ကျွန်တော်ကြိုက်တဲ့ ဂိမ်းတွေနှင့် ကျွန်တော့်ရဲ့ စာဖတ် သူတွေ ကြိုက်မယ်ထင်တဲ့ ဂိမ်းလေးတွေကို အကြမ်းဖျင်း စုစည်း ပေးလိုက်ပါတယ်။
Arms
Arms ဆိုတာ ဖိုက်တင်ဂိမ်းတစ်ခုဖြစ်ပြီးတော့ သတ်ကွင်းထဲမှာ တစ်ဖတ်နှင့်တစ်ဖတ် လက်တန် အရှည်ကြီးတွေထွက်ပြီး တိုက်ခိုက်ရတာဖြစ်ပါတယ်။ ဒီဂိမ်းဟာဆိုရင် Nitendo Switch အတွက် အထူးပြုလုပ်ထားတဲ့ ဂိမ်းဖြစ်ပြီး Switch ရဲ့ လက်ကိုင် နှစ်ခုကို တစ်ဖက်စီမှာကိုင်ပြီးတော့ အပြင်မှာ တကယ်ထိုးသလို Motion Detection နှင့် ကစားနိုင်တဲ့ ဂိမ်းတစ်ခုဖြစ်ပါတယ်။
ထွက်ရှိမယ့်ရက် : June 16 2017
ကစားနိုင်မယ့် Platform : 3DS
Crash Bandicoot: N. Sane Trilogy
ဒီဂိမ်းကိုတော့ အားလုံးသိကြမှာပါ။ အခုဆိုရင် PS4 အတွက် Remaster ပြန်လည်ပြုလုပ်ထားပြီး Graphic ပိုင်းတွေက အစ အဆင်မြှင့်တင်မှုတွေအများကြီး ပြုလုပ်ထားပါတယ်။
ထွက်ရှိမယ့်ရက် : June 30 2017
ကစားနိုင်မယ့် Platform : PS4
Splatoon 2
Nitendo Switch အတွက် သီးသန့်ထွက်ရှိတဲ့ ဂိမ်းတစ်ခုဖြစ်ပါတယ်။ Wii U Third-person Shooter ဂိမ်းရဲ့ နောက်ထွက် Series တစ်ခုလည်းဖြစ်ပါတယ်။ Game Modes တွေအားဖြင့် Campaign, Weapons, Maps နှင့် Modes ဆိုပြီးတော့ ရွေးချယ်ကစားနိုင်ပါတယ်။
ထွက်ရှိမယ့်ရက် : July 21 2017
ကစားနိုင်မယ့် Platform : Nintendo Switch
Agents of Mayhem
စိတ်ကြိုက် နေရာစုံ လျောက်သွားနိုင်ပြီးတော့ Saints Row လို ကိုလုပ်ချင်ရာကို စိတ်တိုင်းကျ လုပ်နိုင်မယ့် ဂိမ်းတစ်ခုဖြစ်ပါတယ်။ ဂိမ်းဇာတ်ကောင်ပေါင်းများစွာနှင့် စိတ်တိုင်းကျ ဆော့ကစားနိုင်မှာဖြစ်ပါတယ်။
ထွက်ရှိမယ့်ရက် : August 15 2017
ကစားနိုင်မယ့် Platform : PS4, Xbox One, PC
Uncharted: The Lost Legacy
PS4 အတွက်သာ သီးသန့်ထွက်ရှိတဲ့ Uncharted Series တွေဟာ အလွန်အောင်မြင်တဲ့ ဂိမ်း ဇာတ်လမ်းတွဲတွေပဲဖြစ်ပါတယ်။ Gamers တွေကြား မိတ်ဆက်စရာမလိုလောက်တော့ အောင်ကို နာမည်ကြီးတယ်ဆိုတာ သိပါတယ်။ သို့ပေမယ့် ဒီတစ်ကြိမ်မှာတော့ Uncharted 4 မဟုတ်တော့ပဲနှင့် သီးသန့် ဇာတ်လမ်းတစ်ခု အဖြစ် ထပ်မံထွက်ရှိလာတာဖြစ်ပါတယ်။ အိန္ဒိယမှာအခြေတည်ထားတဲ့ ဇာတ်လမ်းတစ်ခုဖြစ်ပါတယ်။ သင်ဟာ Chloe Frazer အဖြစ် ဆော့ကစားရမှာဖြစ်ပြီးတော့ ကိုယ်နှင့်အတူ Nadine Ross ဆိုတဲ့ ကြေးစားအမျိုးသမီးတစ်ယောက်နှင့်အတူ ရာတနာသိုက်တစ်ခုဖြစ်တဲ့ The Tusk of Ganesha ဆိုတာကို စွန့်စားခန်းဖွင့်ရမယ့် ဂိမ်းဇာတ်လမ်းလေးပဲဖြစ်ပါတယ်။
ထွက်ရှိမယ့်ရက် : August 22 2017
ကစားနိုင်မယ့် Platform : PS4
Mario + Rabbids: Kingdom Battle
အလှည့်ကျ Strategy တွေပေါင်းစပ် ပြီး ဆော့ကစားရမယ့် Game တစ်ခုဖြစ်ပါတယ်။ Mario World ထဲမှာ အခြေတည်ထားတဲ့ ဂိမ်းတစ်ခုဖြစ်ပြီးတော့ Ubisoft ရဲ့ မူပိုင် ဇာတ်ကောင်ဖြစ်တဲ့ Rabbit တွေ အတူတကွ ပွဲထွက်လာတဲ့ ထူးထူးခြားခြား ဂိမ်းတစ်ခုလည်းဖြစ်ပါတယ်။ ဂိမ်းကစားတဲ့ ပုံစံကတော့ XCOM Series တွဲတွေ လို ကစားရတာဖြစ်ပါတယ်။
ထွက်ရှိမယ့်ရက် : August 29 2017
ကစားနိုင်မယ့် Platform : SWITCH
Life is Strange: Before The Storm
ဒီဂိမ်းလေးကလည်း Gamers တွေရဲ့ အသည်းစွဲ ဇာတ်လမ်းတွဲလေး တစ်ခုပဲဖြစ်ပါတယ်။ အခု Before The Storm မထွက်ခင်တည်းက ၃ ပိုင်း ထွက်ရှိထားပြီး ဖြစ်ပါတယ်။
ထွက်ရှိမယ့်ရက် : August 2017
ကစားနိုင်မယ့် Platform : PS4, Xbox One, PC
Evil Within 2
Horror ဂိမ်း ကြိုက်နှစ်သက်သူတွေ ကတော့ Evil Within ဆိုတာနှင့် ဒီဂိမ်းကိုလည်း တမ်းတမ်းစွဲ ဖြစ်မိမှာပါ။ Resident Evil ဂိမ်းတွေကို ဖန်တီးသူဖြစ်တဲ့ Shiji Mikami Studio မှ ထပ်မံမွေးထုပ်ပေးလိုက်တဲ့ Evil Within 2 ဟာလည်း ဘယ်လို သည်းထိတ်ရင်ဖိုတွေနှင့် ကြုံတွေ့ရဦးမလည်းဆိုတာကိုတော့ . . .
ထွက်ရှိမယ့်ရက် : October 13 2017
ကစားနိုင်မယ့် Platform : PS4, Xbox One, PC
Assassin Creed Origins
အရင် Assassin Creed စီးရီးတွေထက် ပိုစောတဲ့ ခေတ်ဦးမှာ အစပြုထားပြီးတော့၊ အီဂျစ် မှာ အခြေတည်ထားတဲ့ ဂိမ်းတစ်ခုဖြစ်ပါတယ်။
ထွက်ရှိမယ့်ရက် : October 27 2017
ကစားနိုင်မယ့် Platform : PS4, Xbox One, PC
Call of Duty: WWII
World War II ကို ပြန်လည် ရောက်ရှိသွားတဲ့ Call of Duty လို့ပြောရမလား။ တချို့ကလည်း Battlefield 1 ကို ကြည့်ပြီး ခိုးချတယ်လို့ ဆိုကြပေမယ့်လည်း Call of Duty ကိုမှ ပိုပြီး ကြိုက်ကြတယ်ဆိုတဲ့ သူတွေအတွက်ကတော့ အတော်လေးကို စောင့်မျှော်နေရတဲ့ ဂိမ်းတစ်ခုဖြစ်မယ်ဆိုတာ သေချာပါတယ်။
ထွက်ရှိမယ့်ရက် : November 3 2017
ကစားနိုင်မယ့် Platform : PS4, Xbox One, PC
Wolfenstein II: The New Colossus
2014 မှာထွက်ရှိခဲ့တဲ့ Wolfenstein: The New Order ကို ဇာတ်လမ်း ဆက်ထားတဲ့ ဂိမ်း တစ်ခုဖြစ်ပါတယ်။ Bathesda ရဲ့ E3 Press Conference မှာ မိတ်ဆက်ခဲ့ပြီး အခု ဇာတ်လမ်းမှာတော့ ဇာတ်ကောင်အသစ်တွေနှင့် ကစားရမှာဖြစ်ပါတယ်။
ထွက်ရှိမယ့်ရက် : October 27 2017
ကစားနိုင်မယ့် Platform : PS4, Xbox One, PC
Need For Speed: Pay Back
မကြိုက်ဖူး တကယ်မကြိုက်တာ Need For Speed: Fast And Furious ပဲ လုပ်လိုက်ပါတော့လားလို့ ပြောချင်တယ်။ ဒါပေမယ့်လည်း ပေါ့ပေါ့ပါးပါးနှင့် စိတ်တိုင်းကျ မြို့ထဲ ရော မြို့ပြင်မှာပါ ကားမောင်းပြီး သောင်းကျန်းလို့ရတဲ့ အထဲမှာ Need For Speed ပါတယ်ဆိုတော့လည်း ကစားချင်မိပြန်ပါရော။ ဒီတစ်ခုတော့ NFS ရဲ့ ထူးခြားချက်က Off Road ကားပြိုင်တာတွေပါ လာပါတယ်ဗျို့။
ထွက်ရှိမယ့်ရက် : November 10 2017
ကစားနိုင်မယ့် Platform : PS4, Xbox One, PC
ကိုယ်ကြိုက်တဲ့ ဂိမ်းတွေကိုလည်း အောက်က မှာ Comments ပေးပြီး ပြောသွးလို့ရတယ်နော် နောက်ပိုင်း ကျွန်တော် Reviews လေးတွေ ရေးပြီး တင်ပေးပါ့မယ်။ အချိန်ပေးပြီး ဖတ်တဲ့ အတွက်လည်း ကျေးဇူးတင်ပါတယ်။
0 comments:
Post a Comment