ရက်နေ့ ဗုဒ္ဓဟူး မြန်မာနိုင်ငံစံတော်ချိန် ည ၁၁ နာရီ ၃၀ ကနေ ကြာဿပဒေးနေ့ မနက် ၁ နာရီခွဲ အထိ ပြုလုပ်မယ့် Apple ရဲ့ Keynote Speech လေးကို အားလုံးပဲ စောင့်မျှော်ကြည့်လိုက်ရအောင်ဗျာ။

t-POP

Read More

Macbook Pro နှင့် Sleep/Wake Failure ပြဿနာ

ပြဿနာရဲ့ အစရင်းမြစ်ကို ကျနော်ကိုယ်တိုင်လည်း ရေရေရာမသိပေမယ့် Sleep/Wake Failure ဖြစ်တဲ့အခါမှာ Macbook ဟာ အလိုလျောက်ပိတ်ပြီး ပြန်ပွင့်လာတတ်ပါတယ်။ ကျနော် အခုလက်ရှိအချိန်ထိ Online ပေါ်တွေမှာလိုက်ပြီး ရှာကြည့်တဲ့အခါမှာလည်း သေချာရေရာတဲ့ အဖြေကိုအတိအကျ မတွေ့ရပေမယ့် အခုလို Sleep/Wake Failure ဖြစ်ရတာဟာ Driver နှင့်ပတ်သတ်တဲ့ ပြီး ဖြစ်နိုင်တယ်ဆိုတာကိုတွေ့ရပါတယ်။ နောက်ပြီး ကွန်ပျူတာကို ပါဝါဖွင့်ထားလျက်နှင့် အချိန်အကြာကြီးပစ်ထားလိုက်တဲ့အခါမျိုးမှာဆိုရင် ကွန်ပျူတာဟာ အလိုလို ပိတ်သွားတာ နောက်ပြီး အလိုလို Restart ဖြစ်သွားတာကို တွေ့ရပါတယ်။ နောက်ပြီး USB Device တွေဖြစ်တဲ့ External HDD တွေနှင့် External CD/DVD Drive တွေကို ချိတ်ထားလျက်နှင့် ကွန်ပျူတာကို ပစ်ထားမိတဲ့အချိန်မျိုးမှာလည်းဖြစ်တတ်ပါတယ် အခြေအနေအတော်များများကျွန်တော်ကိုယ်တိုင်လည်းကြုံဖူးတာများတာကတော့ HDD ကိုချိန်ထားလျက်နှင့် ပါဝါလည်းပေးထားပြီး ကွန်ပျူတာက Sleep ဖြစ်သွားတဲ့အခြအနေမျိုးတွေမှာ အဖြစ်များပါတယ်။ ဒါကြောင့် အခုလို ပြဿနာကို လောလောလတ်လတ် ဖြေရှင်းချင်တယ်ဆိုရင်တော့ အောက်က နည်းလမ်းတွေကို သင်ကြိုးစားကြည့်စေချင်ပါတယ်။

ဘယ်လိုပဲ ဖြစ်ဖြစ် အခုပြောမယ့်နည်းလမ်းအရတော့ ပါဝါတော့ ပိုစားမှာဖြစ်ပြီး ကွန်ပျူတာ idle ဖြစ်ချိန်ကိုလျော့ကျသွားစေမှာဖြစ်ပါတယ်။

• go to System Preferences -> Energy Saver -> Power Adapter tab.
• ဒီဘောက်စ်မှာ အမှန်ခြစ်ပေးပါ "Prevent computer from sleeping automatically when the display is off"
• ဒီဘောက်စ်ကိုဖြုတ်ပေးပါ "Wake for network access" နှင့် "Enable Power Nap while plugged into a power adapter" (ကျနော်ကိုယ်တိုင်လည်း Power Nap ကို Disabled လုပ်ထားပါတယ်။ ဒါပေမယ့် လိုအပ်လားမလိုအပ်ဖူးလားတော့ ကျနော်ကိုယ်တိုင်းလည်း သေချာမသိဘူးဗျ။ 😁 )

တချို့တွေကျတော့လည်း အချို့ချို့သော USB Devices တွေကို သုံးတဲ့အခါမှာဖြစ်လေ့ရှိပါတယ်။ တစ်ခါတစ်လေကျရင်လည်း Bluetooth ကြောင့်ဖြစ်တတ်ပါတယ်။ အခုထိတော့ ကျနော်ကိုယ်တိုင် ကြုံဖူးတဲ့ ၄-၅ ကြိမ်လောက်မှာတော့ ဘာကြောင့်ဖြစ်လည်းဆိုတာကို ကိုယ်ကိုတိုင်လည်း မပြောတတ်သေးတာ။

currently : MBP Early 2015

Read More

ဘာကြောင့်သင် iPhone ကို Update ပြုလုပ်သင့်ပါသလဲ

iPhone သုံးသူများ Update များကို ရလျင် ရချင်း Update ပြုလုပ်ဖို့ လိုအပ်ပါသည်။ Update ပြုလုပ်ခြင်းအားဖြင့် ဖုန်းကိုသုံးစွဲရတာလည်း ပိုမိုအဆင်ပြေချောမွေ့စေမှာပါ။

ယနေ့ သောကြာနေ့ အစောပိုင်း ၂ နာရီဝင်းကျင်လောက် Apple မှ အရေးကြီးဆုံး Security Update တစ်ခုကို ထုတ်ခဲ့ပါသည်။ အဆိုပါ Update မှာဆိုရင် လက်ရှိ တိုက်ခိုက်နေသော Malware ကြောင့်ဖြစ်သည့်တဖတ် တိုက်ခိုက်သူမှ text များနှင့် email များကို ဖတ်နိုင်ခြင်း၊ ဖုန်းခေါ်ဆိုမှုမှတ်တမ်းများကို record လုပ်ဆောင်နိုင်ခြင်း၊ တည်နေရာအား သိရှိနိုင်ခြင်းအပြင် မိမိ၏ ဖုန်း ကင်မရာနှင့် microphone များကိုပါ လက်ခံအသုံးပြုနိုင်ခြင်းတို့ကို ကာကွယ်ပေးနိုင်မည့် Update ဖြစ်ပါသည်။

ဒီ Spy Ware ကိုတော့ NSO Group ပိုင် Israel အခြေစိုက် Cyber War ကုမ္ပဏီမှ ပြုလုပ်ခဲ့တာဖြစ်ပါတယ်။ ယခု Spy Ware ကိုတော့ Ahmed Mansoor ဆိုသူ လူ့အခွင့်အရေးထိန်းသိမ်းကာကွယ်ရေးပြုလုပ်နေတဲ့ ဆီသို့ တိုက်ခိုက်သူမှ ပို့ခဲ့တာဖြစ်ပြီး။ မသင်္ကာသည့်အတွက် Citizen Lab မှတစ်ဆင့် Apple မှ သိရှိခဲ့ပြီး ယခု Update ကို ပြုလုပ်ပေးခဲ့တာဖြစ်ပါတယ်။

Read More

ဘယ်လို သတင်းအချက်အလက်တွေကို နှစ်သက်သလဲ

Read More

Instant Hotspot ဆိုတာ

Instant Hotspot ဆိုတာ Personal Hotspot လိုပါပဲ ဒါပေမယ့် နည်းနည်းတော့ထူးခြားပါတယ်။ သင်ဟာ ဘာ Hotspot Configuration တစ်ခုမှလုပ်စရာမလိုအပ်ပဲ လုံခြုံစိတ်ချစွာ သုံးစွဲနိုင်ပါတယ်။ iOS 8 ကနေစတင် ပါဝင်လာတဲ့ Feature ဖြစ်ပါတယ်။

Instant Hotspot ကို အသုံးပြုဖို့ရာလည်းအလွန်လွယ်ကူရိုးရှင်းပါတယ်။ အကယ်၍ သင်ဟာ မိမိ ဖုန်းကနေ Personal Hotspots ကို လွှင့်သုံးဖူးတယ်ဆိုရင်တော့ Instant Hotspot ဘယ်လိုအလုပ်လုပ်သလဲဆိုတာ သင် သိပြီးသားဖြစ်မှာပါ။ မသိသေးသူများအတွက်ကိုတော့ ဘယ်လိုအသုံးပြုရမလည်းဆိုတာကို ပြောပြချင်ပါတယ်။

Bluetooth နှင့် Wifi ကို ဖွင့်ထားပါ

Bluetooth ကိုတစ်ဆင့်ခံပြီး မိမိဖုန်းနှင့် ကွန်ပျူတာ အကွာအဝေးကိုသိရှိနိုင်ကာ ကွန်ပျူတာမှတစ်ဆင့် Instant Hotspot ကို တိုက်ရိုက်ချိတ်ဆက်အသုံးပြုနိုင်ပါတယ်။ ဒီတော့ သင့်ဖုန်းက အနီးနားမှာသာရှိခဲ့မယ်ဆိုရင် သင်ဟာ ဖုန်းကို ဘာမှလုပ်နေစရာမလိုပဲ မိမိ Mac ကနေ ဖုန်းမှ internet ကို instant hotspot ဖြင့် အသုံးပြုနိုင်မှာဖြစ်ပါတယ်။

Apple ID အကောင့်တစ်ခုတည်းကို ဝင်ထားရပါမယ်။

ဖုန်း၊ သို့မဟုတ် သင်၏ Mac ကွန်ပျူတာများနှင့် iPad များပေါ်တွင် Apple ID အကောင့်တစ်ခုတည်းကိုသာ ဝင်ရောက်ထားရမှာဖြစ်ပါတယ်။ ဒါမှ မိမိရဲ့ ဖုန်းမှာ Celluler Data ဖွင့်ထားတဲ့အခါမှာ Mac မှတစ်ဆင့် Instant Hotspot ကို ချိတ်ဆက်အသုံးပြုနိုင်မှာပါ။

အရေးကြီးဆုံးအချက် - သင်သုံးစွဲနေတဲ့ Telecom Service Provider ဟာ Hotspot အသုံးပြုခွင့်ပေးထားမှ သုံးလို့ရမှာပါ။

အားနည်းချက်အနေနှင့် Instant Hotspot ကိုသုံးစွဲတာဟာ သာမန် Hotspot လွင့်သုံးတာထက် Battery တော့ပိုစားပါတယ်။ အားသာချက်အနေနှင့်ကတော့ သင်ဟာ Personal Hotspot ကိုသုံးနေတာဖြစ်တဲ့အတွက် Privacy ပိုကောင်းပါတယ်။ လုံခြုံစိတ်ချမှု ပိုရှိပါတယ်။

(တစ်ခါတစ်ရံ Instant Hotspot သုံးမရဖြစ်တဲ့အခါမှာ အလွယ်ကူဆုံးနည်းလမ်းအနေနှင့် သင့်ရဲ့ ဖုန်းက Network Setting ကို Reset လုပ်ပေးခြင်းအားဖြင့် ပြန်လည်အသုံးပြုနိုင်ပါလိမ့်မယ်။)

Read More

iPhone 6s / 6s Plus တွေတစ်လုံးနှင့် တစ်လုံးမတူပါဘူး

iPhone 6s တွေတစ်လုံးနှင့်တစ်လုံး မတူကြပါဘူး ဒီလိုပြောလိုက်ရင်ထူးဆန်းသား ဘာတုံးဆိုပြီးတာ့စဥ်စားကြမှာပဲ။ မတူတာက အတွင်းပိုင်းက အရေးကြီးဓိကအစိတ်အပိုင်းတစ်ခုဖြစ်တဲ့ processor ပါ။ သင့်လက်ထဲမှာကိုင်ထားတဲ့ iPhone 6s က တချို့သူငယ်ချင်းတွေထက်ပိုပြီး Battery စားနေသလား ? ဒါဆိုရင်တော့ Samsung ထုတ် A9 chip ကိုသုံးထားတဲ့ ဖုန်းများဖြစ်နေသလားဆိုတာ စစ်ဆေးကြည့်ဖို့လိုအပ်နေပါပြီ။ Apple ဟာ 6s ကို ထုတ်တဲ့အချိန်က Chip တွေထုတ်တာကို ၂ နေရာခွဲပြီး အော်ဒါလုပ်ခဲ့ပါတယ်။ တစ်ခုက Samsung ရယ် နောက်တစ်ခုကတော့ ထိုင်ဝမ်အခြေဆိုက် ကုမ္ပဏီဖြစ်တဲ့ TSMC (Taiwan Semiconductor Manufacturing Company) ဖြစ်ပါတယ်။

TSMC ကုမ္ပဏီက ထုတ်တဲ့ 14-နာနိုမီတာ ရှိတဲ့ A9 chip ဟာ Samsung ရဲ့ 12-နာနိုမီတာသာ ရှိတဲ့ A9 chip ထက် ပိုကြီးပေမယ့် သင့်မှာရှိတဲ့ iPhone 6s ဟာ TSMC ထုတ် A9 chip ကို သုံးထားခဲ့မယ်ဆိုရင် Samsung A9 Chip ကိုသုံးထားတဲ့ iPhons 6s ထက် ၂ နာရီကြီးများတောင် Battery က ပိုပြီးအသုံးခံပါလိမ့်မယ်။

iPhone 6s ဖုန်းတစ်လုံးကို online ဒါမှမဟုတ် ဆိုင်တစ်ဆိုင် ဆိုင်ကနေ ဝယ်မယ်ဆိုရင်တော့ ပါကင်အလုံပိတ်ဖြစ်တဲ့အတွက် ဘယ်လို Chip အမျိုးအစားကိုသုံးထားသလဲဆိုတာကိုတော့ သိနိုင်မှာမဟုတ်ပါဘူး။ ဒါပေမယ့်လည်း သင်လက်ရှိကိုင်ထားတဲ့ဖုန်းကိုတော့ Apps အချို့ရဲ့ အကူအညီနှင့် စစ်ကြည့်လို့ရပါတယ်။

Lirum Device Info Lite ကိုသုံးပြီး စစ်ဆေးခြင်း

Free ရယူနိုင်ပြီး ဖုန်းထဲမှာ အလွယ်တကူ install လုပ်ကာ စစ်ဆေးနိုင်ပါတယ်။ ဘယ်လိုလုပ်ရမလည်းဆိုတဲ့ အဆင့်အလိုက် ဖော်ပြလိုက်ပါတယ်။

1) App ကို Download လုပ်ပြီးတော့ ဖွင့်လိုက်ပါ
2) Main Page ထဲက model ဆိုတဲ့အထဲမှာကြည့်ပါ။
3) အကယ်၍ model က N66AP ဒါမှမဟုတ် N71AP ဆိုရင်တော့ စိတ်မကောင်းစွာပဲ သင့်ရဲ့ဖုန်းဟာ Samsung Chip ကိုသုံးထားတယ်ဆိုတဲ့အဓိပ္ပါယ်ပါ။ N66MAP နှင့် N71MAP ဆိုရင်တော့ TSMC ကထုတ်တဲ့ Chip ကိုသုံးထားတဲ့ဖုန်းဖြစ်ပါတယ်။

အကြိမ်ကြိမ်ပြန်စစ်လည်း ရလဒ်ကတော့ အတူတူပဲ ထွက်မှာပါ။ အဓိက ကတော့ ၂ နာရီ ဆိုတဲ့ အချိန်အကန့်အသတ် ကွာခြားချက်ပဲဖြစ်ပါတယ်။ အခုလက်ရှိ အထက်ကပုံမှာမြင်တွေ့ရတဲ့ ဖုန်းနှစ်လုံးဟာ ဆိုရင် settings တွေလဲအတူတူပဲဖြစ်ပါတယ်။ iPhons 6s ဖုန်းအသစ်တွေမှာ စမ်းမယ်ဆိုရင်လည်း အခုလို တူညီတဲ့ ရလဒ်ကိုပဲ တွေ့ရမှာပါ။

အစောပိုင်း တိုင်းတာချက်တွေအရတော့ ၇၀ ရာခို်င်နှုန်းသော iPhone 6s Plus တွေဟာ TSMC processor ကိုသုံးထားတာတွေ့ရပြီး iPhone 6s  မှာတော့ ၄၀ ရာခိုင်နှုန်းသာ TSMC A9 ကိုသုံးစွဲထားတာတွေ့ရပါတယ်။ Apple ရဲ့ website မှာဖော်ပြချက်တွေအရတော့ iPhone 6s သုံးစွဲသူတိုင်းဟာ 3G Network မှာဆိုရင်  ၁၄ နာရီကြာ ဖုန်းပြောနိုင်မှာဖြစ်ပြီး Video ကို ၁၁ နာရီကြာ ဆက်တိုက်ကြည့်နိုင်မယ်လို့ ဆိုပါတယ်။ ဒါပေမယ့်လည်း အတိအကျဆိုရင်တော့ သုံးထားတဲ့ processor ပေါ်မှာမူတည်ပြီး ကွာပါလိမ့်မယ်။

iMazing ကိုသုံးပြီးစစ်ဆေးခြင်း

သင့်မှာသာ Mac တစ်လုံးရှိခဲ့မယ်ဆိုရင်တော့ iMazing ကိုသုံးပြီး စစ်ဆေးနိုင်ပါသေးတယ်။

Read More

MacBook ဝယ်မှာလား

လူတွေကြားတဲ့ရေပန်းစားပြီး ရွေးချယ်ရခက်တဲ့ MacBooks တွေကို ဘယ်လိုရွေးချယ်ရမလည်းဆိုတာ အားလုံးသိချင်ကြမှာပါ။ လက်ရှိအချိန်ထိတော့ MacBooks တွေထက် ပိုပါးပြီး ပေါ့ပါးမှုနှင့် သုံးစွဲရတဲ့ စွမ်းဆောင်ရည်လည်းမြင့်မားမယ့် Mi Notebooks Airs တွေကတော့ လက်ရှိရေပန်းစားနေမှာသေချာပါတယ်။ ဒါ့ထက်ကို အခုဒီပို့စ်လေးမှာတော့ ဘယ် Macbooks တွေက သင်နှင့်သင့်တော်မလည်းဆိုတာလေးဆုံးဖြတ်လို့ရအောင် ကျနော် ပြောချင်ပါတယ်။

တမူထူးခြားတဲ့ Aluminium ကိုယ်ထည်နှင့် တည်ဆောက်ထားပြီး တောက်ပတဲ့ AppleLogos တွေဟာ အခြား ကွန်ပျူတာတွေနှင့်မတူစေတဲ့ ထူးခြားမှုတစ်ခုပါ။ MacBooks တွေဟာ အားလုံးမြင်နေရတဲ့အတိုင်း နေရာတိုင်းသယ်ဆောင်ရလွယ်ကူပေါ့ပါးပြီး ကော်ဖီဆိုင်မှာပဲထိုင်ပြီး လုပ်စရာရှိတာလုပ်မလား၊ လေဆိပ်တွေနှင့် ကျောင်းကောလိပ်တွေအထိ လူတိုင်းစွဲစွဲမက်မက်သုံးစွဲနေကြတဲ့ စွမ်းဆောင်ရည်မြင့် Portable Computing Devices တွေဆိုတာသိကြပါတယ်။

ဒါပေမယ့်လည်း လက်ရှိအချိန်မှာ ပြန်ကြည့်မယ်ဆိုရင် MacBooks တွေဟာ တိုးတက်မှုမှာနှေးကွေးနေပြီး အခြားသော ထုတ်ကုန်တွေမှာတော့ လျင်မြန်တဲ့ တိုးတက်ပြောင်းလဲမှုတွေတသီကြီးဖြစ်နေပါပြီ။ လက်ရှိ ထုတ်လုပ်နေတဲ့ MacBooks တွေကိုကြည့်မယ်ဆိုရင်တောင် အခြားပြိုင်ဘက်တွေထက် နှေးကွေးနေတယ်ဆိုတာ သိသာနေပါတယ်။ ၂၀၁၂ ထဲက ရှိနေခဲ့တဲ့ သာမန် MacBook Pro 13 လက်မဟာဆိုရင်လည်း အခုချိန်ထိ ဝယ်လို့ရနေပါသေးတယ်။ 

ကောင်းဘက်က ကြည့်မယ်ဆိုပြန်ရင်လည်း ဒီကွန်ပျူတာဟာ အခုချိန်ထိ ခေတ်မှီနေသေးတယ်လို့ဆိုရမလား။ဒါပေမယ့် ဒီဇိုင်းပိုင်းတည်ဆောက်ပုံတွေမှာလည်း တိုးတက်ပြောင်းလဲမှု မှာလည်း နှေးကွေးနေသေးတာပါပဲ။ နောက်ဆုံးအကြိမ် မိတ်ဆက်ခဲ့တဲ့ ၁၂ လက်မ Macbook တောင်မှ အခုဆို တစ်နှစ်တင်းတင်းကျော်နေပါပြီ။ Apple ရဲ့ အဓိက Product Line တွေဖြစ်တဲ့ Macbook Air နှင့် Macbook Pro မှာဆိုရင် အတွင်းပိုင်း ကလီစာတွေကလွဲရင် ဘာမှ မထူးခြားပါဘူး ( intel chips တွေမြင့်လာတယ်၊ ပိုမိုမြန်ဆန်တဲ့ Wi-Fi hardware တွေသုံးလာတယ်၊ နောက်ပြီး Memory တွေပိုကောင်းလာတယ် စသဖြင့်ပေါ့။ ) ဒီနှစ်ထဲမှာ တော့ ၁၂ လက်မ Macbook ကို မနှစ်ကထက် အနည်းငယ် ဆန်းသစ်ပြီး ပိုမိုလျင်မြန်တဲ့ chip ကိုသုံးပြီး တခြားတော့ဘာမှ ပြောင်းလဲတာမတွေ့ရပဲ Rose Gold အရောင်တဲ့ ဝယ်ယူနိုင်ပါတယ်။

အကယ်၍ သင်ဟာ နောက်ဆုံးပေါ် အကောင်းဆုံးဆိုတဲ့ System Specs တွေနှင့် အသစ်အသစ်တွေကို မှ ကြိုက်တတ်တယ်ဆိုရင်တော့ စဥ်းစားစရာပါ။ နည်းပညာအသစ်တွေ ဖြစ်တဲ့ Intel ရဲ့ နောက်ဆုံးပေါ် Core i-Series တွေ USB-C ports အပြင် OLED Displays တွေနှင့် PCIe Solid-state drives တွေ ပိုမိုစွမ်းဆောင်ရည်မြင့်လာပြီး နောက်ဆုံးပေါ်ဂိမ်းတွေကို ရုပ်ထွက်ကောင်းကောင်းနှင့် ဆော့ကစားနိုင်မယ့် Graphic Chips တွေဟာဆိုရင် အခြားလက်တော့ တွေ ထုတ်လုပ်နေကြတဲ့ Dell, Lenovo, HP, Samsung နှင့် အခြား ထုတ်လုပ်သူတွေဟာ တစ်စထက်တစ်စ ထုတ်ပြနေကြပါတယ်။ macbook သုံးစွဲသူတွေအတွက်ကတော့ အခုလို ဆန်းသစ်တဲ့ innovations တွေနောက်မှာ နောက်ကောက်ကျနေကြပါတယ်။

MacBook Pro

လက်ရှိရေပန်းစားနေတဲ့ ကောလဟာလတွေအရတော့ ၂၀၁၆ နှောင်းပိုင်းမှာ Macbook Pro အသစ်ထွက်ဖို့ရှိနေတယ်ဆိုတာပါ။ ပိုမို ပါးလာမယ့် ကိုယ်ထည်နှင့် Systems အသစ်တွေအပြင် လက်ရှိသုံးနေတဲ့ Function Key တွေကို အစားထိုးမယ့် OLED Touch Strip တွေအပြင် Fingerprint reader (လက်ဗွေဖတ်စနစ်) တွေပါလာလိမ့်မယ်လို့ ဆိုနေကြပါတယ်။အသစ်ဖြစ်တဲ့ AMD Graphic chip ကတော့ ရွေးချယ်စရာအနေနှင့် မြင်တွေ့ရလိမ့်မယ်လို့ ဆိုပါတယ်။ ဒီကောလဟာလတွေကတော့ ကြားနေရတာ လတွေတောင် ကြာညောင်းလှပါပြီ။​ သေချာနိုင်တာတစ်ချက်က ဒီနှစ်နှောင်းပိုင်းမှာတော့ MacBook Pro ကို update လုပ်လိမ့်မယ်လို့ BloomBerg က Mark Gurman ကအတိအကျကို ဆိုထားပါတယ်။

MacBook Pro အတွက်တော့ ဒါဟာ မေလ ၂၀၁၅ နောက်ပိုင်း ပထမဦးဆုံး ဆန်းသစ်မယ့် အချိန်ဖြစ်ပါတယ်။ ဒါပေမယ့်လည်း တကယ်တမ်း ကျတော့ လက်ရှိ Retina MacBook Pro 13 လက်မ ဟာ လေးနှစ်ကျော်နီးပါး နောက်ကျနေတာဖြစ်ပါတယ်။ CPU နှင့် အခြားသော အသေးအဖွဲပြင်ဆင်မှုနှင့် ports တွေ ပြောင်းလဲလာတာကလွဲရင် လက်ရှိသင်ဟာ MacBook Pro ကို ဝယ်မယ်ဆိုရင်တော့ ၂၀၁၂ လောက်က မဝယ်ဖြစ်တဲ့ MacBook Pro ကို ဝယ်တာနှင့် မကွာပါဘူး။

ဆိုလိုချင်တာက Macbook Pro ကို ဝယ်ဖို့ သင်ဆုံးဖြတ်ထားတယ်ဆိုရင် အချိန်လေးပေးပြီးစောင့်ပါဦးလို့ပြောချင်ပါတယ်။ Gurman နှင့် အခြားသော ကောလဟာလတွေအရ စက်တင်ဘာလ iPhone 7 ပွဲမှာ တော့ MacBook အသစ်ကို မြင်တွေ့ရဖို့ နည်းနေပြီး အခြားပွဲတစ်ခုအဖြစ် အောက်တိုဘာနှင့် နိုင်ဝင်ဘာလို လမျိုးမှာ သီးသန့်ထုတ်ပြဖို့ များတယ်လို့လည်း ထင်ရပါတယ်။

MacBook Pro ဝယ်ဖို့အကောင်းဆုံးအချိန်ကတော့ စောင့်ပါ တစ်လပဲဖြစ်ဖြစ် သုံးလလောက် ကြာမယ်ဆိုရင်တောင်မှပဲ စောင့်ပါလို့ပြောချင်ပါတယ်။ အခြား Apple Laptop Lineup တွေအတွက် ကတော့ Update ဖြစ်မယ်မဖြစ်ဖူးဆိုတာ တော့ မသေချာသေးပါဘူး။

Macbook Air

အချိန်တော်တော်ကြာ ကျနော် MacBook Air ကို နှစ်သက်ခဲ့တာပါ။ ဈေးနှုန်းသင့်တင့်ပြီး သယ်ဆောင်ရလွယ်ကူတဲ့အပြင် Battery ကလည်း ကြာကြာအသုံးခံတဲ့အတွက် ဖြစ်ပါတယ်။ အခုချိန်ထိလည်း ဒီလိုပါပဲ ကျောင်းသား/သူ တွေအတွက် အကြိုက်နှစ်သက်ဆုံးဖြစ်နေဆဲ ၁၃ လက်မ MacBook Air ကိုဆိုရင် $900 အောက်နှင့် ဝယ်ယူရရှိနိုင်ပါတယ်။

MacBook Air ရဲ့ ဒီဇိုင်းဟာဆိုရင်လည်း အချိန်တော်ကြာထိ မပြောင်းလဲပဲ ရှိနေခဲ့တာ ဟာ အခုချိန်ထိပါပဲ။ ခုချိန်ထိ ၂၀၀၈ ခုနှစ်က ပထမဦးဆုံး မိတ်ဆက်ခဲ့တုံးကအတိုင်းပဲ သိပ်အများကြီး မပြောင်းလဲခဲ့ပါဘူး။ တနည်းအားဖြင့် ပြောရမယ်ဆိုရင် ဒါဟာ MacBook Air ရဲ့  Branding တစ်မျိုးပဲလားပေါ့ဗျာ။ 

အကောင်းဘက်က ကြည့်မယ်ဆိုရင်လည်း MacBook Air ရဲ့ ဒီဇိုင်းဟာ အတော့်ကို ကောင်းမွန်ပြီးပြည့်စုံတဲ့အနေအထားကနေ စတင်မိတ်ဆက်လာခဲ့တာ အခုချိန်ထိလည်း သုံးစွဲရတာအဆင်ပြင်ချောမွေ့နေဆဲပါ။ ဒါကြောင့်လည်း နှစ်တွေကြာလာခဲ့တဲ့အထိ ဒီဇိုင်းကို အခြားသော Windows PCs ထုတ်လုပ်သူတွေက ကူးချနေခဲ့ကြတာဖြစ်ပါတယ်။ ဒါပေမယ့်လည်း Dell XPS 13 နှင့် HP Spectre တို့နှင့် ယှဥ်ကြည့်ပြန်တော့ အတော်လေးကို နောက်ကျကျန်နေပြီလို့ဆိုရမှာပါ။ အဓိကနှင့် အရေးကြီးဆုံးအချက်ကတော့ Screen Resolution ကိုပဲပြောရမှာဖြစ်ပါတယ်။

ဘာလို့လည်းဆိုရင် ၁၃ လက်မ MacBook Air ရဲ့ ၁၄၄၀ x ၉၀၀ သာရှိတဲ့ resolution ဟာ အခုချိန်မှာတော့ တကယ့်ကိုကြီးမားတဲ့ အားနည်းချက်ဖြစ်လို့နေပါပြီ။ စျေးသက်သက်သာသာနှင့် ရရှိနိုင်တဲ့ Windows laptops တွေမှာတောင်မှ Full-HD 1920x1080 နှင့် တချို့ဆိုရင် QHD အပြင် 4K လို (2560 x 1440 နှင့် 3840 x 2160 ) နှင့် ကောင်းမွန်ပြီး တောက်ပ ကြည်လင်တဲ့ အရသာကို ပေးစွမ်းနိုင်ပါတယ်။ နောက်တစ်ခါ Screen ရဲ့ ဘေးပတ်လည်မှာရှိတဲ့ ငွေရောင် ခေါ်မလား မီးခိုးရောင်ခေါ်မလား ဘေးဘောင်ကလည်း အတော်လေး ထူတယ်လို့ ဆိုရမှာဖြစ်ပြီး လက်ရှိ ခေတ်ရေစီးကြောင်းအရ ဟောင်းနေပြီလို့ဆိုရမှာပါ။ Dells ရဲ့ bezel-free XPS 13 တောင်မှ Lower price နှင့် ရနေတဲ့အချိန်မှာ အခုလို Display မျိုးကို ကြည့်ရတာတော့ သိပ်မကောင်းပါဘူး။

Mac Fan တွေအတွက် အခြားရွေးစရာ Pro တွေရှိနေပါသေးတယ်ဆိုပေမယ့် စျေးနှုန်းအရတော့ စဥ်းစားစရာပါ။

MacBook

နောက်ဆုံးနှင့် အရိုးရှင်းဆုံး နာမည်ပေးထားတဲ့ MacBook ၊ Pro ဆိုတာလည်း မပါသလို Air ဆိုတဲ့ အခြားဝိသေသတွေ သမုတ်ထားတာမရှိတဲ့ MacBook တကယ့်ကို ရိုးရှင်းပြီး ပေါ့ပါးကျစ်လစ်မှုကို ဆောင်ထားတဲ့ MacBook ပါ။ ဒုတိယမျိုးဆက်ရောက်လာသည့်တိုင် 12 လက်မသာရှိပြီး တစ်ခုတည်းသော USB-C သာပါတဲ့ MacBook ဖြစ်ပါတယ်။ Intel Core m3/256 GB အပြင် Core m5/512GB ကိုပါ ဝယ်ယူရရှိနိုင်သည့်အပြင် အခြားရွေးချယ်စရာ အရောင်များလည်းရှိနေပါတယ်။

ကျနော့်အတွက်တော့ လက်ရှိ အကြိုက်ဆုံး Lpaotp လို့လည်း ပြောလို့ရပါတယ်။ အဓိက ကတော့ အသေးငယ်တဲ့အရွယ်အစားနှင့် ကြာရှည်စွာ အသုံးပြုနိုင်တဲ့ Battery အပြင် ကောင်းမွန်တဲ့ ပေါင်းစပ်မှုတွေနှင့် တည်ဆောက်ထားတဲ့ တစ်ကိုယ်ရေသုံး ပေါ့ပေါ့ပါးပါး သယ်ဆောင်အသုံးပြုနိုင်တဲ့ Apple ရဲ့ ဖန်တီးမှုတစ်ခုပါ။ စသုံးစမှာတော့ Keyboard နှင့်ပတ်သတ်ပြီး အနည်းငယ် စိတ်အနှောင့်အယှက်ရှိပေမယ့် ခဏလေးအတွင်း အသားကျသွားမှာဖြစ်ပါတယ်။

အထက်မှာကျနော်ပြောခဲ့သလိုပဲ သစ်လွင်ဆန်းသစ်မှုတွေပါဝင်တဲ့ တစ်ခုတည်းသော MacBook ကိုပြပါဆိုလျှင် ၂၀၁၆ ခုနှစ်မှာ Generation အသစ်ဖြစ်လာတဲ့ MacBook ကိုပဲ ပြရမှာပါ။ လက်တလော Mac တစ်လုံးဝယ်ဖို့လုံးဝစိတ်ကူးဆုံးဖြတ်ပြီးပြီ ဆိုရင်တော့ MacBook ကသာလျှင် ရွေးချယ်မှုမှန်ကန်ဆုံးပဲဖြစ်ပါလိမ့်မယ်။ မဟုတ်ရင်တော့လည်း နောက် ၃ လ ဒါမှမဟုတ် ၆ လ လောက်နေရင်တော့ Apple က အနည်းငယ်ဆန်းသစ်ပြီး မိတ်ဆက်မယ့် pro လေးကိုပဲ စောင့်လိုက်တာပိုကောင်းပါလိမ့်မယ်။ (မသေချာဘူးနော် လက်ရှိ Rumors တွေအရပြောတာပါ။)

တစ်ခုတည်းသော USB-C တစ်ပေါက်သာ ပါတဲ့အတွက် အခြားသော လူသုံးများတဲ့ HDMI တွေ USB တွေနှင့် ချိတ်ဆက် အသုံးပြုဖို့ရာကတော့ သင့်ရဲ့ အိတ်ထဲမှာ လုံလောက်တဲ့ တွဲဖက်အသုံးအဆောင်ပစ္စည်းတွေထည့်ထားဖို့တော့ လိုအပ်ပါလိမ့်မယ်ဗျာ။

CNet

Read More

Galaxy Note 7 ကို အကြမ်းဖျင်း လေ့လာကြည့်ခြင်း

မနှစ်က Samsung ကို အားလုံးမျှော်လင့်ထားတာက Note Series အသစ်မိတ်ဆက်လိမ့်မယ်ဆိုပြီးတော့ဖြစ်ပါတယ်။ ဒါပေမယ့် Samsung ကတော့ S6 edge+ နှင့်သာ ရပ်တည်ခဲ့တာဖြစ်ပါတယ်။ ဒီနှစ်မှာတော့ Samsung ပရိတ်သတ်တွေ အကြိုက်ဖြစ်တဲ့ Note Series ဟာ ပြန်လည်သက်ဝင်လာခဲ့ပြန်ပြီဖြစ်ပါတယ်။

Samsung Galaxy Note 7 ဟာဆိုရင် လုပ်ငန်းသုံးမလား၊ ဂိမ်းကစားမလား၊ ရုပ်ရှင်တွေသီချင်းတွေကို ခံစားကြည့်ချင်လား စွယ်စုံသုံးစွဲသူတွေအကြိုက်တွေ့ကြတဲ့ Samsung ရဲ့ Flagship ဖုန်း Series ပဲဖြစ်ပါတယ်။

လုပ်ငန်းသုံးဘက်က ကြည့်မယ်ဆိုရင် ပိုမိုကောင်းမွန်လာပြီး စွမ်းဆောင်ရည်တွေလည်းအများကြီးတိုးတက်လာတဲ့ S Pen ကိုတော့ လုပ်ငန်းသုံး အသုံးပြုလိုသူတွေအကြိုက်တွေ့စေမှာဖြစ်ပါတယ်။ ဒါ့အပြင် မိမိ၏ လုပ်ငန်းအချက်အလက်တွေ၊ ငွေပေးချေနိုင်တဲ့ ကဒ်တွေအပြင် အခြားသော အရေးကြီးအချက်အလက်များကိုလည်း မျက်ကြည်လွှာဖတ်စနစ်က အပြည့်အဝကာကွယ်ပေးထားမှာဖြစ်ပါတယ်။ Galaxy Note 7 ဟာ မိုဘိုင်း ဂိမ်းလောကကိုလည်း စိုးမျိုးချယ်လှယ်ဖို့ရောက်ရှိလာတယ်လို့လဲ ဆိုနိုင်ပါတယ်။ အထူးသဖြင့် VR ( Virtual Reality ) နှင့်တွဲဖတ်အသုံးပြုတဲ့အခါမှာ အခြားဖုန်းတွေထက်ထူးကဲတဲ့ ရသကို ခံစားရယူနိုင်မှာဖြစ်ပါတယ်။ ဖုန်းဟာဆိုရင် Vulkan API ကို ထောက်ပံ့ထားပါတယ်။ လက်ရှိ Vulkan API ဟာ PC Games လောကထဲကို ခြေချခါစပဲရှိပါသေးတယ်။ ဆိုလိုချင်တာက အခြားဖုန်းတွေထက်ပိုပြီးသာလွန်ကောင်းမွန်တဲ့ တကယ့် ကို Console အရည်အသွေးမှီ Games တွေကို ကောင်းကောင်းမွန်မွန်ဆော့ကစားနိုင်မှာဖြစ်ပါတယ်။

Samsung Galaxy Note 7 ဟာဆိုရင် Media ဖန်တီးမှုတွေရဲ့ အစိတ်အပိုင်းတစ်လည်းဖြစ်ပါတယ်။ လက်ရှိ HDR နှင့် 4K TV ရုပ်ရှင်တွေ Video တွေကို ကြည့်ရှုပြသနိုင်မယ့် ဖုန်းတွေထဲကလည်း တစ်လုံးအပါအဝင်ဖြစ်ပါတယ်။ Gear 360 နှင့်သာဆိုရင် သင်ဟာ Note 7 အသုံးပြုပြီး VR-Ready Panoramas တွေကိုလည်း ရိုက်ယူနိုင်မှာဖြစ်ပါတယ်။ နောက်ထပ်အခြားသော Accessories များလည်း ထပ်မံထွက်ရှိလာဦးမယ်ဆိုသိရပါတယ်။ ဖုန်းရဲ့ Battery ဟာဆိုရင်လည်း 3500 mAh ကိုသုံးစွဲထားပြီး power saving modes ၂ မျိုးဟာဆိုရင် သင့်၏ ဖုန်းကို ကြာရှည်စွာ အသုံးပြုနိုင်ဦးမှာဖြစ်ပါတယ်။ ဒါ့အပြင် Note Series တွေထဲကမှ ထူးခြားချက် အသစ်တစ်ခုက သင်ဟာ Note 7 ဖုန်းကို ပျော်ပျော်ကြီး ရေထဲမှာ အသုံးပြုနိုင်မှာဖြစ်ပါတယ်။ IP68 Certification ရှိထားပြီး S Pen ကိုလည်း ရေအောက်မှာပါ အသုံးပြုနိုင်မှာဖြစ်ပါတယ်။

Samsung Galaxy Note7 at a glance:

ပြင်ပတည်ဆောက်မှုပုံစံ : Metal Frame နှင့် Dual-tone ကာလာ ကိုအသုံးပြုထားပါတယ်။

ခံနိုင်ရည်စွမ်း : IP68 rating ( dustproof, ရေအောက် အနက် ၁ မိတာထိ ရေစိုခံနိုင်); S Pen ကို ရေအောက်မှာပါ အသုံးပြုနိုင်

မျက်နှာပြင် ရုပ်ထွက် : ဘေးနှစ်ဘက် ကွေးထားပြီး 5.7 လက်မရှိ Super AMOLED QHD resolution; ရှိပြီး Gorilla Glaxx 5 ကိုသုံးစွဲထားပါတယ်။

S Pen : ဟာဆိုရင်လည်း မျက်နှာပြင်ပေါ်မှာ အချိန်မရွေးရေးမှတ်နိုင်ပြီး၊ pressure Levels ပေါင်း 4096 ထိရှိပါတယ်၊ နောက်ပြီး အရင်ဖုန်းကအားနည်းချက်ကိုပြင်ဆင်ထားပြီး ပြောင်းပြန်ပြန်ထည့်နိုင်အောင်လုပ်ထားပါတယ်။

သုံးစွဲထားသောပစ္စည်းများ : Snapdragon 820 သို့မဟုတ် Exynos 8890 နေရာဒေသပေါ်လိုက်၍ကွဲပြားမည်။) 4 GB RAM နှင့် 64 GB သိုလှောင်နိုင်စွမ်းရှိပြီး(microSD ကဒ်သုံးပြီးထပ်မံတိုးချဲ့နိုင်ပါတယ်။)

Software : Android 6.0 Marshmallow ကိုပဲသုံးထားတာဖြစ်ပါတယ်။ နောက်ပိုင်းတော့ 7.0 Nougat  ကို update ရယူသုံးစွဲနိုင်မှာပါ။

လုံခြုံမှုအပိုင်းမှာတော့ : iRis scanner နှင့် လက်ဗွေဖတ်စနစ်တွေပါဝင်ပါတယ်။

Camera : 12 MP Dual-pixel camera အပြင် 2160 Video တွေကို ရိုက်ကူးနိုင်မှာဖြစ်ပါတယ်။

ဆက်သွယ်မှုနည်းပညာ : Samsung ရဲ့ ပထမဦးဆုံးသော USB Type-C ကိုအသုံးပြုထားတဲ့ ဖုန်းတစ်လုံးဖြစ်ပါတယ်။ နောက်ပြီး Samsung Pay အသုံးပြုရန် NFC ပါဝင်ပါတယ်။

ဘတ္ထရီ : 3500 mAh; power-saving  modes အသစ်ပါဝင်ပါတယ်။ ကြိုးနှင့်ဖြစ်စေ ကြိုးမဲ့ဖြစ်စေ လျှင်မြန်စွာအားသွင်းနိုင်မည့် နည်းပညာပါဝင်ပါတယ်။

ကြိုတင်မှာယူစနစ်နှင့် August 3 ရက်နေ့မှာ စတင်ဝယ်ယူနိုင်ပြီး။ August 19 ရက်နေ့မှာတော့ တရားဝင်စတင် ဝယ်ယူရရှိနိုင်မှာဖြစ်ပါတယ်။

Samsung ရဲ့ ကိုပိုင် research တွေအရတော့ note owners တွေဟာ Glaxy S7 သုံးစွဲသူတွေထက် ၅၀% ဟာ လုပ်ငန်းသုံး Application တွေကို ပိုမိုအသုံးပြုကြောင်းတွေရတယ်လို့ဆိုပါတယ်။ နောက်ပြီး ၃၀% ဟာ multimedia အတွက်သုံးစွဲတယ်လို့လည်းဆိုပါတယ်။

Read More

ကွန်ပျူတာ Animations ထဲမှ ပြင်ပအမှန်တကယ်သို့

China ဟာနှစ်အတော်ကြာအထိ တရုတ်ဟာ လမ်းကြောင်းတွေပေါ်မှာ ခွပြီး ယာဥ်လမ်းကြောင်းကိုလည်းနေရာမယူပဲ မောင်းနှင်နိုင်တဲ့ ကြီးမားတဲ့ သယ်ယူပို့ဆောင်ရေးယာဥ်ကို စိတ်ကူးယဥ်သက်သက်သာအဟုတ်ပဲ အခုဆိုရင် အပြင်မှာပါ မြင်တွေ့လာရတော့မှာဖြစ်ပါတယ်။ အရှင်းဆုံးပြောရရင် ဒီပို့ကို မဖတ်မိသေးခင်အချိန်ထိတောင်မှ သင်ဟာ ဒီကားကို ကွန်ပျူတာ Animations တွေမှာသာ မြင်တွေ့ခဲ့ဖူးမှာဖြစ်ပါတယ်။ ဒါပေမယ့်အခုတော့ တကယ့် ပြင်ပလက်တွေ့မှာပါ သင် မြင်တွေ့ရတော့မှာဖြစ်ပါတယ်။ အထက်ပါ ပုံကတော့ Qinhuangdao မှာ မြင်တွေ့ခဲ့ရတဲ့ပုံဖြစ်ပါတယ်။

ပထမဦးဆုံး တကယ့် ကို အလုပ်လုပ်တဲ့ Straddling Bus ကြီးတစ်စီးဖြစ်ပါတယ်။ လက်ရှိအချိန်ထိတော့ ဒီကားကြီးဟာဆိုရင် Qinhuangdao ရဲ့ လမ်းတွေအတော်များများပေါ်မှာသွားလာဖို့အတွက် အဆင်သင့်မဖြစ်သေးပါဘူး။ စမ်းသပ်ဆဲကာလအတွင်းမှာတော့ ဒီ Bus ကားကြီးဟာ မီတာ ၃၀၀ လမ်းကြောင်းဖြစ်တဲ့ မြို့ထဲမှ လမ်းကွေ့အနည်းငယ် တွင်းသာ မောင်းနှင်နိုင်ပါသေးတယ်။ ဒါပေမယ့်လည်း တချိန်ကျရင် ဝန်ဆောင်မှုအပြည့်အဝပေးနိုင်မည့် ပထမဦးဆုံး ခြေလှမ်းအစလို့ ဆိုနိုင်ပါတယ်။

Bus ကားဟာ သွားလာနိုင်တဲ့လမ်းကြောင်းတွေနှင့် လုံလောက်တဲ့ လမ်းအကျယ်တွေသာရှိမယ်ဆိုရင် ခရီးသည်ပေါင်း ၁၂၀၀၀ ကျော်ကို တစ်နာရီ မိုင် ၄၀ အထိ မောင်းနှင်ပို့ဆောင်နိုင်မှာဖြစ်ပါတယ်။ အရမ်းကို ကောင်းမွန်တဲ့ မျှော်လင့်ချက်ပါပဲ။ ဒါပေမယ့်လည်း ဒီကားကြီးတစ်စီးလုံး မောင်နှင်နိုင်ဖို့လိုအပ်တဲ့ လမ်းကြောင်းတွေဖြစ်ပေါ်လာဖို့ရာအတွက် တစ်မြို့လုံး အနှံ့ဆိုရင် ဒေါ်လာ သန်းပေါင်း များစွာ ကုန်ကျမှာဖြစ်ပြီး နောက်ထပ် မြို့တွင်းရထားလမ်းကြောင်းတစ်ခု တည်ဆောက်တာထက်တော့ သက်သာလိမ့်မယ်လို့ တွက်ချက်ထားကြပါတယ်။

Read More

Alphabet ရဲ့ နောက်ထပ် ခြေတစ်လှမ်း

Alphabet ရဲ့ Drone Delivery ဝန်ဆောင်မှုဟာဆိုရင် ခြေတစ်လှမ်း နီးစပ်လာပြီဖြစ်ပါတယ်။

Google ရဲ့ မိခင်ကုမ္ပဏီဖြစ်တဲ့ Alphabet ဟာဆိုရင် နာမည်တောင်မပေးရသေးတဲ့ Drone Vehicles များအသုံးပြုပြီး US ရဲ့ သတ်မှတ်ထားတဲ့ နေရာတွေမှာ စတင်ပျံသန်းပြီး စမ်းသပ်ဖို့ ခွင့်ပြုလိုက်ပြီဖြစ်တဲ့အကြောင်းကို White House မှာ အင်္ဂါနေ့က ပြောသွားခဲ့ပါတယ်။

စမ်းသပ်အသုံးပြုနေတဲ့ ကာအလတွင်းမှာ ရရှိခဲ့တဲ့ သတင်းအချက်အလက်တွေကိုဆိုရင် အစိုးရနှင့်အတူ ပူးပေါင်း မျှဝေဖို့လည်းရှိနေပါတယ်။ နောက်ပြီး အခုလို UAV Cargo ပို့ဆောင့်တဲ့ လုပ်ငန်းဆောင်တာမှာဆိုရင် အများသူငါ ထိခိုက်ပျက်စီးမှုတွေအပြင်၊ လုံခြုံစိတ်ချရမှုရှိရမယ့် အပိုင်းတွေကိုလည်း သေချာစိစစ်လုပ်ဆောင်သွားမယ့်အကြောင်းကိုပြောခဲ့ပါတယ်။

အခုလို သတင်းထုတ်ပြန်ကြေငြာချက်ဟာ အမေရိကန်ပြည်ထောင်စုလေကြောင်းဆိုင်ရာကြပ်မတ်ထိန်းသိန်းရေးမှ စီပွားဖြစ် Drone များအသုံးပြုရေး စည်းမျဥ်းဥပဒေများ ထုတ်ပြန်ပြီး ၂ လတောင် မပြည်သေးတဲ့အချိန်ဖြစ်ပါတယ်။ ဒါဟာ စီးပွားဖြစ်သုံးစွဲသူတွေအတွက်ပိုမိုလွယ်ကူစွာ ထိန်းသိမ်းနိုင်လာမယ့်အပြင်၊ Research လုပ်သူများနှင့် ရုပ်ရှင် ထုတ်လုပ်ရေး ပြုလုပ်သူတွေအတွက်လည်း ကောင်းမွန်တဲ့ လမ်းစဖြစ်ပါတယ်။ သို့သော်လက်ရှိအချိန်ထိတော့ စီးပွားဖြစ် ပို့ဆောင်ခြင်း ဝန်ဆောင်မှုအတွက် သေချာရေရာတဲ့ စည်းကမ်းသတ်မှတ်ချက်တွေမရှိသေးဘူးလို့ဆိုပါတယ်။

ပို့ဆောင်ရေး Drones တွေဖြစ်တဲ့ အခုလို Alphabet မှ Project Wing ကို စမ်းသပ်အသုံးပြုဖို့ ခွင့်ပြုပေးလိုက်တာဟာ အခုနှစ်အတွင်းမှာတော့ အခြားသော လက်လီလက်ကားရောင်းချသူတွေအတွက်လည်း အတော်လေးကို ရေပန်းစား စိတ်ဝင်စားဖို့ကောင်းတဲ့ သတင်းဖြစ်ပြီး။ ဝယ်ယူစားသုံးသူတွေကို စွဲဆောင်ရာမှာ ယှဥ်ပြိုင်မှုလုပ်နိုင်မယ့် နောက်ထပ် နယ်ပယ်သစ်တစ်ခုကိုရရှိသွားတာလည်းဖြစ်ပါတယ်။ အခုလို Drone များကို အသုံးပြုပြီး ပစ္စည်းများပို့ဆောင်မှုကို လျင်လျင်မြန်မြန်လုပ်ဆောင်နိုင်လာမယ်ဆိုရင် တချိန်က လမ်းမှာပဲ ကုန်ခဲ့ရတဲ့အချိန်တွေကို ပြန်လွမ်းရတော့မလိုပါပဲ။

အခုလို Project Wing ကို ၂၀၁၄ ပြုလုပ်ဖို့ ကြေငြာခဲ့တဲ့ California အခြေစိုက် Mountain View ကုပ္မဏီဟာဆိုရင် Amazon ရဲ့ December ၂၀၁၃ မှာ ကြေငြာခဲ့တဲ့ Prime Air Delivery Service ကို ယှဥ်ပြိုင်ဖို့ စိတ်ခေါ်လိုက်တာဖြစ်ပါတယ်။ Google ရဲ့ပြောကြားချက်အရ နောက်နှစ် ၂၀၁၇ လောက်မှာ စတင် ပြီး လုပ်ဆောင်နိုင်မယ်လို့ပြောပါတယ်။

Read More