Facebook က Reaction လို့ခေါ်တဲ့ Emoji များ

Emoji ဆိုတာ ဂျပန် ဘာသာစကားကနေ ဆင်းသက်လာတာဖြစ်ပြီး ဂျန်ပန် Electronic စာတိုတွေနှင့် Web pages တွေမှာ အသုံးပြုတဲ့ ideograms ဒါမှမဟုတ် smileys တွေကို ဆိုလိုတာပါ။ ဒီလိုနဲ့ တဖြည်းဖြည်း အသုံးပြုမှုတွင်ကျယ်လာပြီး အခုဆိုရင် တကမ္ဘာလုံးက အသုံးပြုနေကြပါပြီ။ မူရင်းအရတော့ pictograph   ဆိုတဲ့ emoji 絵文字（えもじ）ဟာ え(e) ရုပ်ပုံ + もじ (moji) စိတ်ခံစားချက်ဆိုင်ရာ ဆိုတဲ့ စကားလုံးနှစ်ခုကို ပေါင်းစပ်ထားတာ ဖြစ်ပါတယ်။ ဒီ characters တွေဟာ ဆိုရင် စံနှုန်းတစ်ခုအဖြစ်နဲ့ ဟန်းဆက် များထဲမှာ ထည့်သွင်းတည်ဆောက်ပေးထား တာလည်းဖြစ်ပါတယ်။

အခုလက်ရှိ အနေနဲ့ လူတိုင်းသိတဲ့ နေ့စဥ်နဲ့အမျှအသုံးပြုနေကြတဲ့ Facebook ထဲက Like ဆိုတဲ့ ခလုတ်လေးတစ်ခုဖြစ်တဲ့ လက်မထောင် နေတဲ့ Emoji လေးကတော့ ကမ္ဘာတစ်ဝှမ်း အသုံးတွင်ကျယ်ဆုံးလို့ဆိုရမှာပါပဲ။ လတ်တလောမှာ ဒီကြားထဲ ကောလဟာလ တစ်ခုဖြစ်တဲ့ Disklike မကြိုက်ဖူး ဆိုတဲ့ ခလုတ်တစ်ခုကို Facebook မှာ ပါဝင်လာမယ် ဆိုတာကလည်း အတော်လေးကို ပြန့်နှံ့သွားတဲ့ သတင်းပါပဲ။ လက်ရှိချိန်မှာ သေချာတာတစ်ခု ထွက်ပေါ်လာတာကတော့ Like ခလုတ် နေရာမှာ လက်မ ထောင်နေတဲ့ ပုံလေးအပြင် အခြား နောက်ထက် စိတ်ခံစားမှုတွေကို ပါ ဖော်ပြလို့ရမယ့် Emoji လေး ၆ ခုကိုပါ ထပ်မံထည့်သွင်းပေးလိုက်ပါတယ် တဲ့ဗျာ။

အထက်က ပုံကအတိုင်း လက်မထောင်နေတဲ့ ပုံလေးကတော့ လူတိုင်းရင်းနီးပြီးသားဖြစ်တဲ့ Like ဖြစ်ပါတယ်။ ညာဘက်ကိုဆက်ကြည့်မယ်ဆိုရင် ချစ်တယ် နှစ်သက်တယ်(LOVE)၊ ဟဟ(haha)၊ ရေး(Yay)၊ ဝိုး(WOW)၊ ဝမ်းနည်းတယ်(Sad) နောက်ပြီး စိတ်တိုတယ်(Angry) ဆိုတဲ့ Emoji လေးတွေဖြစ်ပြီး သူတို့ကိုလည်း လူတိုင်း မြင်ဖူးတွေ့ဖူး ရင်နီးပြီးသားဖြစ်မှာပါ။

သြော် မေ့တော့မလို့ Facebook ကတော့ ဒီ Emoji လေးတွေကို Reaction ဆိုပြီးတော့ ခေါ်ပါသတဲ့။  Post ဒါ်မှမဟုတ် Status များကို စိတ်ခံစားချက်နဲ့ တုံ့ပြန်မှုလေးတွေ ပေးလို့ရတော့မယ်ဆိုပါတော့ဗျာ။