အမြင့်ဆုံးစွမ်းဆောင်ရည်ကိုမှ သုံးချင်သူတွေအတွက် Core i9 နှင့် X Series CPU များ

အသစ်ထွက်ရှိလာတဲ့ X-Series CPU တွေဟာဆိုရင် Kaby Lake-X Family တွေဖြစ်တဲ့ Quad-Code i7-7740 နှင့် i5-7640 ကလွဲရင်  ကျန် X-Series CPU တွေအားလုံးဟာ Skylake-X Family တွေဖြစ်ကြပါတယ်။ နောက်ပြီး ဒီ CPU တွေကိုအသုံးပြုဖို့ရာအတွက် အသစ်မိတ်ဆက်လိုက်တဲ့ X299 Chipset အသုံးပြုထားတဲ့ LGA 2066 Socket Motherboards တွေကို လိုအပ်မှာဖြစ်ပါတယ်။ X-Series CPUs တွေအားလုံးဟာ Overclocking ကိုကောင်းကောင်းကြီးပြုလုပ် သုံးစွဲနိုင်မှာဖြစ်ပြီးတော့ Overclocking ကြောင့်ဖြစ်ပေါ်လာနိုင်တဲ့ CPU Failures တွေကိုလည်း ကာကွယ်ပေးထားတယ်လို့ သိရပါတယ်။

intel ရဲ့ X-Series တွေဟာဆိုရင် တကယ့်ကို Heavy Load အပြည့်သုံးစွဲကြမယ့် PC အသုံးပြုသူတွေအတွက်ကို အဓိက ထားပြီး ထုပ်လုပ်ထားတာဖြစ်ပါတယ်။ Heavy ဂိမ်မာတွေ နှင့် Video Content Creators တွေ ဆိုရင် တစ်ဖက် Monitor မှာ ဂိမ်းကစားနေရင်းနှင့် တစ်ချိန်တည်းမှာပဲ တစ်ဖက်မှာ ကိုယ့်ရဲ့ Streaming ပရိတ်သတ်တွေနှင့် Chatting ပြောနေတာမျိုးတွေ၊ နောက်ပြီး Video Contents တွေကို Create ပြုလုပ်ပြီး rendering ကို ၂ ခု ၃ ခု အပြိုင် ပြုလုပ်နိုင်မယ့် HEDT (High-End Desktop) တွေအတွက်ဖြစ်ပါတယ်။

အသစ်ထပ်မံ မိတ်ဆက်ထားပြီး အမြင့်ဆုံး CPU ဖြစ်တဲ့ Core i9 Extreme ဟာဆိုရင် $1,999 ရှိပြီးတော့ 18-core နှင့် 36-threads ကို ပထမဦးဆုံးအသုံးပြုထားတဲ့ intel ရဲ့ consumer high-end desktop precessor တစ်လုံးဖြစ်ပါတယ်။

Professional တွေနှင့် Pro-Consumer တွေအတွက်ကတော့ တကယ့်ကို စွမ်းဆောင်ရည်မြင့်မားတဲ့ CPU တွေဖြစ်ပြီး မိမိရဲ့ အလုပ်တွေကို တစ်ချိန်တည်းတစ်ပြိုင်တည်းမှာ 4K Resolution နဲ့တောင်မှ စိတ်တိုင်းကျ မြန်မြန်ဆန်ဆန် လုပ်ကိုင် ဆောင်ရွက်ပေးနိုင်မယ့် X-Series CPU တွေပဲဖြစ်ပါတယ်။ ဒါ့အပြင် VR Game တွေကိုလည်း အထစ်အငေါ့မရှိ ကစားနိုင်မှာလည်း ဖြစ်ပါတယ်။

X-Series နှင့်အတူ တပ်ဆင်အသုံးပြုနိုင်မယ့် x299 Chipset ပါဝင်တဲ့ Motherboard တွေကို မကြာခင်မှာ ဝယ်ယူရရှိနိုင်မှာဖြစ်ပါတယ်။ အခြားသတင်းတစ်ခုအနေနှင့်ကတော့ intel ရဲ့ အဓိက Line up တစ်ခုအနေနှင့်ထပ်မံ မိတ်ဆက်မယ့် CPU ရဲ့ Code Name ဟာ Coffee Lake လို့ သိရပြီး လက်ရှိ အမြင့်ဆုံး Kaby Lake ထက် ၃၀ ရာခိုင်နှုန်း ပိုမိုလျင်မြန်မယ်လို့လည်း သိရပါတယ်။

( X-Series CPU တွေ အားလုံးဟာ integrated GPU မပါတော့ဘူးဆိုတာလေးကို တော့ သတိထားရမှာဖြစ်ပါတယ်။ X-Series CPU သုံးတော့မယ်ဆိုရင်တော့ Graphic Card လေးတွေပါထပ်ပြီး ဝယ်ရမှာပါ။)

Asus LGA 2066 Socket X299 Motherboard

Read More

Huawei ရဲ့ Milestones ( MateBook X, Matebook D နှင့် MateBook E Tablet )

တစ်ချိန်တုန်းကတော့ Huawei ဆိုတာ Smartphones တွေ SmartWatch တွေနှင့် Tablets တွေထုတ်ခဲ့တာပေါ့ အခုတော့ သူ့ရဲ့ Products List ထဲကို Laptop ကိုပါ ထည့်လို့ရပါပြီ။

Matebook X နှင့် Matebook D တို့ အပြင် ၂၀၁၆ ခုနှစ်က မိတ်ဆက်ခဲ့တဲ့ Matebook E Tablet ကိုလည်း ပြန်လည် ဆန်းသစ်ထားပြီး ၂၀၁၇ မှာ Huawei က မှတ်ကျောက်တစ်ခု ဖန်တီးခဲ့ပြန်ပါပြီ။

ဒီတော့ လက်ရှိ လူအများစိတ်ဝင်စားမှုကို အများဆုံး ရနေတဲ့ MateBook X ကနေ စပြီး ကြည့်လိုက်ရအောင်။

MateBook X Laptop

ပိုမိုကောင်းမွန်တဲ့ Speakers တွေပါဝင်ပြီး Macbook တစ်လုံးနှင့် မခြား ဒီဇိုင်းပြုတည်ဆောက်ထားတဲ့ Huawei ရဲ့ ပထမဦးဆုံးသော Laptop တစ်လုံးပဲဖြစ်ပါတယ်။ ပါးလွှာပြီး သေးငယ်တယ်ဆိုပေမယ့် အမြင့်ဆုံး Macbook Pro တစ်လုံးရဲ့  Specifications နီးပါး စွမ်းဆောင်မှုရှိတဲ့ Laptop တစ်လုံးဖြစ်ပါတယ်။ Matebook X ဟာ Windows 10 ပါဝင်မှာဖြစ်ပြီး Cooling Fan လုံးဝမပါဝင်တဲ့ ၁၃ လက်မ Model မှာတော့ Intel U Series Processors ကိုအသုံးပြုထားပါတယ်။ အလူမီနီယံ ကိုထည် အသုံးပြုထားပြီးတော့ ရွှေရောင်၊ မီးခိုးရောင် အပြင် မိန်းခလေးတွေအကြိုက် ပန်းရောင်ကိုလည်း ဝယ်ယူရရှိနိုင်မှာဖြစ်ပါတယ်။ ၁၂.၅ မီလီမီတာ အထူသာရှိပြီးတော့ ၂.၃၁ ပေါင် အလေးချိန်ရှိပါတယ်။ MacBook Pro ထက်တော့ ပိုပါးပြီး ပိုမို ပေါ့ပါးတာကတော့ အမှန်ပဲဗျ။ ဒါ့အပြင် MateBook X Laptops တွေမှာဆိုရင် ပါဝါခလုတ်မှာ Fingerprint Sensor ကိုလည်း ထည့်သွင်းပေးထားပါသေးတယ်။ ဒီ Fingerprint Sensor ဟာဆိုရင် Windows Hello နှင့်လည်း အသုံးပြုနိုင်မယ်လို့ သိရပါတယ်။

MateBook X Laptop ဟာဆိုရင် ပထမဦးဆုံးသော Dolby's Atmos အသံစနစ်အသုံးပြုထားတဲ့ Software ရော Hardware ပိုင်းကိုပါ တည်ဆောက်ထားတဲ့အတွက် တကယ့်ကို ပြီးပြည့်စုံပြီး ကောင်းမွန်တဲ့ အသံအရည်အသွေးကို ရရှိခံစားနိုင်မှာဖြစ်ပါတယ်။ Huawei ဟာဆိုရင် MateBook X ကီးဘုတ်ရဲ့ အပေါ်နားမှာတည်ရှိတဲ့ စပီကာတွေအတွက်တည်ဆောက်မှုကို Dolby အတူ ပူးပေါင်းပြီး စနစ်တကျ အကောင်းဆုံးဖြစ်အောင် ဖန်တီးတည်ဆောက်ထားပါတယ်။ ဒါ့အပြင် Laptop မှာပါရှိတဲ့ Software စနစ်ကလည်း အသံအရည်အသွေးကို မိမိစိတ်တိုင်းကျ သီချင်းနားဆင်နိုင်ဖို့၊ ဂိမ်းကစားဖို့အပြင် ၊ ရုပ်ရှင်ကြည့်တဲ့အခါတွေမှာလည်း ထိန်းညှိပေးနိုင်မှာဖြစ်ပါတယ်။ တကယ့် အမှန်တကယ်ပြင်ပမှာ မိမိပတ်ဝန်းကျင်မှာ ဖြစ်ပျက်နေသည့်အလား ရုပ်ရှင်အသံအရည်သွေးကို ရရှိနိုင်မယ်လို့လည်း Huawei က ကတိပြုထားပါတယ်။

သာမန် Laptop တွေမှာပါတဲ့ Software နှင့်သာ ထိန်းညှိပေးထားတဲ့ နည်းပညာထက် MateBook X ရဲ့ အသံအရည်အသွေးဟာ များစွာ သာလွန်ကောင်းမွန်နေတာကိုလည်း နှိုင်းယှဥ်ပြထားပါသေးတယ်။ အသံအရည်သွေးကိုကြည့်ပဲ ပြောနေလို့လည် မပြီးသေးဘူး။ ဘယ်လောက်အသံကောင်းကောင်း ရုပ်ထွက်မှ မလှရင် ဘယ်ကြည့်ကောင်းမလဲပေါ့နော်။

MateBook X ရဲ့ Display က 4K မဟုတ်ပါဘူး။ 2K ပဲ ရှိပေမယ့် တကယ့်ကို ထင်ရှားပြတ်သားတဲ့ ပုံရိပ်အရည်အသွေးကို ပါးလွှာတဲ့ ဘေးဘောင်တွေကြားမှာ ကျယ်ကျယ် ပြန့်ပြန် ကြည့်ရှုခံစားနိုင်မှာဖြစ်ပါတယ်။ ကျနော်တစ်ချက် စိတ်တိုင်းမကျတာက Screen Ratio ဟာ Microsoft Surface တွေလို 3:1 ဖြစ်နေလို့ပါ။ သူ့ရဲ့ အဓိက ဦးတည်ချက်က ကျောင်းသုံးနှင့် ရုံးသုံးအတွက် ပိုမိုအဆင်ပြေအောင် တည်ဆောက်ထားတယ်လို့တော့ ကျွန်တော်ထင်ပါတယ်။ Wide Screen Movies တွေကြည့်ရင်တော့ အပေါ်အောက် Screen မှာတော့ အမည်းလေးတွေ တန်းနေမယ်ပေါ့ဗျာ။

Huawei Matebook X specs

• 2,160x1,440-pixel resolution screen (non-touch)
• Intel Core i5 or i7 CPU
• 8GB RAM
• 256GB/512GB SSD
• Full-size Chiclet backlit keyboard
• Two USB-C ports
• Includes multiport adapter
• Estimated 10-hour battery life

လက်ရှိမှာတော့ Matebook D ကို မမြင်တွေ့ရသေးပဲ Specification တွေကိုသာ ထုတ်ဖော်ပြောကြားခဲ့ပါတယ်။ MateBook D ဟာဆိုရင် MateBook X ထက်ပိုပြီးကြီးမားတဲ့ Display နှင့် ဂိမ်းကစားဖို့ရာအတွက် Nvidia Geforce 930MX ပါဝင်မှာဖြစ်ပါတယ်။

MateBook D specs

• 15.6-inch 1,920x1,080-pixel resolution (non-touch) ( resolution ကျသွားတယ်ဗျ )
• 7th gen Intel i5 or i7 CPU
• Estimated 8.5 hour battery life
• Dolby Atmos sound system
• Up to 1TB HDD
• Full USB, USB-C and HDMI ports

Matebook E Tablet

2016 ခုနှစ် ဗားရှင်းကို Upgrade ပြုလုပ်ထားပါတယ်။ Intel Core i5 နှင့် 2K resolution အထိ ဝယ်ယူနိုင်တော့မှာဖြစ်ပါတယ်။ ၁၂ လက်မ သားရေသားနှင့်ပြုလုပ်ထားတဲ့ ကီးဘုတ် ကာဗာကိုတော့ သီးခြား ဝယ်ယူအသုံးပြုရမှာဖြစ်ပါတယ်။ ipad လို ကိုယ်ထည်နှင့် တည်ဆောက်ထားတာဖြစ်တဲ့ MateBook E Tablet ဟာဆိုရင် Apple Products တွေလိုပဲ တကယ့်ကို ပရီမီယံ ကျကျ စမတ်ကျကျ အသုံးပြုနိုင်တဲ့အတွက်လည်း လူကြိုက်များလှပါတယ်။

USB C Port ပါဝင်ပြီး အားသွင်းခြင်းနှင့် ဒတာ အကူးပြောင်းလုပ်တဲ့ အခါမှာ အသုံးပြုနိုင်ပြီး ပါဝါ ခလုတ်မှာလည်း Fingerprint Sensor ကို ထည့်သွင်းတည်ဆောက်ထားပါသေးတယ်။

MateBook E Tablet specs

• 2,160x1,440-pixel resolution touchscreen
• Intel M3 or i5 CPU
• 4GB/8GB RAM (8GB only in US)
• 128GB/256GB/512GB internal storage
• USB-C port
• Estimated 9-hour battery life

လက်ရှိအချိန်ထိတော့ ဈေးနှုန်းအတိအကျကို ထုတ်ဖော်ပြောကြားခြင်းမရှိသေးပါဘူး။ MateBook X ကိုတော့ MacBook Pro အစား ပရီမီယံကျကျရှိလှတဲ့ Laptop တစ်လုံးအနေနှင့် တော့ မြင်မိတယ်ဗျ။ လက်ရှိအချိန်ထိတော့ ဈေးနှုန်းမသိရသေးသော်လည်း ဒီလောက်များပြားလှတဲ့ အမျိုးအမည်တွေကြားမှာ Stand Out ဖြစ်ဖို့ရာကတော့ ဆက်လက် စောင့်ကြည့်ရဦးမှာဖြစ်တဲ့အပြင် Huawei ဟာ Laptop Line Up မှာတော့ အစိမ်းသက်သက် ဖြစ်နေသေးတယ်လို့တော့ ကျွန်တော်မြင်ပါတယ်။

credit & ref : cnet.com

Read More

Youtube ရဲ့ Theme ဒီဇိုင်းအသစ်

Youtube ရဲ့ Interface အသစ်အဆန်းနှင့် အပြောင်းအလဲမဖြစ်တာ အတော်ကြာပါပြီ။ တချို့လည်း ပျင်းနေလောက်ရောပေါ့။

မကြာခင်ကပဲ Youtube ဟာ သူရဲ့  ပြောင်းလဲထားတဲ့ အသွင်အပြင် အသစ်တွေကို Preview အဖြစ် ရယူ သုံးစွဲနိုင်နေပြီဆိုတာကို ကြေငြာခဲ့ပါတယ်။ ဒီတော့ ဘာတွေပြောင်းလဲထားလဲဆိုတာရယ် ဘယ်လို ရယူနိုင်မလည်းဆိုတာကို ကြည့်လိုက်ရအောင်။

Google ဟာ Android အောင်မြင်လာပြီးနောက်ပိုင်းမှာ သူ့ရဲ့ ကိုယ်ပိုင်ဟန်နှင့်အတူ Material Design ဆိုတာကို မိတ်ဆက်ခဲ့ပါတယ်။ အခုတစ်ခါလည်း Material ဒီဇိုင်းနှင့်အတူ Youtube ကို ပြန်လည်ဆန်းသစ်ဖို့ လုပ်နေပါပြီ။ Polymer Framework ကိုသုံးပြီးတည်ဆောက်ထားတဲ့ ဒီဇိုင်း အသွင်အပြင်အသစ်မှာဆိုရင် သပ်ရပ်သန့်ရှင်းပြီး ကိုယ်ကြည့်ချင်တဲ့ Video တွေကို အလွယ်တကူ လျင်လျင်မြန်မြန် နှင့် ရှာဖွေကြည့်ရှုနိုင်အောင် မြန်ဆန်လှပါတယ်။

Youtube Official Blog မှာဆိုရင်တော့ သူ့ရဲ့ ဒီဇိုင်း သွင်ပြင် ပြောင်းလဲတည်ဆောက်မှုကို အခုလို ဖော်ပြထားပါတယ်။

• Simplicity: ရိုးရှင်းမှုနှင့်အတူ မိမိကြည့်ချင်တဲ့ Video တွေကို လွတ်လပ်ပေါ့ပါးစွာကြည့်ရှုနိုင်ပါတယ်။
• Consistency: အသစ်တည်ဆောက်ထားတဲ့ ဒီဇိုင်းအသွင်အပြင်အသစ်ဟာ Google Platforms တွေအားလုံးနှင့် လိုက်လျောညီထွေမှုရှိပြီး ယခင်အတိုင်း Features ပေါင်းများစွာနှင့်အတူ ဆက်လက်အသုံးပြုနိုင်မှာဖြစ်ပါတယ်။
• Beauty: လှပတဲ့ အသွင်အပြင်နှင့်တည် ဆောက်ထားတဲ့အပြင် မြန်ဆန်တဲ့ Browsing ကို ရရှိမှာဖြစ်ပါတယ်။

သူများတွေထက် အရင်ဆုံး ရယူအသုံးပြုလိုတယ်ဆိုရင်တော့ youtube.com/new ကိုသွားပြီးတော့ Try Button ကိုနှိပ်ပြီး ရယူနိုင်မှာဖြစ်ပါတယ်။ ယခင် အဟောင်းကို ပြန်လည်ရယူလိုတယ်ဆိုရင်တော့ အကောင့် icon ကိုနှိပ်ပြီးတော့ Restore Classic ကိုနှိပ်ပြီး ပြန်လည်ရယူနိုင်ပါတယ်။

Read More