Bluetooth 5.0 နှင့် Samsung Galaxy S8/S8 Plus

Samsung Galaxy S8/S8 Plus မှာ အတော်များများ သတိမထားမိသေးတဲ့ အရာတစ်ခုကတော့ Bluetooth 5.0 ဖြစ်ပါတယ်။ အခုချိန်မှာက အားလုံးသိကြတဲ့အတိုင်း တစ်ခုခု Share တော့မယ်ဆိုရင် Zapya ပဲသိကြတော့တဲ့ခေတ်ကိုး။ တစ်ချိန်တုံးကလို Bluetooth ဖွင့် ဖိုင်ပို့တဲ့ ခေတ်က ကုန်သွားပြီလေ။ ဒါပေမယ့်လည်း နည်းပညာတိုးတက်မှုတွေအရတော့ တစ်ခုပြီး နောက်တစ်ခုက အဆင့်မြင့်လာမှာဆိုတော့ အခုလည်း Bluetooth ကို အဆင့်မြှင့်လာလိုက်တာ 5.0 တောင်ဖြစ်လာခဲ့ပါပြီ။ နောက်ပြီး လက်ရှိ Bluetooth 5.0 သုံးထားတာကလည်း Samsung Galaxy S8/S8 Plus  က ကမ္ဘာ့ပထမဦးဆုံးဖြစ်ပါတယ်။

အဓိကအားဖြင့်တော့ လက်ရှိခေတ်ကာလမှာ Bluetooth ဆိုတာကို နားကျပ်နှင့် ချိတ်ဆက်တာအပြင် အခြားသော Bluetooth ပါဝင်တဲ့ ပစ္စည်းတွေနှင့် ချိတ်ဆက်တာမှာသာ အသုံးပြုလာကြပါတယ်။ အခု နောက်ဆုံး ဗားရှင်းဖြစ်တဲ့ Bluetooth 5.0 ရဲ့ ထူးခြားချက်တွေကတော့ Bluetooth Speakers တွေနှင့်ချိတ်ဆက်ပြီး အသုံးပြုတဲ့အခါ အသံပိုင်းအရည်အသွေးတွေ ပိုမိုကောင်းမွန်လာမှာဖြစ်ပြီး၊ ၂ ဆအထိ လျင်မြန်စွာချိတ်ဆက် ဆောင်ရွက်နိုင်တဲ့အပြင် ယခင် ဗားရှင်းတွေထက်ကို လေးဆ ပိုမို ဝေးလံစွာ ချိတ်ဆက်အသုံးပြုနိုင်မှာဖြစ်ပါတယ် (အတိအကျအားဖြင့် မီတာ ၂၄၀ ( ပေ ၈၀၀ ) အထိ ချိတ်ဆက်အသုံးပြုနိုင်မှာဖြစ်ပါတယ်။ ( အကွာအဝေးနှင့် အရည်အသွေးကတော့ ပတ်ဝန်းကျင်နှင့် Block ဖြစ်နိုင်တဲ့ အခြေအနေတွေအပေါ်မှာ မူတည်ပြီး ကွာခြားပါလိမ့်မယ်။ ) Wifi လိုမှ မဟုတ်ပဲကိုး !!!

 ပိုမိုပြီး ထူးခြားတာကတော့ လက်ရှိ ကမ္ဘာ့ပထမဦးဆုံး Bluetooth 5.0 အသုံးပြုထားတဲ့ Galaxy S8/S8 Plus ဟာဆိုရင် တစ်ချိန်တည်းမှာပဲ Wireless Headphones (ဒါမှမဟုတ်) Bluetooth Speakers နှစ်လုံးကို ချိတ်ဆက် ပြီး သွားလေရာမှာ သံစုံတီးဝိုင်းထောင်လို့ရမှာဖြစ်ပါတယ်။ အရင်ကလို Stereo Bluetooth SONOS ကို ဆေးကြီးပေးဝယ်စရာမလိုတော့ပဲ ကိုယ်နှစ်သက်ရာ Brand တွေနှင့် စိတ်ကြိုက် ချိတ်ဆက်ပြီး ရောက်လေရာမှာ Party ကောင်းကောင်းပေးလို့ ရပြီပေါ့ဗျာ။

MKBHD က YouTube Video Review လေးကိုလည်း အောက်မှာမျှဝေပေးလိုက်ပါတယ်။

Read More

အမျိုးမျိုး အထွေထွေသော ဂိမ်မာများ (SEA SERVER)

1. CopyCats:

များသောအားဖြင့် ဒီလိုဂိမ်မာမျိုးတွေဟာ ကျန​ော်တို့ အာရှဆာဗာဘက်က သူတွေမှာပဲတွေ့ရတယ်။ ဒီလို ဂိမ်မာတွေဟာ Youtube ဒါမှမဟုတ် Streaming Channels တွေက ပရို ကစားသမားတွေကိုကြည့်ပြီးလိုက်တုပကစားကြတာဖြစ်တယ်။ ဒါပေမယ့် သူတို့တွေမှာ လုံလောက်တဲ့ အရည်အချင်းမရှိတဲ့အတွက် ပရိုတွေလို လိုက်ကစားတာဟာ ပွဲတစ်ခုလုံးကို စုတ်ပြတ်သတ်နေအောင်ရှုံးတော့တာပါပဲ။

ဥပမာအားဖြင့် ပြောရရင် - Medusa ကို Phase Boots, MoM နှင့် Divine Rapier တို့ ထည့်ကစားခြင်းမျိုးပေါ့ဗျာ။ န​ောက်ပြီးရင် သူတို့ Divine ကြီးပြုတ်ကျပြီး တစ်ဖက်ရန်သူ Ember Spirit တို့ကရသွားပြီး ကိုယ့်ဘက်ကို ပြန်အကျုံးခံရတာမျိုးပေါ့။ သေချာတာကတော့ သူများ ပရို ပွဲတွေကြည့်ပြီး လိုက်တုကစားတာပဲဖြစ်ရမယ်။

2. False Leaders :

တခါတလေတွေ့ဖူးမှာပါ ဂိမ်းကမစသေးဘူး ဘယ်သူဘာယူဆိုပြီး ရှိရှိသမျှလူ လိုက် အမိန့်ပေးနေတတ်တဲ့သူမျိုးတွေ။ များသောအားဖြင့် သူလိုလူမျိုးတွေပြောတတ်ကြတာက ဘယ်သူဘာလုပ် ရင် ပိုကောင်းမယ်ဆိုတာမျိုးပေါ့ ဒါပေမယ့်လည်း ဘယ်သူမှသူ့စကားနားမထောင်ကြပါဘူး သူပြောသမျှက တော်တော်အာရုံနောက်ဖို့ကောင်းတာကိုး။ ဂိမ်းကစားတာ ရှုံးလာပြီ ဆိုလို့ကတော့ တစ်ပွဲလုံးတွေ့တဲ့သူ လိုက် အပြစ်တင်နေတော့တာပဲ ပွဲပြီးသွားရင်တောင် ရသမျှ report ထုသွားသေးဗျာ။

3. Those you Fuc**d Your Mom Last Night :

တစ်ခါတစ်လေ ဂိမ်းကစားနေရင်းနှင့် စကားများကြဖူးမှာပါ။ စကားများနေရင်းကနေ ဆဲဆိုပြီး အပြင်မှာတွေ့ ထိုးမယ်ဆိုတဲ့သူမျိုးတွေလည်း များသား။ အဲ့ထဲမှာ တကယ့် အသက်အရွယ်လည်းရှိကြပြီဖြစ်တဲ့ သူတွေကတော့ ခဏတဖြုတ်ပဲ ပြီးရင် ကိုယ့် ဂိမ်းမှာပဲ အာရုဏ်စိုက်ကစားကြတာပါ။ ဒါပေမယ့်လည်း တချို့သော ကလေကဝ နှင့် ကလ​ေးပ​ေါက်စ များသောအားဖြင့် ၁၀ နှစ်အောက်လေးတွေကတော့ သိကြတဲ့အတိုင်း open mic ကြီးဖွင့်ပြီး ပြောချင်တာဆက်ပြောနေကြတော့တာပါပဲ။ နောက်ပြီး ဒီကြားထဲ သူ့အမေက ထထဆူနေတဲ့အသံကြီးပါကြားနေရသေး။ ပြောနေတဲ့ စကားတွေကလည်း သူကပဲ Na'Vi' Dendi သင်ပေးထားသလိုလို က ပါသေးတယ်။ အကောင်းဆုံးကတော့ အဲ့လို မျိုးလူ ပါလာခဲ့ရင်တော့ Mute သာ လုပ်ထားလိုက်တော့ .....

4. Retard Supports :

ဒီလို ဂိမ်မာတွေ SEA မှာ အများဆုံးလို့ ပြောရမလားပေါ့နော်။ သူတို့တွေ အယူများတဲ့အကောင်တွေက Dazzle နှင့် Omni Knight တို့ဖြစ်ပြီးတော့ အစပိုင်းတော့ ခင်ဗျားထင်မှာပေါ့ အိုး ငါတော့ Support ကောင်းကောင်းရပြီဆိုပြီးတော့။ ဒါပေမယ့်လည်း မကြာပါဘူး သူတို့ရဲ့ item build ကို ကြည့်ပြီး ခင်ဗျား Shock တောင်ရသွားဦးမယ်။ ခင်ဗျား မေးလိုက်ရင် သူတို့ပြန်ဖြေတာက ကိုယ့်ဘက်က Carries တွေအသုံးမကျလို့ သူလို(noob support) က Carry ကစားဖို့အတွက် Farm ရမယ်ဆိုပဲ .... 😅😅

5. Regular Players:

SEA မှာ တွေ့ရခဲတဲ့ ဂိမ်မာတွေပါ (ကျနော်လည်းပါတယ်) 😄😄။ MMR 0-3000 ကြားရှိတဲ့ သူတို့ရဲ့ Screen Shot တွေကို Social Network တွေမှာတင်လေ့ရှိပြီးတော့ အများဆုံးကတော့ ၁၀ ကောင်မှာ ၉ ကောင်လောက်က Carries တွေကိုင်ကြပါတယ်။ အဲ့လိုလူမျိုးတွေကတော့ သေချာတယ် ပုံမှန် ဂိမ်းကစားတဲ့သူတွေပဲ။

6. Stupid Random-ers :

အတော်လေးတော့ ရှားတယ်ဗျ။ ဒါပေမယ့်လည်း ခုချိန်ထိ တွေ့နေရတုန်းပဲ။ ဒီလို ကစားသမားတွေက ဘာလုပ်လည်းဆိုတော့ ပွဲစလို့ Hero ရွေးရင် Random လုပ်လိုက်တယ်။ ပွဲလည်းစရော သူတို့လိုချင်တဲ့ Hero မရဘူးဆိုပြီးတော့ One on One Swap ခိုင်းတယ်။ စတာနှင့် ဆေးတန်းထိုးပြီးတော့ မကြာပါဘူး ကိုယ့် ဘက်က အသုံးမကျဘူးဆိုပြီး တစ်ဖက်ကိုသွားသွားပြီး ထိုးကျွေးကြတာပဲ။ ပြောလိုက်ရင်တော့ အမြဲတမ်း ကိုယ့် Team အသုံးမကျဘူးဆိုတာပဲ။ တကယ်တော့ သူက စတည်းက ဆေးအကြီးကြီး ထိုးလာတာ။

7. Smurf-ers :

တစ်ချို့ကျတော့လည်း တော်တယ်ဒါပေမယ့် ကောင်းကောင်းမကစားဘူး တခြားသူငယ်ချင်းတစ်ယောက်ကို MMR တင်ပေးနေတာမျိုးလည်း ရှိတယ်။ သူတို့တွေရဲ့ Game Sense ဟာကောင်းပြီးတော့ ပွဲတစ်ခုလုံးကို Funny လုပ်ပြီးတောင်ကစားနိုင်တယ်။ သူတို့ကို ပြန် kill ဖို့ဆိုတာ တော်တော်မလွယ်တာ။ ဒီလို ကစားသမားမျိုးတွေ့ခဲ့ရင် ကျတော့ ကိုယ့်ဘက်ကနေ သူ့ကို ဆေးနည်းနည်းထိုးလိုက်ပြီးရင် အသားနားခံလိုက်တာနှင့် နိုင်ဖို့ သေချာသွားပြီ။

8. Those who Beat Dendi in 1v1 :

ဒီလို ဂိမ်မာတွေကျတော့ သူတို့ပြောတဲ့စကားနှင့်တင် လေပိသေနိုင်လောက်တယ်။ တခါတလေ အဲ့လို ဂိမ်မာတွေက သူတို့ရဲ့ ဂိမ်းကစားပုံကို ကြည့်စရာတောင်မလိုဘူး။ သူတို့ရဲ့ Eng Skill ကို ကြည့်တာနှင့်တင် သေလို့ရတယ်။ အောက်က ပုံကို သာ ကြည့်ကြပေတော့ ....

9. Awesome players :

SEA က သူငယ်ချင်းတချို့ကတော့ ပြောကြတယ် အဲ့လို မျိုးတွေ မတွေ့ဖူးပါဘူးတဲ့။ ကျနော်ကပဲ ကံမကောင်းအကြောင်းမလှလို့ ဆုံနေရတာလားတော့မသိဘူးဗျာ။ သေချာတာကတော့ အထက်က ပြောခဲ့တဲ့ ဂိမ်မာတွေ ရှိကိုရှိတယ်။ ဒါပေမယ့်လည်း အခုတလောဆိုရင်တော့ တော်တော်လေးကို ရှားလာပါပြီ။ Uranium ထက်ကို ရှားလာတယ်လို့ကိုဆိုရမှာပါ။ မနေ့ကပဲ တွေ့သေးတယ် တစ်ယောက်။ တကယ်တော့ ဂိမ်းကစားတဲ့အခါမှာ ကိုယ့် ကျရာနေရာကနေ တာဝန်အပြည်အဝယူပြီး Team Work စိတ်ဓါတ် အပြည့်ရှိရှိ ကစားတာက အကောင်းဆုံးပါ။ ကိုယ်တတ်နိုင်သမျှ Support ဆိုလည်း Support အနေနှင့် လိုအပ်တာ လုပ်ပေးပြီးတော့ ကိုယ်က Carry ကစားရင်လည်း ကိုယ့်ကို Support လုပ်ပေးမယ့် ကစားသမားတွေကိုပဲ လိုချင်ကြမှာပါ။ နောက်ပြီး မမှားသောရှ​ေ့နေမသေသော ဆေးသမားလိုပဲ ကိုယ်က မှားခဲ့ရင်လည်း ကိုယ့်ကို နားလည်မှုပေးပြီး သူများမှားခဲ့ရင်လည်း သည်းခံပေးရမှာပါ။ ဒါမှလည်း ဂိမ်းကောင်းကောင်းတစ်ပွဲ ဖြစ်လာမှာလို့ ကျနော်တော့ ယုံကြည်ပါတယ်။ ဒီတော့ Awesome ကစားသမားတွေဖြစ်ပြီးတော့ MMR တွေလည်း ကောင်းကြပါစေလို့ ဆုတောင်းပေးလိုက်ပါတယ်။

Ref : http://hotnewgaming.tk/index.php/2017/04/09/9-types-of-dota-2-gamers-youll-find-on-sea-server/

Read More

Windows 10 Upgrade ကို အခမဲ့ ပြုလုပ်နိုင်သေး

အခုဆို Windows 10 Free Upgrade Offer ဟာ တရားဝင် ပြီးဆုံးသွားခဲ့ပြီဆိုတာ အားလုံးသိကြမှာပါ။ သို့ပေမယ့်လည်း Microsoft ဟာ အခုချိန်ထိ အခွင့်အရေးတစ်ခု ပေးထားတုံးပဲဆိုတာကို ကျနော် အားလုံးကို မျှဝေချင်ပါတယ်။

လွန်ခဲ့တဲ့ ၂ ရက်ကပဲ ကျွန်တော်ကိုယ်တိုင် Windows 7 Sp1 ကနေပြီးတော့ Windows 10 ကို Upgrade ပြုလုပ်ခဲ့ပါတယ်။ Upgrade မလုပ်ခင်မှာ အဓိက လိုအပ်တာတွေကတော့ Computer Hardware လိုအပ်ချက်အပြင် Upgrade ပြုလုပ်မယ့် ကွန်ပျူတာမှာ Windows 7 Sp1 သို့မဟုတ် Windows 8.1 Install ပြုလုပ်ထားမှသာလျင် Windows 10 ကို upgrade ပြုလုပ်နိုင်မှာဖြစ်ပါတယ်။

Microsoft ဟာ Windows 10 Free Upgrade Offer ကို Assistive Technology သုံးစွဲသူတွေအနေနှင့် အခမဲ့ ရရှိနိုင်သေးတယ်လို့ သူ့ရဲ့ Website လင့်ခ်မှာ ဖော်ပြထားပါတယ်။ Assistive Technology တွေဟာဆိုရင် အများနည်းတူ ကွန်ပျူတာကို အသုံးမချနိုင်သူတွေအတွက် အထောက်အပံ့ပေးမယ့် နည်းပညာတစ်ခုဖြစ်ပြီး Windows 10 မှာဆိုရင် ဒီ နည်းပညာတွေကို အများကြီး အဆင့်မြှင့်တင်ထားတယ်လို့ သိရပါတယ်။ ကျနော် ပုံမှန် အသုံးပြုဖြစ်တာကတော့ On Screen Keyboard ပဲ ။ 👍👍

Windows 7 SP 1 နှင့် Windows 8.1 ရှိသူတွေအနေနှင့်ကတော့ Windows 10 free upgrade for customers who use assistive technologies ကို သွားပြီးတော့ installer ကို Download ပြုလုပ်ကာ Windows 10 Upgrade ကို အခမဲ့ ရယူနိုင်ပါတယ်။

Install ပြုလုပ်ရတာလည်း အလွန်လွယ်ကူရိုးရှင်းပြီး အဆင့်ဆင့် ပေါ်လာတဲ့ instructions တွေအတိုင်းပြုလုပ်ရုံပါပဲ။

Windows 10 Upgrade လုပ်ပြီးသွားရင် Softwares တွေအတော်များများကတော့ ပုံမှန်အတိုင်းပဲ ပြန်လည်အသုံးပြုနိုင်မှာဖြစ်ပြီး။ Drivers တွေအားလုံးကိုတော့ ပြန်ပြီး Update ပြုလုပ်ပေးမှ ကွန်ပျူတာသုံးရတာ ပိုပြီးအ ဆင်ပြေပါလိမ့်မယ်။ Good Luck ✌

Read More