Xiaomi ရဲ့ ပထမဦးဆုံး laptop $750 Mi Notebook Air

Check The Specification At The End of the Post ! Thanksသန်း ၁၁၀ ကျော် Redmi ပေါင်းများစွာ ကမ္ဘာတစ်ဝှမ်းရောင်းချခဲ့ရတဲ့ Mi ဟာအခုဆိုရင် ဒီနေ့မှာပဲ သူရဲ့ အဓိက Flagship ဖုန်းတစ်မျိုးဖြစ်တဲ့ RedmiPro ဗားရှင်းအသစ်ကိုလည်း ထပ်မံမိတ်ဆက်လိုက်ပြန်ပါပြီ။ ကင်မရာ ၂ လုံးပါဝင်ပြီး OLED Display ကိုအသုံးပြုထားပါတယ်။ ဒါ့အပြင် အများစောင့်မျှော်နေကြတဲ့ MiNotebookAir! ဟာဆိုရင်လည်း အများအလယ်မှာ လှပသပ်ရပ်ပြီး ပေါ့ပါးလှတဲ့ notebook တစ်လုံးအဖြစ်နှင့် မြင်တွေ့ခဲ့ရပြီဖြစ်ပါတယ်။ ပေါ့ပါးပြီး metal အသုံးပြုထားတဲ့ Body အပြင် စွမ်းဆောင်ရည်မြင့်မားတဲ့ Spec တွေနှင့်အတူ မိတ်ဆက်ခဲ့တာပဲဖြစ်ပါတယ်။ နောက်ပြီး 13.3" ကို (RMB 4999) နှင့် 12.5" (RMB 3499) နှင့် ၂ မျိုး ၂ စား ဝယ်ယူနိုင်မှာဖြစ်ပါတယ်။
 ဒီနေ့မိတ်ဆက်ခဲ့တဲ့အထဲမှာ ရော သင်အကြိုက်ဆုံးက ဘာဖြစ်လိမ့်မလဲ ?ကျနော့် အကြိုက်ဆုံးအရ Mi Notebook အကြောင်းကို အဓိကထားပြီး ရေးချင်ပါတယ်။ ပထမဦးဆုံး Notebook လောကထဲစပြီး ခြေချတဲ့ Device လည်းဖြစ်နေတာလည်း တစ်ခုအပါအဝင်ပေါ့ဗျာ။

Event တစ်ခုမှာ ထုတ်ကုန်တစ်ခုပဲပြလိမ့်မယ်ဆိုရင်တော့ ဒါဟာ Xiaomi မဟုတ်တော့ဘူးလို့ ပြောရမလိုပဲ ပွဲလုပ်လိုက်တိုင်းမှာ ထုတ်ကုန် ကိုတစ်ခုထက်မနည်းမိတ်ဆက်ခဲ့တယ်ဆိုတာကိုလည်း Mi Fan တွေအားလုံး အသိဖြစ်မှာပါ။ Redmi Pro အပြင် ပထမဦးဆုံးသော Company ရဲ့ Laptop Line ထဲကို ( Mi Notebook Air-running on WIndows 10) နှင့်အတူ စတင်ခြေချခဲ့တဲ့ စိတ်ဝင်စားစရာ ပွဲတစ်ခုဖြစ်ခဲ့ပါတယ်။ စွမ်းဆောင်ရည်မြင့်မားတဲ့ ၁၃.၃ လက်မ အပြင် ပိုမိုပေါ့ပါးပြီး စွမ်းဆောင်ရည်ကောင်းတဲ့ ၁၂.၅ လက်မ ကိုပါ မိတ်ဆက်ခဲ့ပါသေးတယ်။ ပေါ့ပါးပြီး 1080 Res Display နှင့် ကျဥ်းမြောင်းတဲ့ မှန်ဘောင်လေးကလည်း (1 Megapixle Webcam ကိုအားဖြည့်ထားပြီး) ဆွဲဆောင်မှုရှိသလို၊ Backlit keyboard, metallic design ဖြစ်တဲ့ USB Type-C အားသွင်းပေါက်တို့အပြင် အရောင်မှာဆိုရင်လည်း Gold, Silver တို့က Mi Fan တွေကို အသည်းတယားယားဖြစ်အောင် ဆွဲဆောင်နေမှာတော့အမှန်ပါပဲ။ (တခြားမပြောနှင့် ကျနော်လို Mac ကို ဈေးကြီးပေးဝယ်ထားရတဲ့သူတောင် အခုလို စွမ်းဆောင်ရည်မျိုးနှင့် စွဲဆောင်မှုလည်းပိုကောင်းတာတွေ့လိုက်ရတော့ အတော်လေးကို မနာလိုတောင် ဖြစ်မိပါတယ်ဗျာ ဤကား စကားချပ်) ကြွားတယ်ထင်ရင် ကျော်သွားပါနော် ကျနော်က တကယ်ပြောတာပါ။

ဟုတ်ပြီ ထပ်ပြီး ဆက်ရဦးမယ်ဆိုရင် -
၁၃.၃ လက်မ မော်ဒယ် ဖြစ်တဲ့ Mi notebook ဟာ ၁၄.၈ မီလီမီတာသာ ရှိပြီး ၁.၂၈ ကီလိုဂရမ်အထိပေါ့ပါးပါတယ်။ CPU မှာဆိုရင် Core i5-6200U (up to 2.7 GHz) ကိုအသုံးပြုထားပြီး Mac သုံးနေတဲ့သူတစ်ယောက်အနေနှင့် Mac ကို လွင့်ပစ်ချင်လောက်အောင် အားကျမိတာကတော့ GPU-Nvidia Geforce 940MX (1 GB GDDR5 RAM ) ကို သုံးထားတာကြောင့်ပါပဲ။ ပြောစရာမရှိအောင်ကို Mac ၁၃ လက်မထက် ပိုပြီးပေါ့ပါးကြောင်း၊ ပို၍ပါးကြောင်းဆိုတာတွေပြောနေရင်တော့ အပိုတွေတောင်ဖြစ်သွားမှာပါ။ 8 GB DDR4 RAM ပါဝင်ပြီး 256 SSD PCIe နှင့် SATA ပေါက်တောင် အလွတ်တစ်ပေါက်ပါဦးမှာဖြစ်ပါတယ်။(but only serviced by Xiaomi)။

၄၀ ဝပ် သုံးစွဲထားတဲ့ Battery ဟာ ၉ နာရီ ခွဲအထိ သင့်ကို စိတ်အနှောက်အယှက်မရှိပဲ သုံးစွဲခွင့်ရစေမှာဖြစ်ပါတယ်။ ဒါ့အပြင် Battery ကို နာရီဝက် အားသွင်းရုံဖြင့် ၅၀ ရာခိုင်နှုန်းအထိ ရရှိမှာဖြစ်ပါတယ်။ USB-C အားသွင်းစနစ်ကို ကျေးဇူးတင်ရမှာပါပဲ။

နည်းနည်းသေးတဲ့ ၁၂.၅ မော်ဒယ်မှာတော့ ပိုပြီးပါးလာတယ် ပေါ့လာတယ်၊ နောက်ပြီး CPU မှာတော့ Core M3 CPU ကိုသုံးစွဲထားပါတယ်။ dedicated GPU တော့မပါ လာပါဘူး integreted ကိုပဲအားကိုးရမှာပါ။ 4 GB Ram နှင့် SATA သုံး 128 SSD ပါဝင်ပါတယ်။ PCIe Slot အလွတ်တစ်ပေါက်ပါဝင်ပြီး နောက်ပိုင်းမှာတော့ Xiaomi က ထပ်ပြီး Upgrade လုပ်မယ့်သဘောမှာရှိပါတယ်။ USB 3.0 ကတော့ တစ်ပေါက်ပဲပါဝင်ပါတယ်။ HDMI လည်း အသုံးပြုလို့ရပါသေးတယ်။ ဒီမော်ဒယ်မှာ ကောင်းတာကိုကွက်ပြောရရင် တော့ ၂ နာရီ ဘက္ထရီ ပိုခံပါတယ်။ ဈေးနှုန်းမှာလည်း 3499 ယွမ် ($520) ပဲရှိပါတယ်။

ဟူး ဒီ ပိုစ့်ကို ရေးရင်းနှင့် Mac ကြီးကို ကိုင်ပေါက်ချင်လာပြီ။ ကိုယ် စထားတာတော့ ကိုယ်ပဲ အဆုံးသတ်ရမှာဆိုတော့ နောက်ဆုံးအနေနှင့် အခုချိန်ထိ တရုတ်မှာတော့ သြဂုတ်လ ၂ ရက်နေ့နောက်ပိုင်းမှာ ဝယ်ယူရရှိနိုင်ပါမယ်။ တခြား နိုင်ငံတွေမှာတော့ ဘယ်ချိန်ရရှိမလည်းဆိုတာတော့ စောင့်မျှော်ကြပါဦးလို့ ပြောချင်ပါတယ် Mi Fan တို့ရေ။

Mi Notebook Air 13.3"- Intel Core i5 processor, runs Windows 10 Home
- 8GB DDR4 RAM + 256GB PCIe SSD, expandable SSD slot
- NVIDIA GeForce 940MX dedicated graphics card
- 9.5-hour battery, 50% charge in 30min
- Lightweight full metal body, weighs just 1.28kg
- Elegant logoless design, personalize with stickers
- Supports Mi Cloud Sync and Mi Band unlocking

Mi Notebook Air 12.5"- Sized like a magazine, just 12.9mm thin
- Full metal body, only weighs 1.07kg
- Intel Core M3 processor, 11.5-hour battery
- 4GB RAM + 128GB SATA SSD, expandable SSD slot
- 1080p FHD screen, edge-to-edge protective glass
- AKG custom dual speakers, Dolby digital surround sound

Scripts From : engadget.com, Mi Facebook Page Global.

Read More

Mac သုံးသူတွေ သတိကပ်ဖို့

ပထမဦးဆုံးသော Mac Ransomware တစ်ခုကို ဒီ နှစ် အစောပိုင်းမှာ Bitdfender Labs ကနေ တွေ့ရှိခဲ့ပြီး နောက်တစ်ကြိမ် ထပ်မံတွေ့ရှိရတဲ့ ဒုတိယမြောက် Backdoor.MAC.Elanor ကိုတော့ Public ကို ချပြခဲ့ပါတယ်။ Malware Application ဟာဆိုရင် လူသုံးများကြတဲ့ MacUpdate လိုဆိုဒ်မျိုးမှာတောင် တွေ့နိုင်ပါတယ်။

ဒီ Backdoor ဟာဆိုရင် Converter အတု အနေနှင့် သင့်ရဲ့ Mac ထဲမှာ ရှိနေနိုင်ပြီဂတော့ Online မှနေပြီး ပြင်ပ Download Sites တွေကနေ ဝင်ရောက်နိုင်တာဖြစ်ပါတယ်။ ဒီ EasyDoc Converter.app လိုခေါ်တဲ့ App ဟာဆိုရင် Drag and Drop File Converter တစ်ခုဖြစ်ပြီး တကယ်တမ်းဘာအလုပ်မှမလုပ်တဲ့ App တစ်ခုဖြစ်ပါတယ်။ ဒါပေမယ့် နောက်ကွယ်မှာတော့ အန္တရာယ်တွေရှိတဲ့ ထိန်းချုပ်မှုတွေကို ပြုလုပ်နိုင်အောင် လိုအပ်တဲ့ အရာတွေကို လုပ်ဆောင်ပါတယ်။ ဒါဟာဆိုရင် သင့်ရဲ့ ဒေတာအချက်အလက်တွေအပြင် ပြင်ပမှ သင့်ရဲ့ Mac ကိုလည်း ထိန်းချုပ်လို့ရစေပါတယ်။ နောက်ပြီး Webcam အပြင် အခြားသော အရာများစွာကိုလည်း လုပ်ဆောင်နိုင်စေပါတယ်။

Bitdefender ကတော့ သူတို့ရှိတွေ့ခဲ့တဲ့ EasyDoc Converter ဆိုတဲ့ App ဟာဆိုရင် နောက်ကွယ်မှာ Tor hidden Service တွေကို လုပ်ဆောင်စေပြီး ဒီ Backdoor က လုပ်ဆောင်နိုင်တဲ့အရာတွေဟာဆိုရင် အကန့်အသတ်မရှိဘူးလို့တောင် ဆိုပါတယ်။

နောက်ပြီး အခုလို Malware မျိုးဟာ ရှာဖွေတွေ့ရှိဖို့ခက်ခဲပြီး အလွန်ကိုအန္တရာယ်များကြောင်းနှင့် မိမိ Mac ကို တိုက်ခိုက်သမှ အလုံးစုံ ထိန်းချုပ်မှုများပြုလုပ်နိုင်ကြောင်းလဲ သိရပါတယ်။ ဥပမာအားဖြင့် - သင့်ကို System အတွင်းမှ Lock out လုပ်ပစ်နိုင်ခြင်း၊ သင့်အား ခြိမ်းခြောက်သော Blackmail များ ပို့ခြင်းအပြင် သင့်ရဲ့ Mac ကိုအသုံးချပြီး အခြားအရာတွေကို ပါ တိုက်ခိုက်နိုင်တဲ့ Botnet အဖြစ်လည်းပြောင်းလဲလိုက်နိုင်ပါတယ်။ ဖြစ်နိုင်ခြေတွေကိုပြောရရင်တော့ ဆုံးမှာကိုမဟုတ်တော့ပါဘူး။

ဒီကြားတဲ့ သတင်းကောင်းတစ်ခုက ဒီ App ဟာ Apple Developer ID နှင့် Sign မလုပ်ထားတဲ့အတွက် သင်ဟာ Mac Store က App တွေကိုပဲသုံးနေသ၍ကတော့ လုံခြုံစိတ်ချစွာအသုံးပြုနိုင်ပါတယ်။ နောက်ပြီး Unknown Developers App တွေကို Block လုပ်ထားသင့်ပါတယ်။ နောက်ပြီး လိုအပ်လို့ ပြင်ပ ဆိုဒ်တွေကနေ Download ဆွဲအသုံးပြုမယ်ဆိုရင်လည်း သတိထားပြီး သုံးစွဲဖို့အကြံပြုလိုက်ပပါတယ်ဗျာ။ ကိုယ့် Mac လေးတွေကို ကိုယ်ဂရုစိုက်ကြပါလို့။ အသေးစိတ်အစီရင်ခံစာ ကတော့ Bitdefender မှာ ဖတ်ကြည့်နိုင်ပါတယ်။ လင့်ကတော့ Bitdefender ဒီမှာပါ။

Read More

iOS 10 ရဲ့ ပြောင်းလဲမှုတစ်ခု

ပြောင်းလဲမှုဆိုလို့ iOS မှာပြောစရာ Lock Screen လို့ပဲဆိုရမလား။ iOS 10 ကို Update လုပ်လုပ်ပြီးချင်း သင်ပထမဦးဆုံးတွေ့မြင်ရမယ့်အရာဖြစ်ပါတယ်။ အောက်မှာရှိတဲ့ Video Walkthrough လေးကို ပြန် Share ပေးလိုက်ပါတယ်။

Bolder font

စာလုံးတွေပိုပြီးထင်ရှားနေတယ် (Bold) ဖြစ်နေတာကိုသတိထားမိမှာပါ။ နောက်ပြီး အခြားသော app တွေဖြစ်တဲ့ Music app တွေမှာဆိုရင်လည်း fonts တွေက ပိုပြီးထူနေတာကိုသတိထားမိမှာပါ နောက်ပြီး Lock Screen က နာရီမှာနှင့် ရက်စွဲမှာလည်း ပိုထင်းပြီး ထူနေတဲ့ fonts တွေကိုမြင်တွေ့ရမှာပါ။

Slide To Unlock

iOS သုံးလာတဲ့သူတိုင်း သိထားတဲ့ Slide To Unlock ဟာဆိုရင် ၂၀၀၇ ခုနှစ် Macworld ရဲ့ စင်ပေါ်မှာ Steve Jobs ကိုယ်တိုင် စတင်မိတ်ဆက်ခဲ့တဲ့ iPhone တည်းကိုက တွဲလျက် အခုချိန်ထိမပြောင်းလဲပဲ သုံးလာလိုက်ကြတာ။ အခုထွက်ရှိတော့မယ့် iOS 10 မှာတော့ မပါတော့ပါဘူး။ အဲဒီအစားကို iOS 10 မှာတော့ Press Home To Unlock ဖြစ်သွားပါတယ်။ ပြောချင်တာက သင်မှာ Touch ID ပါတယ်နောက်ပြီး လက်ဗွေဖတ်စနစ်ကိုလည်း ဖွင့်ထားမယ်ဆိုရင်တော့ တခါတည်း passcode ကိုကျော်ပြီး ပွင့်သွားမှာဖြစ်ပါတယ်။ အဲ့လိုမှမဟုတ်ပဲ လက်ဗွေဖတ်စနစ်ကို မလုပ်ထားဘူးဆိုရင်တော့ Home Button ကို နှိပ်လိုက်ရင် passcode screen ကိုရောက်သွားမှာဖြစ်ပါတယ်။

Video Work Through

Subscribe to YouTube channel for more in-depth video coverage

Lock Screen ရဲ့ ထိပ်မှာဆိရင် Status ဘားရှိမှဦဖြစ်ပြီး လက်ရှိအချိန်မှာ သင့်ဖုန်းဟာ Lock ဖြစ်နေတယ်ဆိုတဲ့ လက်ရှိအခြေအနေကို ပြနေတဲ့ Lock icon လေးကို မြင်ရမှာဖြစ်ပါတယ်။ Lock icon ရှိနေတယ်ဆိုရင်တော့ သင့်ရဲ့ Device ဟာ ပထဦးဆုံး unlock ပြုလုပ်ရမယ်လို့ဆိုလိုပါတယ်။ Lock icon ရှိမနေဘူးဆိုရင်တော့ အဓိပ္ပါယ်က သင့်ရဲ့ဖုန်းကို Home Button ကိုနှိပ်လိုက်တာနှင့် ပွင့်သွားမယ်လို့ဆိုလိုတာပါ။ Slide To Unlock ဆိုတာ iOS 10 ရဲ့ တစ်စိတ်တစ်ပိုင်းမဟုတ်တော့ပေမယ့် ဒီထက်ကောင်းတဲ့ Features လေးတွေကို သင် Video Workthrough ကြည့်ရင်တွေ့မှာပါ။

Raise to wake

iPhone 6s နှင့် iPhone 6s Plus တွေမှာ Touch ID 2 နှင့်ပတ်သက်ပြီး Complaints အတက်ဆုံးဖြစ်တဲ့  Home Key ဟာနှိပ်လိုက်တာနှင့် အရမ်းကိုမြန်လွန်းပြီး Passcode ကို Unlock လုပ်ကာ ပွင့်သွားတယ်ဆိုတဲ့အချက်ကို မေ့လိုက်လို့ရပါပြီ။ အကြောင်းက Phone ရဲ့ Home Button ပေါ်မှာ တကယ့်ကို ဖြေးဖြေးလေး ထိလိုက်ရင်တောင် unlock ဖြစ်ဖြစ်သွားတော့ မဖွင့်ချင်ပဲလည်း ပွင်နေရသလိုဖြစ်ဖြစ်နေတယ်ပေါ့။ ပုံမှန်အားဖြင့်တော့ မြန်တယ်ဆိုတာ ကောင်းတာပေါ့ ဒါပေမယ့် Lock Screen မှာ Notifications တွေ ပေါ်နေတာကို ကြည့်ဖို့ကျပြန်တော့ အခုလို မြန်မြန်ကြီး ပွင့်ပွင့်သွားတဲ့အခါ တချို့ Noti တွေဆိုရင် မသိလိုက်ဖူးဖြစ်သွားပါတယ်။

အခု လာမယ့် iOS 10 မှာတော့ ဖုန်းကို ကိုင်ပြီး မြောက်လိုက်တာနှင့် Screen ပွင့်လာမယ်ဆိုတော့ ဒီလိုပြဿနာနောက်မဖြစ်တော့ဘူးပေါ့ဗျာ။ နာမည်နှင့်လည်း လိုက်ပါတယ် ဖုန်းကို တကယ်ပဲ အသာလေး မြောက်လိုက်ရင်တောင် Display က ပွင့်လာပြီး Lock Screen မှာ Notification တွေကို မြင်တွေ့ရမှာဖြစ်ပါတယ်။ ဒီလိုဆိုတော့လည်း ဖုန်းကို ဖွင့်ချင်ရင်ပဲဖြစ်ဖြစ် Noti တွေကို သိချင်တာပဲဖြစ်ဖြစ် နောက်ဆို ခလုတ်နှိပ်စရာမလိုတော့ဘူးပေါ့ဗျာ။

Camera shortcut

နောက်တစ်ခု ထူးခြားတာက Camera ကို အရင်ကဆို ညာဘက်ထောင့်နား အောက်ကနေ အပေါ်ကို ဆွဲတင်လို်ကရင်ပဲ Camera ထဲကို Lock screen မှာတင်ပဲ ဝင်ရောက်အသုံးပြုနိုင်ပါတယ်။ iOS 10 မှာတော့ Lock Screen ကို ဘယ်ဘက်က ပွတ်ဆွဲလိုက်တာနှင့် Camera ကို အသုံးပြုနိုင်ပါလိမ့်မယ်။ Camera ကနေပြန်ထွက်ဖို့ကတော့ home button ကို ပြန်နှိပ်လိုက်ယုံပါပဲ။

Continuity app shortcuts work the same

နောက်တစ်ခုကတော့ iDevices တွေတစ်ခုနှင့်တစ်ခု ပြောင်းလဲအသုံးပြုတဲ့အခါ ကိုယ်လုပ်နေတဲ့ အလုပ်မပြတ်သွားစေတဲ့ Continuity feature ကိုသုံးရမယ့် app Shourt ကတော့ iOS 10 မှာ မပြောင်းလည်းပဲအရင်ကလို ဘယ်ဘက် အောက်နားလေးမှာပဲရှိနေတာဖြစ်ပါတယ်။

Notification Center

Notification Center ကိုလည်းအရင်ကလိုပဲ Lock Screen မှာပဲ အပေါ်ကနေအောက်ကို ဆွဲချတာနှင့် ကြည့်လို့ရမှာဖြစ်ပါတယ်။ နောက်တစ်ခုက Notification Center မှာ widgets တွေကိုပြတော့မှာမဟုတ်ပေမယ့် သင်ဟာ Lock Screen မှာတင်ပဲ ညာဘက်ကို ပွတ်ဆွဲလိုက်မယ်ဆိုရင်တော့ widgets တွေကို မြင်တွေ့ရမှာဖြစ်ပါတယ်။ နောက်ပြီး သင်ဟာ တချို့သော Notification တွေကို Lock Screen မှာ မပေါ်အောင်လုပ်ထားပေမယ့် Touch ID အသုံးပြုပြီး သင်ဟာ Notfication Center ကနေ ကြည့်လို့ရနေမှာဖြစ်ပါတယ်။ ဒီအခါမှာဆိုရင် Hide လုပ်ထားတဲ့ Notifications တွေကိုပါ အလိုလျောက်ပေါ်လာပြီးပြပေးမှာဖြစ်ပါတယ်။

Lock screen widgets

Widgets တွေကို ပိုပြီး အလေးပေးထားတဲ့ Lock Screen မှာဆိုရင် 3D Touch Shortcuts ကို အသုံးပြုပြီး Detail Info တွေကြည့်လို့ရလာပါတယ်။ Lock Screen widgets ကို အသုံးပြုဖို့ဆိုရင် ညာဘက်လေးကို ပွတ်ဆွဲလိုက်ရုံပါပဲ။ iOS အဟောင်းမှ widgets တွေလိုပဲ ကိုယ်ကြိုက်တာ ထပ်ထည့်လို့ရတယ် နောက်ပြီး ဖြုတ်ပစ်လို့ရပါတယ်။ Lock Screen Widgets မှာဆိုရင် အတော်လေးအသုံးဝင်တဲ့ Spotlight Search Bar ကို ရက်စွဲရဲ့ အပေါ်နားလေးမှာ ထည့်သွင်းပေးထားပါသေးတယ်။ နောက်ပြီး Music Widget ဟာဆိုရင်လည်း ပြောင်းလဲမှုအနည်းငယ်ရှိပြီး အားလုံးလိုလိုဟာယခင် iOS အဟောင်မှာထက်စာရင် အနည်းငယ် ကြီးလာပြီး သီချင်းကို ရပ်လိုက်တာကအစ Album Artwork ကိုပါ အကျိုးသက်ရောက်မှုဖြစ်စေမှာဖြစ်ပါတယ်။ ဉပမာ သီချင်းကို ရှပ်လိုက်တဲ့အခါမှာဆိုရင် Artwork က အနည်းငယ်သေးသွားမှာဖြစ်ပြီး သီချင်းကို ပြန်ပြီး Play လိုက်တဲ့အခါမှာဆိုရင် Artwork က အနည်းငယ်ပြန်ကြီးလာမှာဖြစ်ပါတယ်။ နောက်ပြီး Home  Button ကိုနှိပ်လိုက်ခြင်းအားဖြင့် Music Controls တွေကို Lock Screen ကနေ ဖျောက်ထားလို့ရတော့မှာမဟုတ်ပါဘူး။

နောက်ဆုံးအနေနှင့် အားလုံးကို ခြုံပြီးပြောရရင် iOS 10 ဟာ Lock Screen အလုပ်လုပ်ပုံကို လုံးဝ ပြောင်းလဲလိုက်တာဖြစ်ပြီး used to ဖြစ်ဖို့တော့ အနည်းငယ်အချိန်ယူရမှာဖြစ်ပါတယ်။ Lock Screen ကိုအခုလိုပြောင်းလဲမှုတွေပြုလုပ်လိုက်တာကို တချို့တွေကတော့ မနှစ်မျို့ပေမယ့် အတော်များများကတော့ နှစ်သက်ကြပါတယ်။

Read More